بناات من شهور جربت خلطة الآس واكليل الجبل والسدر وتخيلوا بعد اسبوعين بالزبط والله لقيت شعر اسود جديد طالع !!
لاني كنت استخدم بخاخ الاعشاب هذا يوميا بس وقفته لانه ينشف الشعر ...
ولكن ماما نصحتني استخدم معه زيت عشان مااحس بالخشونة والجفاف ومو عارفة الطريقة وماابغى ءألف من راسي
وكمان باقي الاشياء الي بذكرها مفيدة جدا ومن تجارب واقعية وقريباتي جربوها وجابت معهم نتيجة مرضية:p
فــَ سويت برنامج سهل مكون من 3 حاجات ومفييييييييييدة جدا للشعر بتجارب الجميع
1\ حبوب كبد الحوت المستوردة
وهذي صورتها
بالمرفقات
عموما لو ماطلعت الصورة روحي الصيدلية وقولي للصيدلي ابغى حبوب كبد الحوت المستوردة من انكلترا
هيا جبتها ب 45 رياااال
وفيها زيوت اوميجا3 الغنيييييية عن التعريف وفوائدها للشعر وفيها فيتمينات اخرى
مو بس مفيدة جدا للشعر الا للبشرة والاظافر والذاااكرة كمان
ف هي مرة كووويسة هذي اول حاجة في برنامجي
2\ بخاخ الاعشاب الثلاث ... (الآس - اكليل الجبل - السدر)
آخذهم ورق من عطااار كويس
واطحنهم بالبيت الى ان يصيروا ناعمين واخلط الاس و اكليل الجبل على بعض واحطهم ببرطمان والسدر ببرطكان آخر ... مو شرط تسووا زييي بس انا كذا سويت
وطريقتهم تاخذي ملعقتين من الاس واكليل الجبل المخلطين ع بعض و ملعقة سدر (يعني 3 ملاعق كبيرة)
نحطهم بالمكان الي بننقع فيه الاعشاب
بعدين نغلي كاستين ماء كبار مغلي
ثم نصب الماء على الاعشاب ونقلب ونغطيه بكيس .. (ضروري نغطي عشان مايفقد الماء زيوته الطيارة المفيدة)
وبعدين نتركه يوم كامل منقوع
واليوم الثاني نصفي الخليط بمصفاة ثــم بقماشة او شاش عشان يتصفى الخليط كويس لازم ع فكرة نصفيه بقماشة او شاش والا بتلاقوا بواقي الاعشاب عالقة بالرشاش ومارح ترش الرشاشة كويس
وبعد مانصفيهم كويس نحطهم برشاشة ماء زي الي في الصورة مثلا
وبسسس
نرش الفروة كويس وندلكها عشان تمتص الماء بسهولة ويستحسن نمشط الشعر بفرشاة خشب
لان الخشب يفتح مسام الفروة ومفيد لها
وعلى حسب رغبتك لو حابة تغسلي بعدها شعرك بشامبو او بماء او ممكن ماتغسليه مثلي لان منقوع الاعشاب هذا مجرد مااااء مو زيت مشكلته بسسس ينشف الشعر
3\ زيت جدايل من عبدالصمد القرشي (الاحمر المطول)
اما تلاقوه بالصيدليات الكبيرة واما بالمولات بمحلات عبدالصمد القرشي
مرررررررررررة حلوو
خالتي و عمتي وصاحبة امي جربوه ومدحوه كثييير لأمي يقولوا فعال
مرتين بالاسبوووع والتعليمات تكون مكتوبة على العلبة
هذا برنامجي وان شاء الله بستمر عليه الى ان اصل للطول المطلوب :o اي وحدة حابة تشاركني ونشجع بعض حياها الله
العذر والسموحة لو طولت عليكم حبوباتي :26::26::26:
بس م تحسين الحبوب مرهه غلط للشعر او البشره او ...الخ