برنامج يسحب الإيميلات

أخي الوحيد .ممكن تشرح وبالتفصيل الممل كيف تعبي معلوماته ..لأني اذكر إني حملته من فترة بس ما عرفت له ..الرجاء إذا كنت تستخدمه تشرح لي كل خانه لإيش ..

وكمان أبغه اعرف إذا كان يسحب الرسايل على الأوتلوك ولا لأ..وشكراً

أسف جدا أنا لم أعمل عليه لذا سأحاول تنزيله ومن ثم أعطيك خبر عنه .

الوحيد تسمح لي اتلقف شوي
واقول للاخت شلون الطريقة
اول ما تنزلينه ، تقومين بتشغيله راح يطلب منك كتابة اسم المستخدم وكلمة المرور و تحته فيه مربع علشان يحفظ الكلمة السرية اذا الجهاز يستخدمه اكثر من شخص لا تحطين صح على المربع
وبما انك اول مره تستخدمينه راح ينشأ لك بوفايل خاص فيك يعني اكثر من شخص ممكن يستخدمه

بعدين تروحين لـ Account تضغطين عليه تروحين add و تبدأين بكتابة اسم المستخدم و واختيار اسم الشركة اللي موفره لك الحساب و تعبين البيانات ، وتستمرين في الاضافة حتى تنتهي
بعدين تروحين check email وتخلينه يشيك على حساباتك و اللي فيه رسالة جديدة راح يعطيك عدد الرسائل الجديدة مجرد اضغطي على الاسم وراح يشبكك على الحساب الخاص فيك بس الكوكيز الخاصه بالبريد لازم تكون فعاله والا اضررت لتسجيل الدخول من جديد ( راح يفتح لك المتصفح الخاص بك ويدخل على موقع البريد للشركة)

اتمنى اني شرحت عدل و فهمتيه جربيه وشوفي

شكرا يا الوحيد
ما عليك زود

شوفي يالعصفورة أنت إذا دخلت في موضوع الحاسب أنا ما أقدر أقول شئ لأنه إذا حضر الماء بطل التيمم ولا يفتى ومالك بالمدينة .

وبعدين المنتدى كله لك أمر وتدلل

أرجوا إنك فهمت يا إراده لأني بصراحة نزلته ولا عرفت استخدمه وتورطت

بس الحين أبرجع عقب شرح العصفورة وأحاول