مرحباااااا
اغلبكن تعرفون برنامج The swan (البجعه) في ام بي سي فور
هذا البرنامج فكرته انه يجيبون بنت شكلها يخوووف (الله لا يبلانا)
ويحورفون فيها لين تقول بس ويكشخونها وينحفونها ويلبسونها
لين تصير ملكة جمال
انا عاد اليوم يوم اني شفت الحلقه انهبلللللللت
طلعوا جناااااااااان بعد مانحفوا انفسهم
اغلبهم صاروا مودلز
من جد مافي شي صعب تحقيقه
عاد انا تحمست بقووووه لمن شفت ردة فعل اهاليهم لمن يشوفونهم
قلت لازم ابهر اهلي بنفس الطريقه هذي بس بطرق طبيعيه لا عمليات ولا هم يحزنون
خصوصا ان زواجي بعد شهر ونص تقريبا
بس انا صاير لي باديه من 3 شهور تقريبا في الريجيم
والتغير في جسمي صاير ملحوووظ مره
وبحكم دراستي بالرياض
فاهلي مايدرون عن التغيرات اللي تصير لي
لاني اذا رجعت الشرقيه البس لبس فضفاض عشان محد يلاحظ الفرق
وفي الكليه بعد البس لاب كوت واسع يعطيني وزن اكثر عشان زميلاتي مايحسون بعد
تقريبا يمكن نزلت الحين 13 كيلو
وناويه على خمس كيالوا على الاقل
مقاس بنطلوناتي صار من 36 الى 34 وقريب يصير 30
من عرفوني اهلي وانا اعاني من السمنه صراحه
عشان كذا راح اوريهم التغير الجذري انشالله في زواجي
وخطيبي بعد ابيه يتفاجأ
انشالله باقي بس هالاسبوع والاسبوع الجاي وماراح يشوفني ليوم الزواج
ماادري كيف راح اقدر اتحمل البعد بس ربنا يسهل
بديت هالاسبوع اعتني بنفسي عنايه اكسترا
شريت لي حبوب فيتامين شامل لكل الفيتامينات والمعادن الهامه للجسم
اسمه century 2000 وسعره خمسين ريال
كل يوم الصبح اخذ حبه وحده
والحميه اللي استخدمها صحيه جدا وتنقصني كل يومين كيلو
اكيد تبونها صح؟؟؟
حميتي
الفطور:
علبة حليب رشاقه من الصافي دانون
و ملعقة عسل وتمره
والظهر:
سلطة ملفوف وطماطم وجزر وخيار ومليااااانه ليمون و مقلله الملح
وبيضتين
وقطعة بسكويت داجستيف
ودايت سفن اب او ببسي
والعشا:
علبة زبادي خالي الدسم
وملعقة عسل
ويكون قبل النوم بثلاث ساعات
غير كذا اشرب على الاقل 8 كاسات مويه باليوم
المويه فاتره ومخليتها جنب سريري عشان اشرب طول الوقت
المويه الكل يدري انها عامل اساسي لاذابة الدهون وقلتها يسبب تراكم الدهون
الرياضه
كل يوم الساعه ست ونص المغرب اروح النادي
وساعه تمارين بالاجهزه
وساعه ونص ايروبكس وسكواتش و يوغا
واذا ماعندي شي وفاضيه دخلت حمام السونا بالنادي
وهذا غير التفحيط في الاسواق للتجهيز
وغير التفحيط في الكليه
وغير التفحيط في الكتب للمذاكره
ربنا يسهل بس
امممممم مو كني هذرت واااجد؟؟؟
سوري موضوعي كان بس للفضفضه
واحس كذا اني ارتحت نفسيا
اتمنى اني افدتكم ببعض الاشياء
تحياتي لكم يا حلوااات
SoOoOofy @sooooofy
محررة
يلزم عليك تسجيل الدخول أولًا لكتابة تعليق.
:2thmup: :2thmup: :icon18: :icon18: مشاء الله عليك الله يوفقك ويسهل عليك ... اما البرنامج مو يغث بس لا والله يضيق الصدر والحمد لله على كل شيء :27:
الصفحة الأخيرة
والف مبروك على الوزن الجديد ومبروك بعد على الزواج قريبا ان شاء الله
ما شاء الله عليج انا بعد والله من عرفوني هلي وانا متينه وخاطري اضعف ادعيلي الله يقوي عزيمتي