ام زيد الشحي @am_zyd_alshhy

عضوة جديدة

برياني اهل الامارات المشهور

السلام عليكم

حابه اشارك عندكم اليوم بطبخه اماراتيه مشهوره

مابطول عليكم وااايد بندش فالموضوع

الكميه تكفي لست اشخاص يعني ديايه وحده كبيره

اولا: نغسل لديايه اوكي وانقطعها لفخضين وصدرين وانخليها تغلي بماي لغاية ماتنضج ونتركها ع جنب:angry::angry::angry:

ثانيه انجهز قدر العيش طبعا نغسل العيش عدل والكميه اللي تحددونها بنفسكم

نضع فالماي اللي بنسوي فيه العيش وقبل مايغلي ،ملعقة (سنوت) او كمون .وملعقه الحبه الحلوم تشبه السنوت .واربع اعواد قرفه انكسرهم صغار شوي. وجزر واحد انقطعه مكعبات صغيره .وبزاليا مثلجه تقريبا فنجانين .وورق هندي او برياني يسمونه اذا عرفتونه .وطبعا ملح حسب رغبتكم .عقب انخليه يغلي وانصب العيش لغايت ماينضج بس حاولوا يكون العيش مب ناضج واايد وايد يعني معتدل عشان ماينهرس عليكم عقب مانشخله انخليه عجنب فالمشخله.:angry::angry::angry:

نحضر القدر اللي صبينه منه العيش وانحطه عنار هاديه ونضع فيه بصل مقطع الى شرائح رقيقه ودائريه ونقليه بالزيت ونضيف له ثوم وزنجبيل اخضر مهروس وناعم ونحرك المقادير عقب مايحمر نضيف خمس روب زبادي صغير على الخلطه ونحرك تحت نار هاديه طبعا عقب نضيف ورق هندي او برياني وكزبره وبقدونس وفلفل اخضر حار اربع لان كل ماكان حار طلعت الطبخه احله عقب انضيف البهارات مثل الكركم وملح وفلفل ناعم واذا عندكم بهارات مخلطه بيكون احسن بعد ،،، عقب نحضر الدجاج الناضج وانحطه على هذه المقادير كلها فالقدر وانقصر عالغاز ونسكر القدر عشان ماتطلع الريحه عشر دقايق وانبند عنه :angry::angry:

اخر شي انصب العيش على هذه الخلطه فالقدر وفوق العيش انصب صبغة عيش مع فصين ثوم صغيرمقطع مخلوط بالصبغه طبعا وماء ورد ونخلطه بالعيش عشان يعطي لون حلو عق نقلي بصل شوي وبطاطس وباذنجان ونحطه فوق العيش ونبشر شويت جزر بعد واذا عندكم مكسرات بيكون احلى بعد

وخلصت طبختنا ان شالله تعجبكم

وسامحونه

تحيااااتي : ام زيد:angry:

يلزم عليك تسجيل الدخول أولًا لكتابة تعليق.

تسجيل دخول

**العنـــود** • 13 سنة

تسلم يدج .........ياليت صورتي لنا عشان نستمتع بشكله

*المسافرة* • 13 سنة

.

يميييييييييييي

توني متغدية برياني وطريقتنا تقريبا تشابه ريقتج بس بدون ثوم من فوق وحتى الصبغة أبتعد عنها غالبا.. يكفي الزعفران وبعد مب ضروري..

عالعموم شكل الطريقة رائعة وليتج مثل ماقالت الغلا العنود صورتي الشكل النهائي حتى نستمتع فيها..

يعطيج العافية وبانتظار جديدج..

.

UMM_BDR • 13 سنة

تسلميييييين على الطريقه

الفراشه المبخوته • 13 سنة

الله يعطيك العافية

a7la-fashion • 13 سنة

ان شاء الله قريب اجربه
يعطيك العافيه