طالبتكم يامشرفات تكفى وتراء تكفى تهز رجاجيل لاتنقلونة من المجلس العام ولاتتضيقون صدري اكثر من انه منتك
ماشاء الله لاحول ولاقوة الابالله الله لايغير علينا
تراني منتكة وضايق صدري والله لو ان بوش قبالي لاحذفة بنعالي
من جيت من القصيم وعيالي مساخين حراارة اسبوع وهي ناشبة فيهم وانا مدااومة ليل نهار حارسة آمن
ومكملها هالمملوح داشة برد ومعه كحة عسى عدوا عيني تصيبة
ياعااااااااالم ابي نوم من تستقبلني .. مفكرة تنحاااش
نومتي الصبح ولاغطت عيني جاء هالمملوح مستأذن يبي يريح والكحة تسوط وتلوج بالهبيت وربي اني انقز مرعوبة من غرقة النوم
السرير يرج وصداء الكحة ترج بالغرفة ماحلفتون اني اسوي شاهي اليوم ويدين تهز توحشت احسبة زلزال وربي ارتعت
من قلة النوم
خلصة من هذرتي نجي للهذرة الثانية والثالة والرابعة يعني تابعونا ولاتقاطعونا
تعرفون الاتيكيت والتكشخ ومن خلف الكواليس بلاوي منيلة
لاتغركم اللي تجي كاشخة وتسنة اتكيت وتحب تاكل كيك
لاتصدقونها وهي من وراء الستار الله اعلم بالحال تقولين جلسة عزابية والحوسة بكل صوب مرمية ..وتجيك تتكلم انها مرررة كوشاااااخية وقهوتها موكا بنفسجية وماتاكل الا شكولاتة محشية
تكفين طبي عليها موفاجئة
.... هذي اللي تسذب تخيلوا معي هالموقف اللي حصل معنا قبل لااعرس يوم اني جذعة
اختي جوجو البكرية بتاعت ماما كانت نفاسى عندنا برضوا بولدها البكرية وكنا فالينها بالظهرية بساط أحمدي وكل وحدة مفرطخة وتشفط شاهي وتوشح قشور فصفص ..تخيلتوا
احد البزوة سمع الباب يطق وفتح وحنا مادرينا ونلتفة ونشوف حرمة واقفة بباب الصالة وقمنا فزعيين وش نسوي الحرمة ماعمرة جت لمنا ياخزييياة قمنا وكل وحدة مسكت طرف السجادة ونفضننا اللي فيها بزاوية ترامس الشاهي والبيالات .. عربجيات
وطلعت الحرمة خالة زوج اختي وحدة نااايس كشخة .. اختي طقتة ام الركب .. اتوقع انها تسذب عليها اننا اتاكيت ههه
وفضحها ربي بعز الظهر ..
انا اليوم ابوريكم بساط اهلي خلف الكواليس ..بما اننا اعرسنا كلنا والحمد لله توفقنا قلت ابطلع فضايحنا وابن ابوة ان ماذل يرجعنا ..
طبعاُ دبت فيني الشجاعة عقب ماكفخ منتظر بوش بالجزمة
وابصم لكم بالعشرة ان خواتي اللي هنا راح يفصلون من عالم حواء ..خخخ
واجزم انهم لاشافوني راح يحذفونن بجزمهم ..*** ههه
تخيلوا فضايحنا ومن قعر بيتنا تنتشر بالافاق وهالامريكان والصينين والعرب كلهم يشوفون فضايحنا
*****
كما اسلفت بايعتها بايتعها مطوليين نبداء من الاخضر وين مايروح الاخضر انا وياة
وبعدها نكمل الاعصار ..جاكم الاعصار ماكلُ يريدة
الحين ابفتتح لكم بالمؤشر الاخضر وهذا خاص فيني ومن فضايحي ..
انا مدمنة نعنااااااااااااااع كل يوم صرة وافتتح فيها لما اصحى من النوم يعني تشوفوني مكشرة واللي بطريقي ادعسة .. لما اكل نعناع تتغير الاجواء من عواصف الى هدوووء وروقان
حتى اني عودت اهلي قبل لااجي لمهم برسالة جوال لكل شخص معه جوال واكتب فيها .. نعناع ثم نعناع واذا مافية نعناع تحملوا مايجيكم
ابيي الله يحفظة يشوفني امخمخ بالنعناع قالي يابنيتي مايعورتس
قلت مايستاسع صدري لين امخمخ بصرة نعناع ..الله يوسع صدرتس بالعافية وكل يوم جايب نعناع .. يحسبن اتوحم
تابعوووونا
