TurkisH_CoffeE
انتي خذي بنتج وانتي مغمضه شهرين عمرها لا تشيلين همها سيري بسرعه قبل ما تكبر وتتعذبين فيها أكثر بس خذيلها أدويه لاتنسين التطعيم... حاولي ما تمشين بها في الزحمة ولا تخلين الغرب يشيلونها يمكن ينقلولها عدوى وبعدها صغيرة حرام .... حاولي تضيفين لها فيتامينات في حليبها اسألي الطبيب يكتبلج فيتامين مناسب عشان تمنعين عنها العدوى....


أم شوق
أنا بعد مصيبتي مثل مصيبتج اثنين صغار وأعمارهم متقاربة يعني تقدرين تسمينهم توأم .... الله يعينج أنا أقول لو تخلينهم عند أهلج وتسيرين انتي وريلج بس وتيلسون 5 أيام أو أسبوع في أي دوله تحبينها أفضل من انج تاخذينهم وتطلع عيونج وياهم لأنهم في هالعمر ما يعرفون شي ولا يتذكرون شي من هالسفرة اللي محسوبه عليهم تعب !! هذا رايي
أنا بعد مثلج ريلي يبا يودينا ماليزيا وبانكوك 20يوم وفي ماليزيا عاد بنكون رحاله من بلدة لبلدة وكل يومين طيارة يعني ماشي استقرار.... ولدي شقي عمره سنتين وبنتي عمرها 11 شهر واثنينهم يستهلكون 16 بامبرز يومياً ويرضعون حليب 6 رضعات يومياً الولد ياكل أكلنا عادي لكن البنت لين يومج ما عندها إلا ضرسين ما تاكل إلا مهروس أنا سايرة أستانس ولا أطبخ وأهرس وطبعاً اثنينهم صياحين ومايحبون اييلسون في العربه يعني لازم أشل البنت والأبو يشل الولد مع انه يمشي لكن لو مشيناه بيركض وبيسوي مصايب
فأنا عاد قررت اني ما ابا أسير لأن السفرة أكيد حتقلب غم أنا هني في بيتي وعندي الشغالة تساعدني وبعدني تعبانه وياهم ومب ملحقة عليهم وأكيد هالسفرة بتكون بس تعب عليهم ووناسه يمكن حقي أنا بس لأن وناستهم الحقيقية في بيتهم وويا ألعابهم

خذيها معك لان الحال بيطول

ما راح تستمرون اثنيبن كل مالكم في زياده

وبعدين اذا عودتي زوجك على ترك عيالك

بيصير يكره السفر معهم

ويقولك اقعدي انتي وعيالك

وبعدين ماراح تنبسطين الا وهي معك

ماراح تهوجسين فيها

صدقيني مره وحده تركت بنتي وسافرت

كرهت نفسي وحرمت اخليها

والحين ما اسافر الا عيالي قدامي

انا انصحج تودينها الا عمرها شهرين يعني مارح تتعبج وثاني شي وشلون تقدرين تخلينها وهي اول طفل لج

وعلى فكره بالعكس اذا خليتها وسافرتي اهني راح تخترب سفرتج عليج لانج راح تحاتينها ومن كثر التفكير والصياح بتحلمين احلام مزعج وغيره وغير وبكذا اختربت السفر لكن اذا اهي معاج اول شي ذكره حلوه وثاني شي مطمئنه ان زوجج وبنتج معاج يعني ماتحاتين شي ودام زوجج قالج خل انسافر لاتقولين لا تحملي تره بعدين بفكر فيج انج نكديه مو جو رحلات وراح يستخدم بديل لج ف لاتجعلين الفرصه له بالعكس خليه يحس انج سعيده ومتفائله بسفر وكثر ما تقدرين قلي من العصبيه وحاولي تخلينه يستانس معاج

والله اوفقج وخليلج زوجج وبنتج ويرزقج من فضله

انا عكسكم
انصحك (ماتاخذينها )اذا كنتي ماترضعينها صدرك حطيها عند امك او اختك
مايخالف كلها كم يوم وراجعه لان السفر مع الاطفال الصغار متعب خاصه ان فيه اماكن صعبه تاخذينها معك ويروح وقتك تشيلين وتحطين فيها حتى هي بتتعب
وبما انك طالعه من النفاس مناسبه سفرتك تكون شهر عسل ثاني
فممنوع اصطحاب الاطفال
والله معك

والله ودي اساعدك

بس ما بعد جربت الاطفال

:)