ام ميثا,,
خذي شغالتك معك..

ريمــــــــاس
لا ما أباها :(
أولاً عيالي مايدانونها ... يموتون من الصياح عندها خاصة البنت بالمرة ما تعودت عليها وبعدين ياختي أنا وحدة ما أطيق الشغالات ولكن غصباً عني متحملتنها كيف تبيني أخذها وياي مجابلتني وين ما أسير وأرد وفي المطاعم تتيلس وياي أنا وريلي ما تسوى علي هالوناسة أصبر سنه لين ما يكبرون العيال وأسافر وأنا مرتاحة ولا رايج أتوكل على الله وأخذ العيال وأبوهم بيساعدني علماً بأني بهلك وياهم لأنهم الله يهديهم شياطين ويالله كله يعتبر جهاد في سبيل الله :)

اختي نصيحتي لك خوذيها معاك انا مره تلقفت وخليت بنتي عمرها سبع شهور لمدة اسبوع عند اهلي تصدقين ماتهنيت ولا ذقت طعم النوم من كثر ماانا مشتقه لها توكلي على الله وخذيها معك والله يهنيك ويسعدك.

ام ميثا ,,
خذي عيالك وروحي الواحد كم مره بيعيش ,, بس المهم عدلي وقت نومهم
عشان في الليل تطلبي بيبي ستر وتخليها تنتبه لهم وهم نايمين وتطلعين مع زوجك :)

طيب يابنات لو سمحتو اللي ياخذون اطفالهم كيف تتمشون يعني فيه اماكن ما تقدرين تجرجرين اطفالك لها زي الكهوف والجبال البارده وحتى الملاهي لوبغيتي تلعبين مع زوجك وين بتحطين الاطفال بصراحه احس انه مره صعبه السفر معاهم خصوصا اللي اقل من خمس سنوات .. انا ماعندي اطفال بس اتصور اذا جاني انشاءالله مستحيل اخذهم..