ترارا رارا رارا...ترارا رارا رارا >>>>> موسيقى اخبار العربيه
اسعد الله مساءكم بكل خير..واهلاً بكم في نشرة الاخبار من العربيه
نبدأ اخبارنا بالعنوان الاهم لهذه الليله
#ران موري# @ran_mory_2
محررة ماسية
بسبب عالم حواء..اسناني ولعت لمبه..يمكن ماتصدقون بس هذا اللي صار واكيد بالصور
ترارا رارا رارا...ترارا رارا رارا >>>>> موسيقى اخبار العربيه
اسعد الله مساءكم بكل خير..واهلاً بكم في نشرة الاخبار من العربيه
نبدأ اخبارنا بالعنوان الاهم لهذه الليله
178
9K
يلزم عليك تسجيل الدخول أولًا لكتابة تعليق.
ههههههههههههههههههههههههههههههه الله يرجتس ..=)
والله انك فلللللله ..~
يسلمووووو ..=)
والله انك فلللللله ..~
يسلمووووو ..=)
ههههههههههههههههههههههههههههههههههههههههههههههههههههههههههههههههههههههههههههههههههههههه حلووووووووووووووووووووووووووه
هههههههههه مـــــــــــــــــــره حــــــــــــــلــــــــــــو ســــــن ومـــــــــولــــــع وفــــي ضــــــــلام اكــمـــــــــلــــــــت مــــــــــشــــــــــاهـــــــده من مــــــشــــــهدات القناه العربيه ونشكر المراسله على هذه الضيفه
يــــــــــــــــــســـــــــــــــــــمــــــــــــــــــــــــــو
يــــــــــــــــــســـــــــــــــــــمــــــــــــــــــــــــــو
الصفحة الأخيرة
وقد قامت مراسلتنا بلقاء العضوه المذكوره وجئت لنا بالتفاصيل
المراسله : نحن الان مع العضوه #ران موري# لتحكي لنا عما جرى بالتفصيل السلام عليكم ران
انا : وعليكم السلام
المراسله: ممكن تبلغينا وتبلغين المشاهدين عما حدث لك بالتفصيل.
انا: في يوم من الايام كنت اتفرج على التلفزيون ومليت مافي شي اتابعه
قلت يابنت قومي وافتري وفحطي بعالم حواء وشوفي اخر الاخبار
اذا في اخبار مفرحه علشان افرح معاهم
اذا في اخبار حزينه علشان اواسيهم
اذا في عضوات ينكتون علشان اضحك معاهم
اذا في عضوات تماعطوا الشوش علشان افرق بينهم
المهم...جلست كعادتي بالمقلط علشان اتابع المنتدى
وبنفس الوقت اذا في شي بالتلفزيون اتفرج>>> ذكيه من يوم يومك
جلست بالمقلط وبمكاني المعتاد (المكان حصري لي مستحيل احد يجلس فيه)>>> ياقويه
يوم جلست وفتحت اللاب توب...طلع مافي اتصال..يوم رفعت عيني على المودم (الدي اس ال)
لقيت ان في لمبه مو شغاله...قمت علشان اشوف السالفه مو معقوله النت انفصل
يوم رحت لقيت ان السلك راسه مقطوع من كثر ما نفك فيه ونركب
اقصد بالسلك هذا...الراس كان مقطوع
بغيت اتصل على ابوي او اخوي واقول لهم وهم جايين يجيبون معاهم سلك
فقلت وش دعوه كلها سلك بركب الراس فيه وخلاص..
حبكت معاي اني اصلحه بنفسي...وياليتني خليت هالشغل لاهله
رحت جلست عند المودم وتربعت >> لازم يعني تعلمينهم بطريقة جلستك
فقلت لاخوي الصغير: روح جيب مقص ولا سكينه علشان اصلح السلك
اخوي: لا
انا : يا اخوي يا حبيبي ياقرة عيني روح جيب المقص ولا سكين علشان اصلح السلك شوفه مقطوع
ولا ترى ما راح اخليك تجلس عليه
اخوي:ماراح اجيب شي ماني فاضي لك والنت بجلس عليه مو حقك
انا : طيب...تذكرها>>> تهدد
لاحول ولا قوة الا بالله ماعاد فيني حيل اقوم ادور المقص ولا فيني حيل اكرف مشوار للمطبخ علشان اجيب سكين
قلت امري لله اسناني موجوده
طبعاً كان وقت الظهر واخوي الصغير كان مسكر الستائر لان الدرايش كانت منعكسه على التلفزيون ومايقدر يتفرج
ولمبات المقلط مطفيه...صارت الاضاءة بالمقلط شبه خافته...امي تكره هالحركه
(تصدقون الحركه حلوه خاصه بالليل نطفي اللمبات ونقعد نتفرج على التلفزيون كأننا بالسينما)>>اختراع عظيم
ماعلينا نرجع لسالفتنا
الاضاءة بالمقلط شبه خافته....وماعندي مقص ولا سكين علشان اصلح السلك
وقلت ماعندي الا اني اصلح السلك باسناني ...اخذت السلك ونسيت ان السلك موصول بالكهرباء
وحاوت اقطع السلك اللي بره علشان اطلع الاسلاك النحاسيه اللي داخل
ويوم هو في اسناني ولمس النحاس اسناني الاماميه
ماوعيت الا بذاك النور اللي طلع من فمي واخترعت ورميت السلك
اخوي لف عندي حس بشي غريب صار بالقلط
انا يوم شفت النور طلع من فمي بسبب تلامس النحاس لاسناني ضليت دقيقه مصدومه مكاني ومو مصدقه اللي صار
وبعدها ضحكت ضحك هستيري..استمر لنصف ساعه
ماتركت احد بالبيت الا وقلت له (اسناني ولعت لمبه) واستمر بالضحك
وهم مستغربين السالفه ولسان حالهم يقول الحمد لله صدق من قال العقل زينه لبني ادم
واحد من اخواني قال..اجل على كذا اذا اختربت لمبات البيت ماعندنا الا ناخذ السلك ونحطه باسنانك
علشان تنورين المكان لنا>>>تتخيل شكلها واسنانها مولعه لمبه >>> والله وصرتي مصخره
بعدها ...راح اخوي واشترى سلك جديد بدال المقطوع
والسلك المقطوع بغيت احتفظ فيه بس مالقيته لانه مره طويل قلت يصلح اسوي فيه عمل وبس
المراسله: عزيزاتي المشاهدات تهقون في احد درى ان ران موري كانت
ناويه تحتفظ بالسلك علشان كذا رماه ؟؟؟
كانت معكم مراسلتكم من بيت العضوه ران موري... عوده الى استديو الاخبار
ونحن بدورنا نترك التعليق والاجابه على هذا السؤال للمشاهدين
نشكر لكم حسن المتابعه نلقاكم في نشرات قادمه...الى اللقاء
اختكم ام اسنان منوره #ران موري#