بسم الله الرحمن الرحيم ,, تجربتي الزوجية مع ... << مُـعـدل

بعد ماشفت أكثر من موضوع عن خيانة الزوج من خلال المحادثات قررت أكتب عن تجربتي لعلها تفيد أحد....لأنها أول تجربة لزوجي وان شاء الله مايعيدها فأنا أشوف ان حلي كان الأفضل وهالكلام بشهادته تبون تعرفون كيف أنا بأحكيلكم .....زوجي انسان كان دايما يسخر من زملاءه اللي يكلمون بنات ومتخرفنين وللعلم هو شاب عادي يعني مو ملتزم طيب ويصلي بس اذا عصب يتحول لشخص ثاني الله يهديه ...طيب في فترة بديت ألاحظ انه حريييييص على جواله بزيادة مسكت الجوال ولقيت رسالة في احد برامج التواصل من وحدة تقول وينك ولما حاولت افتش عن بقية رسايلها حسيت فيه جاء فقفلت الجوال وهو وجههه انقلب هنا أنا تأكدت ان مسوي غلط بس اشتغل التفكير عندي وظليت أفكر بخطة ....كنت ابي احشره بحيث انه ماينكر ولا يلقى له مخرج فانتظرت لليوم الثاني واخترت وقت مناسب كان مروق ومبسوط ..اخذت جواله على غفلةوصدمت من المكتوب لانها خلال 3 ايام قدرت تحصل على ارقام جوالاته واسمه وماباقي الا يرسل صورته 😬😬
مسكته بعيد عن اطفالي وما خليت شي في نفسي وما خرجت من الغرفة الا وانا منهية الموضوع تماما ....لكن في نقطتين وهي أساس موضوعي هذا وحدة كلمة قالها لي ولسا أحسها بقلبي قال لي




أشكرك والله انك ونعم الزوجة أنا ماحادثت بنات وأنا مراهق لأني أعرف انه ذنب وان اللي تسوي كذا تلعب على أكثر من واحد لكن اللي صدر مني الحين فضول فالبداية بس بعدين بدأ الشيطان يزين لي الموضوع والله اني ما أدري كيف أعطيتها الرقم ...قلت له يعني ملتدري اني اذا غفلت عنك ربي يراقبك طول الوقت ....بس احس ثقتي فيه اهتزت الله يصلحه ....
النقطة الثانية يابنات اذا لقيت زوجك يغازل ولا يكلم لا تكوني جبانه ولا تكتمي فنفسك واجهيه وصارحيه يمكن انك توقفيه قبل مايزيد الخطأ لأن وللأسف فالغالب اذا انجرف الرجل صعب يترك هالعادة طبعا انا اتحدث عن اللي زوجها ماله سوابق أما اذا انه متمرس وراعي خرابيط فأنا أترك النصيحة للي أفهم مني أنا فقط أتكلم عن تجربتي وحسناتها ....وبالنسبة للجرح اللي كل أنثى بتحس فيه بكرامتها فماله حل الا انك كل ماحسيتي ان الشيطان بيجرك ناحية حاجة راحت تعوذي منه وتذكري ان الحياة اقصر من انك توقفيها عند نقطة تافهة ومشكلة حليتيها وماراح يفيد حزنك على غلطة انتي مالك دخل فيها اللي المفروض يحزن ويكتئب هو الرجل اللي أخطأ فحق دينه وزوجته...