هدبـاء
•
الأخت سندريلا الرياض*
مشكورة أختي..
والله أخجلتم تواضعي..
تراني ماكنت أعرف ولا جربت زمان صحيح كنت أحب وأتمنى أتعلم
بس ماجربت، ومرة رحت المكتبة وعجبني الكتاب ويوم بديت حسيت الموضوع سهل ومرن..
صرت اطبق علبة أو تغليف أو طريقة ..
وبعدين مرة فيه أحد الأحياء سووا بناته بازار خيري ومسكوني قسم الهدايا والتغليف وأنا والله
ماني واثقة بقدراتي.. بس كان شغلي حلو صحيح كله لصق بس اشوف انه شي طبيعي كبداية
وعجب صديقاتي..
وبعد كذا صارت تجيني افكار وأطبقها وأنا أقول بتقدريييييييين ياهدباء..
وتابعي معي باقي الموضوع..
الأخت يتيمة المنال..
جزاك الله خيراً..
وبكون مبسوطة كثير بمتابعتك للموضوع..
مشاركتي التالية هي هدية صديقاتي..
فكونوا معنا ..
:) (أنفع أكون مذيعة؟؟)
هدبـاء
•
هدية صديقاتي.. طبعاً خليتهم سوا لأنهم نفس التخصص (فنون) فماينفع أهدي كل وحدة كتاب
لوحدها فخليتهم مع بعض..
والمخطوبة منهم جبتلها هدية لوحدها .. وللأسف ماصورتها بس بحاول أخليها تصورها وترسلها
لي وكانت تعليقة ذهب حطيتها في علبة فضية ولا غلفتها ولا شي لأنها ماتحتاج..
يلا نبدأ..
هذي الكتب اللي اشتريتها..
7
وهم قالوا لي انها رااائعة وعجبتهم.. ترا أنا مقاطعة المنتجات الأمريكية للآن والحمدلله ..
لكن بعد ما خلصت واهديت تذكرت انها ممكن تكون امريكية.. لكن هونتها بأنها علم ..
وإذا ماشفنا علمهم واطلعنا عليه مابنقدر نتعلمه ونتفوق فيه عليهم ..
وهذي العلبة اللي حطيتها فيها..
7
كان في بالي اول شي، مجرد أحط الكتب في العلبة وخلاص.. وكل شوي كانت تجيني فكرة..
ووالله في الأخير صارت هدية مرتببببة زي اللي تطلع من محلات التغليف.. وصديقاتي مادروا
اني انا اللي مسويته..
بعد ماحطيت الكتب لقيت كأنها في الهواء لأنها أكبر من عرض أكبر كتاب فيهم .. فتذكرت انه
عندي في ورشتي(الكرتون اللي أجمع فيه اشياء الهدايا) شي زي الفلين وخفيف ومرن زي الورق
يحطونه دايم مع الأشياء اللي يخافون تنكسر أو تتأثر اذا جيتوا تشترونها..
هذا الفلين..
7
قصيته على محيط العلبة بالضبط، وهنا في العلبة بعد القص قلت أحطه أسفل الكتب عشان يثبتها..
7
بعدين حطيت الكتب ولقيت شكلها مو مستقر، شوي تنحذف يمين وشوي يسار لأنها بعد مهي كلها
نفس الحجم ولأن العلبة أعرض من أكبر كتاب فيهم زي ماقلت..
7
ففكرت أحط شرايح ورق أو من الورق المطعج (مكرمش) من اليمين ومن اليسار..فتذكرت انه بعد
يبغالها نزلة سوق واختيار الوان ولفة (وفلوس!!) وأنا خلاص ذاك الوقت معد ابغا اصرف شي
(لاتقولون عني بخيلة .. بس جد راحت ميزانيتي ولعد ابغا اثقل على البابا) ..
طيب والحل!!
شرايح الورق شلتها من بالي لأني ماعندي ذيك المكينة حقتها وغير كذا ماعندي ورق ملون وخفيف،
بس الورق المطعج ممكن أسويه!
وقبل لا أبدأ تأليفي وابداعي.. قلت شكل السالفة مطولة.. فرحت جبت كل شي ممكن استخدمه ويناسب
هديتي وهذا اللي لقيته.. والعلبة زي ماشفتوها وردي.. وفيها قلوب أحمر وابيض ووردي:
7
لون احمر للإستنسل وحتى اسفنجته كانت لسا موجودة من أيام البازار، خرز احمر، تعليقة فيها قلب أحمر
وهذي كانت اضافتها حلووووة كأني متعمدة وجودها بس سبحان الله ربي يسر..
وهذي التعليقة والخرز اشتريتها زمااااان يمكن من ايام الثانوي.. وهي اللي تلاقونها في مبيعات الطائرة
وممكن في جرير أو الألعاب التعليمية واللي هي عبارة عن عدة موديلات لعمل السلاسل والأساور بالخرز
والخيوط....الخ
المهم ولقيت عندي جليتر عدة ألوان واخترت طبعاً الأحمر والفضي، شريط ستان أحمر، شريط شيفون
مع ستان أبيض على سكري فاااااااااتح، وورق كوريشة مبروم وأحمر..
يتبع
7
7
هدبـاء
•
بديت في الورق المطعج جا على بالي أبلله بالمويه وبعدين أطعجه.. وأكون طابعة عليه أي شي بالألوان
أو بطابعة الكمبيوتر.. كلها طبعاً بعد ماجربت كذا تأثير وعشان ماأطول.. بقولكم الشي النهائي..
رحت جبت ورقتين الA4 صديقي وطبعت عليه من الاستنسل اللي عندي الحروف الأولى لصديقاتي
وفراشات صغيرة وزعتها في الورقة..
هذا الاستنسل..
7
وهذا الورق أثناء الطباعة، ونصيحتي للي تستخدم الاستنسل.. تحطين لصق حولين المنطقة اللي تطبعين
فيها عشان لا يخرج اللون بالغلط..
7
وهذا بعد الطباعة..
7
وبعدين رحت بللتها كلها بالمويه وطعجتها ثم علقتها في الحمام(أكرمكم الله) عشان لا تقطرلي على الأرض..
7
و خليتها تنشف وبعدين دخلتها في الطابعة .. وكنت مجهزة صفحة في الوورد وكاتبة أسامي صديقاتي بنفس
طريقة مبروك اللي في هدية أخوي بس بالأسود وعددها قليل وبعدة خطوط..
إلا ومسكت في الطابعة وكانت بتنشق كلها بس الحمدلله لحقت عليها وكانت سوت فيها سوايا .. لكن من
حظي طلعت كأنها حركة مقصودة التطعيجات والشق اللي صار، وقامت طبعت ألوانها اللي لمن تبدأ
الطابعة تؤلف..
فخرجتها وقمت بنفسي كتبت أساميهم بعدة خطوط وبالأسود ومسحت عليها بالجليتر الفضي .. طلع شكلها واااو..
بس مو واضح في الصورة..
7
بعدين جبت قطعة من الفلين المرن المتبقي ولصقته في ظهر الورقة..
كذا
7
وحشرت الورق بالطول وحطتها على جوانب العلبة.. بس للأسف انه بعد التعب هذا كله..
طلع الشكل بايخ!!
يتبع
7
7
هدبـاء
•
أحبطت شوي وقمت أفكر وأفكر ..فقلت خلاص بقطع الورقة لشرايح وأشوف النتيجة..
والطريقة السابقة خلاص فهمتها.. وممكن أجربها بعدين في شي ثاني..
وجبت المشرط وبديت أقطع ورق الفلين لشرايح.. وماتتخيلون كيف كانت الحركة سريييعة باستخدام المشرط..
وبنفس الطريقة قسمت كل ورقة لجزأين بالطول وقطعتها بنفس الطريقة..
كذا..
7
7
وبعدين لفيت الكتب بالشريطة البيضاء وربطتها فيونكة مرتين..
ثم حطيت في العلبة الفلين ع الجنبين وفوقه الورق..
7
7
وبكذا خلصت العلبة من الداخل..
الآن قمت أفكر في الكرت..
كان عندي كرت من أول .. حلو بس ألوانه ماتناسب أبداً..
وقامت هدباء تفكر وتفكر.. وقلت خلاص بسوي كرت أبيض من الورق المقوى وأطبع عليه نفس طريقة
القلوب اللي في العلبة ونفس ألوانها.. وإضافة لمسات أخرى وبعض الجليتر..
كانت هذي النتيجة..
7
وهنا أوضح..
7
صحيح أحسه فاضي شوي ولو اني زودت كم كلمة على الجوانب كان أفضل.. بس معد مدااااني..
وصديقاتي استغربوا مرة حسبوه جا مع العلبة (وأنا وصلت حدي من الوناسة)..
الشكل الخارجي للأسف ماصورته.. وأستناهم يصورونه ويرسلونه لي مع انهم يقولون انه خلاص
شالوه بس لو رجعوا سووه بحطه لكم..
بس بقولكم اش سويت.. أخذت ورق الكوريشة المبروم ولفيته عادي زي هدية أخوي بس مكان
مارجع فوق حطيت الخرزة القلب وبعدين ربطت فيونكة من الجهتين وآخر الشريط المبروم
حطيت في كل جهة خرزتين الحمراء وربطتها ..
وبكذا خلصت هديتهم..
ان شاءالله المرة الجاية بوريكم البلونات والتزيين البسيط اللي سويناه..
أشكركم على المتابعة..
وأسأل الله انه ينفع بأفكاري..
الصفحة الأخيرة
الأخوات وردة نت وعطايا..
اعذروني نسيتكم في الرد.. بس لأني كتبت الرد عليكم من زمان وعلى بالي حطيته..
واكتشفت بعدين اني ماحطيت الرد ..
فاعذروني..
الغالية وردة نت..
يوم قلتيلي روحي المحلات.. زي ماقلتلكم ماكان فيه وقت..
وثانيا.. غالبا الشريط بيكون فيه انشودة او ثنتين اللي حلوين والباقي لا..
وغير كذا ماكنت ابغا ادفع ابدا..
وبعد لأنه كان أسهل علي علي يكون كل شي بجهازي عشان لا أتشتت بين مسجل وكمبيوتر..
بس عموماً ماقصرتي ويكفيني فقط ردك..
فجزاك الله خيراً..
الأخت عطايا ..
خسارة من جد.. بس على قولك خيرها بغيرها..
بارك الله فيك..