ماشاء الله عليك شكلك حتبذلين مجهود كبير حاولي تقللين من المجهود والأشياء حتى ماتكونين مرهقة أو استعيني بأحد يساعدك حتى تستطيعي الاستمتاع معهم بالحفلة
ثانيا أنا من أفكار حفلاتنا السابقة وحفل النجاح اللي سويته ... خليت شاعر يكتبلي قصيدة فيها أسماء الناجحين والناجحات أو نشيده فيها بعد كل شي اللي تبينه
وكيس الهدايا للأطفال مسابقات منوعه وكل واحد نعطيه هدية عشوائي من الكيس
ومسابقات منوعه للكبار ايضا وهداياهم من ابو خمسة وابو ريالين
ودربناهم على نشيد الأطفال يؤدونه
دخلناهم زي الزفة حاملين باقات ورد وشهادات ويسلموا على امهاتهم ويعطوهم الورد
واشياء كثيرة اخرى

سلام اختي ما شاء الله التفاصيل طويله ما قريتها كلها بس حبيت اقولك تجربتي بحفلة اختي سويتها بالحوش اول شي استأجرت نطيطه ب300 وزينت الحو ومدخل البيت ببالونات عاديه وبالونات هيليوم خليت الاطفال برا والكبار داخل انظف وحطيت زي البوفيه صغير بعد ما شبعوا لعب فيه التورته الكبيره ومعها تورتة شوكولاته صغيره للي يفضلونها وسويت بوب كورن ووزعته باكياس ورقيه ودبسته والاطفال بالدور كل واحد ياخذ كيكته نعطيه كيس فيه العاب منوعه حاولت بقدر الامكان تكون مفيده ومناسبه لاعمارهم ووزعنى قبعات وبالونات ام الكبارحطينا ورق عنب وسمبوسه وكبه مع البوفيه بالاضافه الى مسابقت واستخدمت الة الفقاقيع اشترتها ب130 من التعليم المبكر خياليه اعطت جو معليش طولت عليكم بالكلام.

دانه55
مشكورة أختي ع الدعوة .. والله يعين الجميع..


ورده ولا كل الورود
تسلمين كثير على الرأي الحلو ..
بس انتي بأي مدينة؟؟ إذا بجدة يا ليت وتكفين تقولين لي من فين جابت البروجكتور؟؟ وبكم؟؟

أمس مسكت الجريدة وكان فيها اعلانات كثيييرة عن عمل الزفات وشغلات الأفراح فتوقعت انه أكيد بلقى عندهم ..
المهم عاد وكلمت كذا واحد اللي يقول مافيه بجدة
واللي يقول ممكن نوصل بس بناخذ رسوم اضافية حق التوصيل
واللي قال فيه بجدة بس فيه بـ 800 وفيه بـ 1500 فقلت للأخير إن المكان اللي بعرض فيه مكان صغير مهوب قاعة والعرض بسيط جدا كله كلام يعني أسامي

الأشخاص وكذا وشوية صور وما أحتاج درجة وضوح عالية لأن العرض بيكون قريب، فإذا عندك شي أقل من 200!!
قام صاح فيني يقول ايش!!! 200 ايش؟؟ بكل برود قلتله 200 ريال!
قال لا لا لاتتعبين نفسك ما راح تلاقين
فقلته شكرا وقفلت بسرعة

لأنه بصراحة مرة غالي علي بيصير أغلى من كل شي في الحفلة..

بس عاد حزنت، مرة نفسي في ذي الفكرة .. وبس جلست أقول يارب تيسر وأفكر مين ممكن يعيرني البروجكتور من صديقاتي.. وأنا أتفرج ع التلفزيون تذكرت

طريقة سهلة جداً وما بتكلفني إلا سلك ما أعتقد انه بيزيد عن خمسين ريال، وش الفكرة؟؟

أشبك الكمبيوتر عالتلفزيون، وشاشة تلفزيونّا كبيرة فبتكون أروع من البروجكتور لأن الألوان بتكون واضحة وضوح الكمبيوتر..
بس باقي أتصل على شركة التلفزيون وأسألهم طريقة التوصيل ومن وين أجيب السلك..

وحركة كتابة أسماء كل اللي موجودين حلوة مرة فبضيف أمي وأم صديقاتي وأنا حليلي بعد.. ويارب يتيسر لي كل شي وأبسِط الموجودين..

والتورتات كان عادي بقولهم بس ما أبغاهم يشوفون شي أبغا كل شي يكون مفاجأة عليهم، وبعدين غير كذا كل اللي الموجود هو حن بس وصديقة أمي وبناتها..

أحسن وحدة..
جزاك الله خير على هالأفكار.. ماقصرتي..
الله يعيني .. أنا خايفة من هالنقطة ..

بس لأني من الآن ناوية أجهز كل عجاين الأكل قبل بيومين وأحطها بالفريزر، والأكل اللي بينطبخ بسويه بشكل غير نهائي من الليلة اللي قبل، وكل شي ممكن ينحط بجهزه بجنب طاولة الأكل: العصيرات، الصحون والبلونات والكاسات والهدايا وكل شي ما يخرب، والأكل الله ييسر لي أصحى من بدري وأسويه..

أمي أكيد بتكون معي في الخبز والطبخ والتجهيز بس أنا اللي بكون علي شغل أهم من ناحية العرض والترتيب ..

كيس الجوائز حلو فكرته.. وبنزل ان شاءالله لذي المحلات أبو ريالين وأعبيلي كيس لراسه.

والنشيد اللي أخلي البنات يسوون عليه حركات.. حلوووووووووووو كثير وأموت أموت أدرب صغار على فقرات حفل بس المشكلة زي ماقلتلك ماأبغاهم يدرون عن شي، بس هم ماشاءالله عليهم ياكثر الحاجات اللي زي كذا وتدربوا عليها ممكن أجيب الأناشيد وأخليهم يسوون لنا عرض..

بس هي عموما الحفلة مابقول حفلة نجاح،وإنما احتفال بخطوبة صديقتي ومنها نحتفل بالناجحين..
أكرر شكري وياليت تعطيني أفكار أكثر للمسابقات من تجاربك السابقة..

sam320
أهلين أختي مشكووووورة.. ياليت أقدر أسويها في الحوش بس الجو الآن مرة مايساعد،

بس قوليلي على بلونات الهيليوم .. كيف جبتيها أقصد الأسعار هل بالمجموعة ولا بالحبة؟؟
أنا بس ناوية اجيب بلونات الهيليوم على شكل قلوب على عددنا (أنا منهم) عشان تكون ذكرى فكيف أسعارها؟

ورائعة جداً حركة الفشار بسويها ان شاءالله، والفقاقيع بعد رائعة وأحلى شي ان الجهاز بيدوم لك ياليت أقدر أشتريه بس بحاول ان شاءالله ..

أشكرك كثير .. جوزيتي خيراً..

أخيراً ابغى أبين لكم اننا كلنا مانزيد عن 15 شخص:
أمي وأمهم
4 بنات كبار، منهم متزوجة في مستوى جامعي
3 بنات صغار ابتدائي
ولد صف خامس وولد تمهيدي
عشان كذا حتى المسابقات مدري كيف بسويها لأنه العدد مرة قليل..

كذا بريحكم أكثر من قراءة الموضوع وبلخص طلباتي في التالي:

1- ممكن أفكار أكثر لصديقتي المخطوبة اش أسويلها؟؟

2- لو سمحتوا تكفون يا بنات جدة وين محلات التورتات الراقية اللي جربتوها؟؟ والأسعار؟؟

3- محلات البلونات الصغيرة ولحد يقولي جرير أو المحلات لمتخصصة أبغا أرخص شي ممكن؟؟ وأسعارها؟؟ وبعد طريقة نفخ الأعداد الكبيرة أتوقع بمنفاخ بس وين ألقاه وبكم؟؟

4- طريقة عمل البلونات اللي وريتكم في الصورة وتنحط ع المداخل؟؟ لو رابط حتى!

5- فيه أحد جرب ايصال الكمبيوتر بالتلفزيون؟؟ حتى لو رابط يوضح لي الطريقة؟؟

6- الأناشيد المناسبة لزفة (بسمة)البنت اللي ولدت؟؟ و(شهد) المخطوبة؟؟

سالفتك سالفه تعبت وانا اقرا ويالله قدرت افهم قصتك!!!

خلاص يابنات لحد يقرأ شي إذا طويل عليكم..

بس اقروا آخر رد لي وهو اللي فيه مضمون طلباتي..