جاء على بالي أكتب موضوع في الترفيهية ، وبصراحة جلست أفكر وأفكر وش اكتب !!
تصفحت بعض المواضيع لعلي اجد إلهام من أحدها !! ولم أجد
طبعا شو سبب رغبتي بالكتابة !!
إنها متلازمة ما قبل الطمث !!
والشعور بالكآبة والطفر والطفش ، وسبحان الله تصير الدنيا كلها سوداء وكل شي سلبي !!
وكوني عرفت العلة قلت مالي غير أقاوم هالمشاعر بأني اضحك وأضحك !!
وطالت جلستي أمام صفحة الكتابة هذي ....
صدقا حتى هذي اللحظة ماني عارفة وش أكتب!!
أحكيلكم عن طفولتي المهببة !! ومواقفي العجيبة !
أم عن غباء أيام الجامعة !
أو سذاجتي مع الحمولة <<<< أكيد وضحت لكم أعراض المتلازمة والسوداوية اللي اعاني منها !!
أكتبلكم عن مواقف الغربة !
إمممممم
نتكلم بصراحة ....
من فترة طويلة فقدت مرحي !
وقلت بسيطة بنرجع المرح والهبال اللي كان عندي زمان
لدرجة إنك لو واقفة أمامي رقبتك توجعك وإنت تراقبي بي أنط يمين شمال ومرة أفطس من الضحك
بغض النظر عن شعور الي أمامي لكن أنا نفسي كنت سعيدة وفرحانه
ولما قررت أستعيد فرح زمان ،
حسيت نفسي مثل الخشبة !!! صلبة ماني قادرة ألين !! <<<وحدة تنصحني بمليّن مضمون!؟!؟
يمكن لإني صرت أم ! مش قادرة أستهبل، صحيح في مشكلة الام تستهبل ؟<<< مجرد سؤال عابر !
قلت بسيطة ابدأي وانت لوحدك بالمطبخ : انشدي بصوت عالي ! تراقصي وانت تنشدي!! وممتاز لو تستهبلي وتغيري صوتك وتضحكي ...باختصار تستخفّييييي ، لحد ما التصلب يروح من جسمك وعقلك وكل شرايينك !!
لكن ما نفع أروح أشتغل بالمطبخ يبدأ التفكير بالأمور الجادة في الحياة !!
قلت طيب مع أطفالك ابدأي استهبلي واضحكي وحسي نفسك صغيرة <<<منظري طلع غريب ! او يمكن مهو منظري إحساسي الداخلي إني مش مقتنعة بصورتي !
يا ناس نفسي استخف مثل زمان قبل الهموم والاحزان ومسؤوليات الحياة !! نفسي أكون إيجابية ومرحة وأضحك رغم كل الأحزان !!!
شفت نماذج كثيرة لنساء ويمكن أكبر مني تحسيها كلها حيوية وضحك ، تكلمك عن أشياءها وإنجازاتها بحماس وفرح ، تضحك على كل شي !!
وحدة منكم عندها وصفة للهبال والفرح !؟!؟!؟!؟!؟!؟
عارفة بيكون 2000 قراءة ولا رد ...بس مو مشكلة المهم إني كتبت اللي بنفسي :09:
فرفوشة وعسل @frfosh_oaasl
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
بس لا تزعلين مني