بس خلااااااااص تعبت ما اقدر استحمل اشوف زوجي ما يصلي..شسوي؟؟

السلام عليكم


شخباركم بنات حواء؟؟


انا عجبني هالمنتدى الرائع وقررت اطرح مشكلتي بعد تردد او


بمعنى اصح ان ما يحصل لي اكتب قدام احد لأن محد يدري


بالموضوع الا انا،،مشكلتي يا جماعة مبينة من العنوان،،وبشرحها


لكم واتمنى انكم تساعدوني،، انا صار لي سنة و اربع شهور


متزوجة ولي بنت أمورة عمرها خمس شهور في بداية زواجي


كان كل شىء عادي وتمام الى ان مر شهر على زواجي حيث بدأت


المشاكل بيني وبينه الى ان وصلت للتفكير بالانفصال بعد شهر


من الزواج كل هذا واهلي ما يدرون بالسالفة..أخبركم شنهي


السالفة؟؟


في يوم قعدت متأخرة على غير عادتي للصلاة وبعدها وقضت


زوجي عشان يصلي وقال لي معليش الحين اقوم سكت عنه


قلت بيقوم وانا نمت وبعدها وعيت عليه لبس وطلع ما صلىالريال


اشلون؟؟ قلت في نفسي معقولة ما صلى يعني نسى؟؟اشلون؟؟


مستغربة ..قلت يمكن يعني صدق نسى قلت معلي..وبعد


في يوم نفس الشلىء ما كنت متقصدة وشفته ان ما صلى قلت يعني


هم مستقصد ان ما يصلي ،، في الليل يوم جى ينام ما عطيته فيس


قال لي شسالفة؟؟ قلت له انت مو جدير بي لأني كذا مرة لاحظت


عليك انك ما تصلي ..وقام وحلف والله العظيم ويقسم وما ادري


شنو يا زعم هو صادق الحين لكن انا عييت اصدق سويت له


محاضرة طويلة عريضة عن الصلاة وفضلها و قام جم يوم يصلي


وترك خلاص ما عاد اشوفه ايصلي ..ورديت من قبل جم شهر


وقلت له عن الصلاة وبعد نف الشىء دايما يتهرب في وقت الصلاة


او انه يتأخر في شغله وبعدين ايقول ان صلى في الشغل..


يا جماعة انا احترت معاه شنو اسوي ما اقدر اعيش مع واحد


ما يقدر ربه الا لازم اقول تعال صل بعد ما ايصير الصلاة ما يبي له


دلالة ودايما دايما احن عليه قوم صل جنه ياهل بعد ما ايصير جذي


شنو اسوي وما ايصير اني انفصل عنه واحرم بنتي واصلا هالفكرة


الحين شايلتها نهائيا من بالي ..فياريت تقدرون تساعدون اختكم


واللي بتساعدني ما بنسى فضلها وراح ادعي لها غير هذا ان


بيكون في ميزان حسناتها لأن ساعدتني في ضشىء زين،،


تسلمون يالغاليين وما تقصرون