بس خلاص قلتها قبل صار اللي ما توقعته

والله كنت حاسه وعارفه ان الفرحه ماتكمل مكتوب لي على طول اعيش في هم ومشاكل..
مشكلتي وايد يتقدمون لي ويطلعون بدون سبب والسبب الرئيسي اللي اعرفه اني مافيني جمال ..
بس احمد ربي على كل حال قبل كنت اتحسس لهذا الشي اما الآن أقول هذي خبقة ربي والحمد لله على كل حال..
من تقريبا 3 سابيع تقدم لي واحد منفصل وسوت معاه مقابله وكل شي تمام اعجب بي واعجبت به حتى ان سوينا المقابله مرتين لانه في الأولى اختي اللي كلمته اكثر وفي المرة الاولى والثانية قال لي انه موافق وسأل عنا والباقي علينا..احنا سألنا عنه والكل يمدحه ويمدح اخلاقه.. عجبني التزامه الديني واخلاقه ومعاملته بس خلال هالفترة كنت احس بضيق وخوف واحس انه بصير شي والكل يقول لي لا مابصير الا الخير..
بعد ماردينا عليهم بالموافقه اتصلوا حق الفحص ورحنا فحصنا من يومين..
اليوم الصبح اتصلت لي اختي تقول زوجة اخوه اتصلت تقول انه كان له مبلغ كبير عن صديقه وصديقه وعده يسلمه المبلغ لكن لما طالبه خانه وانكر انه له هالمبلغ..قام الاخ وعصب عليه وقال ليهم حرام عليكم ليش تسوون فيني جذي يوم فكرت اتزوج وارتبط تسوون ليي مشاكل الحين من وين اقدر ادفع ووحتى انه اوراق الفحص طلعت وهو كان مستعجل وطلعها بالواسطه وقام اخذها وشققها وقال خلاص اصلا انا ماابغي اتزوج ووو وقالت زوجة اخوه خسارة انكم اخلاق وزينين وطيبين خسارة نخسركم بس خلها يمكن يصير نصيبها واحد ثاني..
اي نصيب ثاني خلاص اصلا اني كرهت نفسي وكرهت سالفة الخطاب والعرس كاااااامل ولا ابغي اسمع طاريها كلش..هذا الكلام صار الصبح وانا بس اصيح واواري دموعي عن اهلي لاني ماقلت لهم شي وشلون اقدر اقول لهم هالكلام كل دقيقه اصيح صياح بس ماحد يشوفني وقلت لاختي انتي اللي قولي لامي وللبيت انا اصلا مااقدر اقول لهم..
بس انا في داخلي ضيق وخسارة نخسر هالانسان الوحدة منا تتمنى تحصل واحد بهذي المواصفات ويندر وجودهم ماادري شنو اسوي وشلون اتصرف اصلا داخلي ضيق وهم مخلني ماني قادرة اسوي اي شي يعني لو مااخذت هذا مستحيل افكر في غيره ولاابغي غيره لأني اعرف ماراح يصير شي فليش اتعب روحي..
:(
بس خلاص ماادري شلون اتصرف وشنو اقول ماني قادرة اصلا ايود دموعي تنزل لااراديا:(