بس خلاص يكفي ......... قرفونا الرجاجيل

والله صح لسانج يا أم العدنان ...بدل ما يرضونا احنا اللي نرضيهم و نذل انفسنا علشانهم!

نورهاان


شكرا على تعليقك

بس وش طلعك من الامتحان بدري...



دلوعة حمني

اختي شكرا على ردك
اللي يحر الكبد اني عارفه انه صح كلامي لكن من يسمع !!!!!!!!

اختى
تعوذى من الشيطان وهدى
يمكن الاخت اللى جلست معاها الله مبتليها برجل سليط
لكن الرجال ماهم سوى مثل الحريم ماهم سوا
فيه حريم متسلطات الى ابعد حد
قبل فترة فيه اخت كتبت عن موقف شافته فى احد العيادات وان ا لحرمه مجرد ماتأخر عليها زوجها قامت تسب وتلعن فيه قدام الناس وهو المسكين راح يجبلها كافى عشان تروق

يعنى تلقين رجال وتلقين حريم
فى بعض الرجال يمارس كل الضغوط على الحرمه يقول لك حتى تمشى فى طوعه ولا تقدر ترفع راسها
رجال لا متفهمين ويخافون الله ولا يظلمون
انا بس حبيت اقول لك ان الرجال ماهم سوى زى مافيه الشر فيه الخير

بنت الدار 2003


اختي حياك الله ومشكوره على الرد

لكن هذي السمه موجوده في اغلب البيوت ... انا ماقلت انه لعان أو شتام أو يضرب



لكن السيطره الزايده لدرجة ان الزوجات استمرأوا هالمعامله ولان هالاسلوب متوارث من الاجداد الى الأباء مرورا بالزوج اعتبرت الزوجه هالشي من حق الزوج انه يمارس السلطه ,

اظن انك من ضمن هذي المجموعه وأنا مثلك لاتزعلين ياعسل .. وفكري زين بتلقين كلامي صح.


الحاله اللي ذكرتيها استثنائيه ونادره ولا يقاس عليها

تحيايتي اختي الغاليه وسعيده جدا بمداخلتك...

ام العدنان
اختى ممكن تشرحين كلامك...............
(( لكن السيطره الزايده لدرجة ان الزوجات استمرأوا هالمعامله ولان هالاسلوب متوارث من الاجداد الى الأباء مرورا بالزوج اعتبرت الزوجه هالشي من حق الزوج انه يمارس السلطه )),
سيطرة من اى ناحيه
انا اعتقد هذا الشىء كان لأمهاتنا من قبل لكن هذا الزمان وبالذات الجيل الجديد يعنى عيال هالوقت انا اشوفه بالعكس
اما بالنسبه لجيلى فيه ناس متفهمين ومع اعشرة الواحد يقدر زوجته ويكون لها الاحترام وانه يشاورها فى الكثير من الامور ولا يعتبر إبداء الرأى انه سيطرة عليه

انا اوضح اكثر

زمان على ايام امى الله يرحمها ويدخلها فسيح جناته كانت الحرمه مالها راى ولا شور حتى فى مقاضى البيت الرجال هو اللى يحط ويشيل تاخذ الموجود واللى مو موجود ماتدور عليه ومو من حقها انها تقول جيب وجيب
تربية الاولاد ممكن الاب يجى امام الام ويضرب الولد ولو تكلمت حطها معاه
الضيوف فى اى وقت ولا تقددر تفتح فمها
السوق مافيه الا على العيد مو كل وقت زيارة اهلها خصوصا لو انهم فى ديرة ثانيه مافيه الا فى السنتين مرة وبالمضاربه
حامل نفاس تعبانه مالها خلق هذى مافيه منها ولا يعبرها

يعنى هذى امثله بسيطه.........................

لكن على جيلى تحسنت الصورة شوى وتعدل الوضع صاروا الرجال مثقفين متعلمين يعرفون ان المرأة لها كيانها لها وضعها مافيها شىء لو يشاورها وياخذ رايها
طلباتها مجابه فى حد المعقول مايمنعها من اهلها يعرف ان هذا واجب
يستاذنها قبل مايعزم احد غير عن ضيف الغفله
يعنى ..............يحن عليها وهى حامل ولا تتوحم ولا نفاس يرحمها اذا كانت تعبانه من العيال

برضه هذى امثله بسيطه
واقول لك مو الكل لكن من واقع مجتمعى الاغلبيه

الجيل الجديد خصوصا اللى متزوجين حديثا
الله المستعان مافيه فرق بين الرجل والحرمه ينامون سوى ويصحون سوى حتى الحمل يتقاسمون تعبه سوى والتربيه وشغل البيت وغيرة وغيرة
جاة ضيف الله يخلى المطعم وليش الضيف اكلهم دايم من المطاعم
برضه هذى امثله .................

يعنى لا تقولين ان السيطرة من زمن والرجل مسيطر على المرأة الزمن تغير والناس تغيرت

هذا من واقع المجتمع اللى انا اعيشه وكل اللى حولى
مدرى عن الباقين

وسامحونى على الاطاله