هلا بخواتي الحلوات
اول شي اشكر الجميع على مدحهم لامارتي الحبيبه راس الخيمه
وثانيا فعلا راس الخيمه فيها قطع وايد حلوه وكل محل مختلف عن الثاني في بضاعته
وبعطيكم بعض اسماء هذه المحلات في راس الخيمه وبالتحديد في شارع المستشفى الكويتي
محل الغزال للاقمشه والعويس للاقمشه والتوفيق للاقمشه ومحلات كثيره ورخيصه
وفي نهاية السوق على الناحيه اليسار باتجاه البحر تلاقون المخاوير
وكلها جنان ورخيصه مب وايد بس ارخص من باقي الامارات
وحياكم في اماراتنا العزيزه

مرحبا

ماعليه بنات انا داشه عرض بس ممكن تقولون لي وش المقصود بالمخاوير

والكلمة الثانيه الويل


مشكورين

:26:

المخاوير يعني الجلابيات العربية اللي فيها تطريز على الصدروهي منتشرة عندنا في الامارات و الويل هو نوع من الخام شكله مثل الشيفون و ملمسه مثل القطن وبعد انشهر هالخام عندنا في الامارات في الفترة الاخيرة

مشكوره اختي دموع الحييره

الحين فهمت المقصود

بالنسبه للويل من خلال شرحك عرفته لاننا نسميه فوال vwal

وهو فعلا قطن شفاف


يسلمووووووو

:26:

مرحبا اختي دموع الحيرة

انا فصلت قبل في دبي و العين و ابوظبي اما شغل رأس الخيمة شفته على صديقاتي اللي من هناك

شغل دبي صحيح حلو و رخيص و فيه افكار يديده .. بس تعالي شوفيه بعد شهرين من الاستعمال .. والله تقولين صار له 10 سنوات ملبوس .. شغلهم مش نظيف
شغل العين فيه ايضا اشياء حلوة و شغلهم انظف عن دبي
شغل ابوظبي طبعا مش كل المحلات ..بعضها .. مع انها غاليه بس تعالي شوفيها بعد استخدام سنه او سنتين .. والله كأنهم توهم طالعين من الخياط .. اختي كله يعتمد على الشغل و انواع الخيوط المستخدمه و الشغل النظيف
بالنسبة لشغل رأس الخيمة .. اللي شفته نفس شغل دبي

تحياتي