هلا خواتي
عندي اخبار
من كم يوم كنت عند ربيعتي اشوف زهبتها و يوم شفتها الصراحه عجبتني لانه كان فيها شي وايد غريب
لقيتها مفصله ملابس تقول انها ديزاين صيني و الصراحه حلوه و بعد كنادير هي مب خوار بس فيها ديزاينات و افكار غريبه و يوم سالتها قالت انها مفصلتنها عند محل اسمه الرمال في دبي وانه صاحبة المحل عنها القطع و هي بروحها تسوي الديزاينات بس المشكله انها غالية يعني الكندورة بثمانمية مع انها مافيها شغل واااايد بس بعد حلوة
الخبر الثاني انيبعد شفت عندها ملابس مغربية و يوم سالتها من وين خذتها تقول انها اشترتها جاهزة من الخيط المغربي فيالشارجه اللي ورا سوق الجرة
وسلامتكم

ماشاء الله طلعن بنات وايدات من راس الخيمه وانا ما ادري .... حتى انا من ها الاماره بس تصدقون اني ما افصل شي موليه اهنيه احب اتعب ريليه علشان يوديني المنال حق القطع وعقب على طول السوق الذهب هناك صفة مخاوير وواحد فيهم الحلو الا روعه مب بس حلو واسمه ابراهيم سلطان ... والسنه مفكره افصل عندنا والله زحمه شوارع دبي

كلامج صح 100%

خوار رأس الخيمة رخيص لأنهم يستخدمون خيوط وخامات رخيصة تخرب مع الزمن

وهذا الكلام عن تجربة ربيعتي طرشت عند ناس من أهلها كنادير تخورهم في رأس الخيمة

كان موديلهم حلووو ومرتب ورخييص

مع الوقت إختربوا .. مع أنها مش لابستنهم واايد


بوظبي أحسن شي على الإطلاق في المخاوير وعن تجربة

لأنا نحن في بوظبي .. نلبس المخاوير والمغربيات أكثر شي

في حين ربيعاتنا من دبي يحبون الملابس الجاهزة أكثر

:26: :26:

::السلام عليكم خواتي

حلو الموضوع نفيد ونستفيد

انا جربت اكثر من مكان

راس الخيمه خوارهم مايعجني وايد افكارهم قديمه وشئ منه يخترب

العين وعيمان ماجربتهم واللي تعرف عن احسن الخيايط عندهم اتخبرنا

الشارجه جربت العروسه ممكن تلاقين عنده حركات واسعاره معقوله

دبي عندهم بوسالم حلو خواره وسعره من وسط الين غالي

احلى شئ بوظبي شارع المطار متروس منهم وانا جربت كذا خياط

لكن اخر شئ استقريت على خياط صالح غريب احسه احلى واحد( حشا بتكتب قصة حياتها :21: )

لكنه غالي شوي

القطع اخذهم من السوق الجديد والمنال والصراحه اشوف عند الخياط قطع احلى

يقول من عند عبدالله حسين خنجي الي في الخالديه

والسموحه طولت عليكم