بشرى للي يبون يتزوجون: واحده استخدمت خلطة الرومي و انخطبت مرتين بشهر

بسم الله الرحمن الرحيم


و السلام عليكم و رحمة الله و بركاته

بنات كيف الحال

بدخل على طول و بقولكم احنا الى متى و احنا سلبيين يعني ندعي شوي ما نقيم الليل الا احيانا ما نداوم على الاستغفار

تجي لنا اوقات نهتم بالدعاء و نشتغل على حالنا بعدين نرجع للكسل لا و اغلبنا عطالية

و الله ان الشفاء و الزواج و تحقيق الاماني مو صعبة على الله تعالى لكن سبحانه يحب الملحين بالدعاء

من الدعاء استخدام الرقية

و بقولكم عن تجربة واحده استخدمت خلطة الرومي مرة واحده بس على ايام متفاوته المهم كملت الخلطة و تحلف انها انخطبت مرتين بنفس الشهر بس للحين النصيب ما تم

واحد هم ارفضوه وواحد اهله ما ردو

و الله الكثير مننا تدري انها يمكن تكون معيونه و عندها ر قية العين للدكتور الشيخ الجبير و تتكاسل عنها

و انا و الله اعلم يمكن اكون معيونه لاني سمعت الفرح الشديد يبطل التحصين

و اذكر بعرس اختي رقصت حيل و مستانسة فالظاهر اذكار الصباح و المساء بروحها ما تكفي

لازم استخدم الرقية و الله يعني

انا قلت ابشركم و يا الله الهمة

الي تتثيقل الخلطة بامكانها تستخدم السدر بس ترا زين و فبه مواضيع قريتها عنه بروحه يعني

اخذي ماي و اقري عليه ايات الزواج والي تبينه و استحمي فيه

و الله يبارك بموضوعي و يشحذ همة الكثيرات يارب:)

قريت بعض الردود و حبيت اضيف هذي الاضافه

هي الخلطة مو للزواج يعني مو محصورة فيه هي زينه للامراض الروحية يعني العين و اظن للسحر و كثير ناس استفادو و كثير بنات طابو من خلالها

مثلا واحده كان عندها اكياس بالمبايض سوتها بعدين راحو عنها و ما الى ذلك

الخلطة تباع جاهزة عند العطارين و معروفه مره

الي يبون معلومات اكثر يسوون بحث و انا سزيت بحوث عنها بالنت و سويتها و الله مره بس و برجع ان شاء الله اسويها لاكثر من سبب للزواج و للشفاء و للعلاج من العين

هي عبراة عن كيلو ملح خشن و كيلو سدر و كيلو شبه ينخلطون و يتقسمون باكياس 7 اقسام و ينقرا بموية الايات الي تبينها للعين و لا للزواج فيه ايات بالنت لتسهيل الزواج ولا للشي الي تبينه

طبعا اقري بالماي و كل مرة تستحمي فيها اخذي كوب من الماي و اخلطي بسطل الموية للاستحمام

افضل وقت قبل المغرب بنص ساعه ولا بساعه الا ربع هذا من تجارب البنات و كلام شيوخ الرقية

و يجوز عادي استخدام الماي المقري عليه بالحمام افتى بذلك ابن باز الله يرحمه يارب

طبعا اذا عندك ماي زمزم يكون افضل يعني اخلطي كوب ماي زمزم بماي الاستحمام

و اخذي الكيس و فرغيه بالسطل كله و قلبي الماي عدل بفضل يكون دافي حتى يذوب الملح الخشن

و بس استحمي فيها بداية جسمك ثم شعرك و خلي الخلطة تدخل للمسامات و انتي تستحمي استغفري

و تنباع جاهزة و مقسمة عند العطارين و الي تبي تتاكد تشتري كل شي بروحه بس ارخص عند العطارين بحدود 35 ريال


قسما عظما قريت تجارب للكثيرات اثناء بحثي فيها و تشجعت و سويتها

بعضهم عادها كذا مره لين ما الله تعالى سهل لها الي تبيه

و بالنسبة للسدر نفس الطريقة حصلت عليه مدح كثير و هو المذكور بالسنة و نفس الشي بس بدال الخلطة هو يعني الاستحمام فيه بس

بالنسبة للخلطة تخشن الشعر و تنشفه مو دايما بس اثناء فترة الاستخدام

فحاولو تزيتون شعركم شوي و بس

و شرايكم نسوي تجمع على الخاص انا ببدا فيها ان شاء الله و الي تبي تشاركني عشان نتشجع حياها:)