بصراحه وش على طاولة كمبيوترك؟؟

يا بنات يوم جيت ابقوم من على الكمبيوتر..وشفت الطاوله حوسه قلت خل اتحدى اذا فيه وحده احوس مني

انا اتحداكم..
انا على الطاوله علبة ببسي <<فاضيه طبعا!!
فاتور حقت بزابيز<<حنفيات يعني اخيرا صلحناها لها شهر خربانه
كيسة خبز صامولي<<مابقى الا ثلاث حبات,,,بس تراها صغار لا تنقون ..


علبة جبن كيري حجم كبير ابو دورين<<حشا بيت صار.. الدور الاول كلته وحطيت فيه قراطيس الجبن وصكيته كني ماسويت شي!!:42:
فاصل(((لا تشترون كيري الجره ترى طعمه موب زين:11:)))
مغاطات حقت التقويم<<تقويم الاسنان موب التقويم الهجري...هذي اللي كل من شافني مركبتها يحسبها سعابيل:11:
بطاقات انترنت..لها قرن على الطاوله!!
التلفون ..<<<هوائي الجهاز فقط موجود بس التلفون نفسه مدري وين انحاش!!
اوراق نوته كل وحده بجهه..
قلم اصفر..
شباصه منكسره..
وتحت الطاوله شبشبين الله يكرمكم البس واحد وينشب ثمين اروح واتركه واجي بثاني..
شراب فصخته ونطلته....
وبسسسسسسسسسسسسسسسسسسسسسسسسس


تبون الصراحه احس اني اليوم نظيفه مكتبي موب حوسه مره...


كل وحده تكتب وش موجود على طاولة الكمبيوتر,,,,,,,,,,,,يالله بسرعه

نحن في انتظار الفوضويات,,,,,,,,,,,,,,,,,,,,,,