بعد اربع سنوات من التجارب شوفوا وش صار

السلام عليكم
انا ياحبيباتي سكنت بيتي قبل اربع سنوات والمقلط فرشته موكيت بيج :)وبعد السكن بكم شهر جانا ضيوف اقاموا عندنا اسبوع وكنت انيمهم في المقللط اعطيتكم قصة حياتي معليش كانت الحرمه الله يهديها متهاونه جدا ومعطيه عيالها راحتهم كانهم في الشارع ياكلون ويشربون على الموكيت بدون سفره والجزم والعصيرات والشوكولاته واي شيء عادي على الموكيت وانا اعصابي قاعده تحترق :44:ومو قادره اقول شيء بس ارسل رسايل غير مباشره اقول لعيالي لاتوسخون شيء حافظوا على النظافه عشان هم يسمعون بس لاحياة لمن تنادي ويوم قربوا يروحون انكب كحلها السايل على الموكيت وانكب شيء ثاني مااعرفه لاني لقيتهم ماسحينه بس البقعه باقي موجوده :(
ادري طولت بس لازم افضفض ههههههههههههههههههههههههههههههههههههههههههههههههه
المهم ماخليت منظف مااستخدمته اربع سنين :09:حتى ان البقعه اللي ماعرفتها صارت سوداء تفشل والظروف ابدا ماتسمح اغير الموكيت وكل ماجاني ضيوف انحرج وبعدين قريت هنا عضوه تقول ان امها تمدح فينيش لتنظيف الموكيت مااذكر اسمها بس اسال الله انه يفرج كربها وكرب امها ويبيض وجوههم يوم الدين واياكم ايانا والمسلمين قسما بالله بمجرد ماحطيته بدا اللون الايود يذوب :icon28:حتى بنتي كانت تراقبني وتقول راح راح :)بس حطي بدون ماء على البقعه وافركي شوي باسفنجه واتركيه يجف وشوفي النظافه والريحه وسلامتكم
اللي تستفيد من موضوعي تدعي لي بصلاح زوجي وعيالي ويفرج ربي كربتنا اللي نمر فيها والله الله بالتفاعل والردود اللي تبرد القلب