yosra00 :

http://newsburglar.com/2008/07/13/high-blood-pressure-its-not-sodium-its-the-potassium/ هاد اول رابط للاخت الي سألت عن اثبات انو الصوديوم والبوتاسيوم علاقتهم عكسيه. تقرأ المقال للاخر.  ومعنى الكلام انو ازا اكلتي ملح.  وبعدين اكلتي خضار او فواكه.  البوتاسيوم الي بالفواكه راح يسحب الصوديوم من الجسم.  ويعني الحميه غلط وعلى الفاضي.  لان بالاصل لازم يكون الصوديوم بالجسم هو المرتتفع.  مو البوتاسيوم.  وازا دخلتو على تجمع البنات بقولو كلي بوتاسيوم ازا حابه تجيبي بنت.  مشان هيك انا قلت اول مرة الكم انو في خلل في حميتكم.  ومشان هيك قلت انو الامريكان بقولو الي بتاكل فواكه وخضار بتجيب بنات.  والي بتاكل لحوم بتجيب اولاد.  لان اللحوم اكيد تحتوي على الصوديوم.  وما فيها بوتاسيوم. وهالكلام موجود بكتير مواقع بالانجليزي،  هلا بدور على رابط لهلكلام.  عمركم سمعتو عن الهنود؟ العادات والتقاليد الهنديه بتقول انو البنت هيه الي لازم تدفع المهر للزوج.  وتأمن بيت واثاث واي شي يطلبه الزوج.  مشان هيك بيكرهو جدا جدا انهم يجيبوا بنات.  لانهم عبء على اهليهم.  وبصيروا يفكروا كيف راح نزوجها ومن وين نجيب للزوج.  وصاروا حاليا مع التكنولوجيا يسوو سونار او التراساوند.  وازا طلعت بنت.  على السريع بنزلوها.  لدرجه انو قل كتير عدد البنات عندهم.  ولدرجه انو نزلو قرار منعو في البلد الالتراساوند والسونار. ومع ذلك بسوه.  ومع ذلك ازا اجت بنت بتخنقها الام عند الولاده.  احضرت مره فيلم وثائقي وجابو لقاء مع وحده خنقت 8 بنات الها عند الولاده.  وكانت بتقول عادي مو ندمانه.  انا بمنح الحياه وانا بحرمها. المهم شو الهدف من هالكلام.؟..؟ هلا بقول.  الهنود بعبدوا البقر.  البقره عندهم بعتبروهها اله.  وانها مقدسه،  ولحمها ممنوع، وحرام كتير حرام قتلها.  وبس بشربوا حليبها.  وفي كتير اديان وملل بالهند اغلبها بحرموا قتل الحيوانات.  وفي الي بعتبرها الهه.  وفي الي بعتبرها بروح.  الخلاصه من الكلام.  انو الهنود اغلبهم نباتين. ما بياكلو لحوم نهائي.  وكمان عندهم نسبه ولاده الاناث مرتفعه.   قصه الاكل والحميه عباره عن تجربه. وتحتمل الغلط.  يعني في نسبه نجاح.  وفي نسبه فشل.  مو بالضروره الكلام ميه بالميه صحيح.  

http://newsburglar.com/2008/07/13/high-blood-pressure-its-not-sodium-its-the-potassium/ هاد...