هلا بالاخوات
مزيونة قطر
جوليا
مسألة وقت
ألين
بوجا
ومشكورييييين ..الله يجزاكم خير :27:
.والله يعيني ويساعدني
الاخت بوجا فعلا قريت كثير من المواضيع تحذر لكن هذا نصيبي
......................
الله يجزاكم خير ...واتمنى اللي يقرا موضوعي لا يبخل علي بالدعاء
أختكم دووووووووووووري:27:

انا اقول لك ليش

من كثر ما تصبحين على دايت بيبسي

اتركي الدايت وامشي على ذا الرجيم

اعرف وحده كان وزنها 85 وصار 63 من الكيميائي
وامسكته شهرين


بس بعد الكيميائي انتبهي على اكلك مو ترجع حليمه لعادتهاا لقديمه
وانا صراحه ضد كل من يقول انه له مضار
لانك لو لاحظتي النظام مثل نظام اكلك اليومي تقريبا
الا انه اكثر تركيز على البروتين

شوفي اختي الريجيم الكيميائي فعلا له مضار
انا سويته من خمس سنوات تساقط شعري بعد فتره- عظامي لليوم اشعر بالم
ضعف دم يعني صرت صفرا
وانا ما الومك ولا بزود عليكي همك اللي فيكي كافيكي
واي وحده منا اذا يئست من الوزن الزايد ممكن تضعف امام الكيميائي
لانه ينزل الوزن <<<<<على فكره وازيدك من الشعر بيت نزول الوزن مو من الدهون بل من العضلات
وهذا خطرفي حد ذاته !!!!!!!
المهم الوزن اللي وصلتيله حافظي عليه ولا تسوي ريجيم معين لمدة اسبوع او عشره ايام
لكن لا تاكلي الا اشياء بسيطه زي: تفاحه ,لبن قليل الدسم ,يعني اكلات خفيفه وقليلة السعرات الحراريه الى ان يثبت وزنك ....... وبعدين
ابداي نظام غذائي اخر
ولا تقلقي دايما بعد كل ريجيم سواء كيميائي او غيره لمن توقفي الريجيم يطلع الوزن 2كيلو يسموها اطباء التغذيه توازن ..... يعني مع الريجيم الجسم يكون في حال وبعده يكون في حال ....وسوائل وما الى ذلك
عشان كده دايما بيقولو انزلي اكثر من المعدل اللي تبغيه 2 كيلو .
انشاء الله تستفيدي من كلامي

يا رب يا دورى تلاقى اللى انتى عايزاه انا على العموم عندى ريجيمات الدكتور مصطفى سارى لو تحبى اقولك على رجيم كل اسبوع منهم تتبعيه و ان شاء الله يبقى فى حل و باذن الله يخف وزنك و وزننا معاكى الله يلعن الوزن الزايد مضارة لا توصف بنفعه لكن طول ما احنا مع بعض ان شاء الله نقوى عزيمة بعض و نتخلص من المرض ده جميعا لان بجد ما حدش يعرف متاعبه غير صحابه
على العموم الله يعين و ردى عليا و انا تحت امرك
فى حفظ الله

*دوري*
الله يشافيج و يعافيج حبيبتي .. و تلقين ريجيم يناسبج و ما تدوخين ولا يزيد وزنج عليه

اختي مايصير تحكمين على الريجيم و انتي ما كملتيه .. هذا اسمه كيميائي و انتي ما سويتيه الا اسبوعين و اهو اصلا 4 اسابيع يعني قطعتيه من نصه .. تحملي رجوع الوزن ..دام انج ما التزمتي

الوحده لما تقرر تسوي الكيميائي تحط في بالها انها لازم تلتزم التاز حرفي لمدة شهر .. بعد الشهر اذا ما نزل وزنها .. او نزل و بعدين رجع خليها تحكم عليه من تجربتها

مايصير كل وحده فينا تصير دكتوره و تحكم ان هذا النظام ينزل العضلات و هذا ينزل الدهن .. ما ادري على اي اساس تتكلمون ...

احنا نحب نستفيد من تجارب بعض بس لما تكون التجربه كامله و نتايجها نهائيه

انا ماعرف اسامه حمدي .. لاهو ابوي ولا اخوي و لا يهمني الريجيم الكيميائي مو تحسبون اسويله دعايه .. لكني اشوف انه الاكل فيه صحي فواكه و خضار و لحوم و كميات مفتوحه ... و متدرج بالاكل من الاسبوع الاول للرابع .. لما يكون ريوقج بيضتين و قلاص شاي و غداج نوع واحد فواكه للشبع و كليتي 6 تفاحات او رقيه كامله و عشاج لحم مشوي او مسلوق و كليتي كيلو كباب و بين الوجبات كليتي خس او خيار او شربتي 4 لتر عصير جزر ... من وين اتيي الدوخه؟ ...

لما يكون غداج بيضتين و سلطه ( اكلي اكبر صحن سلطه بالبيت ) و عشاج بيضتين و برتقاله ... و كليتي بين الوجبات خس او خيار او جزر .. ليش تعبانه بعد؟ ....

اذا عندكم ريجيم الغدا فيه مجبوس دجاج و العشا مكدونالدز الحقوني فيه الله يعافيكم تراني اموت عالاكل

كل هدفي من الموضوع اني ماحب اشوف ناس تذم ريجيم انا جربته و كان سبب بتغير حياتي 180 درجه ..

بس رجاءا بنات لحد يحكم على الكيميائي الا لما يكمل الشهر و بالتزام حرفي .

انا جربت ريجيم الدكتور دشتي اسبوعين و بدال ما ينزل وزني .. زاااد .. ما حبطت البنات اللي يسوونه ولا نزلت موضوع اقول ترا ريجيم البروتين كذا و كذا .. خلي الناس يجربون بانفسهم بعيد عن الاحباطات و اللي ما يناسبني يناسب غيري و العكس صحيح

سوري مره ثانيه اذا كلامي ما عجب البعض
موفقين