بعد الولادة: شيء مهم في تجهيزاتك تمنيتي انك أخذتيه ؟

ماعندي فكرة لسه جديدة في هالعالم لكن اتمنى نستفيد من تجارب الاخوات

جزيتي خيرا اخت الديمة على طرح الموضوع

حبيبتي انا بكرية بس حبيت اشكرك على الموضوع لانه من جد ممفيد و خاصة للبكرية عشان نتعلم و نستفيد من اخواتنا المجربات

جزاك الله خير

و الله يسعدك دنيا و آخره

في بكري ماكان عندي دولاب اللي فيه مسبح للبيبي ومكان للتبديل بس بعد ماولدت حسيت اني محتاجه له وضروري لانك لما تبدلين للبيبي وانتي قاعده او واقفه وحاطته على السرير يعورك ضهرك واصح شي هو الدولاب لانك تكونين واقفه وعلى نفس المستوى يكون البيبي و وصيت حماتي واشترت لي على ذوقها طبعا لو كان على ذوقي مستحيل اشتريه لانه كان نفس الستاند وفيه ارفف بس مكشوف انا لو اشتريت من قبل كان اخذت اللي فيه ادراج افضل واستر من المكشوف وكنت حاطته بحمامي بس كنت احرص انه يكون نظيف ومرتب طول الوقت الحين حطيته بغرفه بنتي

موضوعك حلو ومفيد كثير للكروشات

اول شي لازم تكثروا ملابس للبيبي خصوصا القيصري

لأنه لا ثلاثه ولا اربعه تكفيه كل شويه يجوا يطلبو منك غيار لأنه البيبي طول الوقت بيقلس

يعني اتعذبت بصراحه يطلبوني ملابس وانا ماعندي ويلا ودي البيت غسل ولا تغسل

فمن بدري نصيحه كثروا ولا تقولوا المستشفى تلبسه

والشي الاهم مسهلات

لاتنسونها من اول يوم في الولادة لآنه امساك النفاس عذااااااااااااااب

اقلها افطري على كوب برتقال فريش مع عسل اصلي لأنه ترتاحي بإذن الله

ونصيييحه مني جهزي دوا الخمس فناجيل حق قشر قهوة وابدأي فيه الاسبوع الاخير من نفاسك

وبإذن الله تخرجي من نفاسك بنت لا مويات ولا افرزات ولاشي

وتولدون بالسلامه يارب وتبشرونا

:26:

موضوع جا بوقته لاني جهزت وجالسه اكتب بعض الاغراض الي ناقصه