نجمة النجوم......شكرا عزيزتي بس صعب إنه الواحد ما يتأثر بكلامهم الجارح .....الحمدلله أنا راضية بلي الله مقدرنه لي .....
شوفي الله يخليك اللي تجيب الولد يقولوا لها : ما شاء الله مبروك ما جاءك......واللي جابت البنت يقولولها :يحليلها ما عليه المرة الجاية نبي الولد‍‍‍؟؟؟؟ على قولة وحدة من صديقاتي عندها بنتين ...إحنا من قوم يحليلها...ههههههه

ديرة نجد...مشكووووووووووووووووورة حبيبتي على كلامك الحلو.....يا عسل
أم سارونا الحلوة....ما أحد يبي يفهم هالكلام....إذا كان دكتور جابت زوجته 4 بنات....وزعل وهو دكتور ويعرف إنها ما لها دخل وفي حملها الخامس قال هذي أكيد بنت وهو زعلان.....وجابت ولد... الأخ ما صدق من الفرحة‍‍‍‍‍؟؟؟؟

شكرا حبيباتي على تفاعلكم وياي ......وبالأخير أقولكم شيء ...أنا حامل في الشهر الثاني وبصراحة أنا ما كنت مخططة إني أحمل الحين...بس قدر الله وما شاء فعل....وبيني وبينكم مش عارفة إيش أسوي إذا الله قدر إنها تكون بنت...وأدعي إنه الله يرزقني اللي فيه خير لي ولزوجي....وإذا دعيت الله يرزقني الولد الصالح قالوا لي لا تتشرطين على ربك‍‍‍؟؟؟؟ استغفر الله أنا ما أتشرط على ربي ...بس أدعيه إنه يرزقني الولد الصالح ....وكل اللي يجي من عند الله حياه الله....

هذا مو تشرط ياأختى ادعى ربك انه يرزقك بولد ويصلحه يارررب وهذا اهم شى
كلهم نعمه من الله بس صحيح مجتمعنا يحب العيال اكثر
الله يرزقنا واياك الذريه الصالحه قولى اااامين

آمييييييييييييييين يا رب العالمين......
وشكرا لك يا أم الحلوين......رجاء حار لكم كلكم خليكم معاي ليما أولد بالسلامة( صح بتطول المدة شوي بس ما عليه)إن شاء الله....وعسى الله يرزقني الولد الصالح

اختي وحبيبتي .. هذا شيء غريزي في نفوس البشر .. وهو حب الصبيان ... ولا احد ينكره إلا مكابر...
خليني أقول لك شي... البنات مهما كان عددهم لا تستكثرينهم...
أعرف عن أمرأتين الأولى جاها 9 بنات دون أي ولد ( بصراحة كانت محل شفقة الجميع) وكل ما جاها بنت تسمعين التأوهات من أجلها ...
والثانية كان يجيها أولاد .... وطبعا تسمعين التشجيع وكأنه من شطارتها!!!
إيش اللي حصل....
البنات كبروا وتزوجوا وهم مع ذلك أعز صديقات أمهم .. يشجعونها .. ويساندونها .. ويفزعون لها... وإذا دخلت عليها في البيت كأنها ملكة بين بناتها(الله يحفظهم هم وأمهم).... ولك أن تتصوري نهاية الأسبوع واجتماعهم عند أمهم وكيف يسمعون منها ...يوسعون صدرها.....

وأم الأولاد ...........؟؟

كبر الأولاد وتزوج اكثرهم .... وخلا عليها البيت .... حتى إنها تتمنى تشوف رقعة وجه الواحد منهم ... أو مرته ...
ومهما كانت زوجة الولد طيبة ومخلصة ... ماراح تكون مثل البنت ...

لازم نعرف إن الله يوزع خلقه كيف يشاء ... وهو الحكيم العليم...

ويكفيك فخرا أن كل بنت تقف على باب من أبواب جهنم تمنع أبويها من دخولها...

أسأل الله أن يرزقك الذرية الصالحة وأكثري من قول( ربنا هب لنا من أزواجنا وذرياتنا قرة أعين)