وعليك السلام أختي MAGI ......أنا حاسه فيك عزيزتي ..الحمدلله نحن ما نعترض على قسمة رب العالمين ولكن الجهل الموجود في الناس هو اللي يضايق ....يعني بعد حمل تسع شهور وتعب الوحام وتعب الشهور الأخيرة وتعب الولادة ..... يجونك الناس بدل ما يقولوا لك اللي يخفف عنك ويفرحك يعطونك كلام أو نظرات تكفي تهدم جبال....الله يهديهم !!!! بصراحة قبل لا أكتب الموضوع كنت وايد خايفة من حملي وتكون بنت....وفي ساعات أبكي فيها كل ما أتـخيل شو بيقولوا لي إذا كانت بنت؟؟؟ بس بعد ردود الأخوات الله يخليهم شالوا كل المخاوف وبصراحة ما صرت أهتم لكلامهم ما دام أنا وزوجي راضين بلي ربي قاسمنه لنا ........... الله يبارك لك في بناتك ويخليهم لك ويجعلهم قرة عين لك ولأبوهم ......اللهم آميييييييييييييييييين
وشكرا حبيبتي.....:24:

السلام عليكم

واحه أمل رزقك الله الولد الصالح انشاء الله

والاحظ يا اخواتي كثره انجاب البنات مقابل انجاب الاولاد


انا ايضا خلفتي كلها بنات:24: والحمد لله رب العالمين على ماكتبه الله لي
لا اخفيكم ولادتي بالاولى والثانيه لم يؤثر على نفسيتي بالعكس
ولكن مابعد الولاده الثانيه

انا ممن كنت ابكي واتضايق واكتئب لما يخبروني انها بنت


أستغفــــــــر الله يــــــــارب رب لاتؤاخذني

وزوجي بالعكس ماشاء الله عليه يكون فرحان ومبسوط لانه يحب البنات

ولكن مثل ماقلتوا الناس ما تركوا احد ولكن لاحظت في ولادتي الاوليتين
الهدايا تهل
والناس مبسوطه
والعقيقه بدل الواحده4
اقسم بالله
الاولادات الاخرى
لم ارى هديه واحده الا من اهلي الله يحفظهم
والناس مكشره حتى لم ارى استقبالا بي وبمولودتي
والعقيقه قالوا ماله داعي

كل هذااااااااااا هووو الذي جعلني اكره ولاده البنت



أستغـفــــــــــر الله العظيم من كل ذنب عظيــــــــــــــــم



اللهم أرزقنا الولد الصالح يارب
ولواحه أمل

وكل من لها نفس في ولاده الولد



والله الموضوع جاء على الجرح

:(

بنت السراه ...... وعليك السلام ورحمة الله وبركاته
الحمدلله على نعمة الأمومة ...في كثير من الحريم يتمنون ظل طفل والله ما قدر لهم......بصراحة كنت وايد أتضايق من اللي حوليه على كلامهم الله يهديهم لكن هنا بين أخواتي نسيت كل شيء كان كلامهم له تأثير عجيب علي وحبيت الجنين اللي في أحشائي عكس يوم اكتشفت إني حامل كنت أبكي كثير وكنت أتمنى لو إني ما حملت أستغفر الله العظيم ..... والحين لما يباركولي المعارف والأهل للحمل ويدعوا لي بالولد أرد عليهم ولد ولا بنت كلهم واحد الله يكتب لي اللي فيه الخير لي ولزوجي ....ويطرح البركة فيه..... إيش ما كان .....
تحيااااااااااااااااااتي عزيزتي

اهلا اختي واحه الامل
والله اني ادعي لك من قلبي ان يرزقك الله بالولد الصالح امين يارب العالمين
وحسبي الله على اللي يضيقون صدرك وانت توك والده وهم وايش فايدتهم بنت والا ولد هذولي جايين يونسونك ويباركون بالولاده والا جايين يطلعون حقدهم لاحول ولا قوة الا بالله
الله ينصرك عليهم نصر من عنده ولاتحطين لهم اي اعتبار
تصدقين انه البيت اللي اغلبه بنات دايم رزقهم واسع وخيرهم كثير وحده من صديقاتي عندها اربع بنات كل ما ولدت بنت الله جاب لزوجها رزق وشهاده وحده للماجستير وحده الدكتوراه ووحده الوظيفه اللي يحلم فيها ووحده الترقيه لمنصب ولالالا كان يتوقع انه يحصل عليه والله اغلب بيوت البنات اغنياء وخيرهم واجد
البنت حبيبه مع امها ولايهنى لها شي الا وتشارك اهلها فيه اساليني ان مع امي اقطع من عيشتي وعيشه اولادي واعطيها واخواني بعد زواجهم مانعرفهم الا زيارات وبحضور زوجاتهم واذا امي طلبت شي الله لايوريك الواحد منهم ماتقدر امي تاخذ من حاجته شي ولو اخذت يزعل ويعتبرها تعدي على حقوقه واذا راحت بيوتهم تلاقينها على طرف الكنبه والجلسه رسميه تبي الفكه منهم ومن حريمهم وتعالي شوفيها لاجتني تدخل اقصى البيت وتتصرف وانا مبسوطه ومرتاحه وكانت تحب الاولاد تقول غيرت رايي مرة
تدخل غرفتي وتاخذ اللي تبي وانا ما اقول ولاشي الا مبسوطه وكل رحله احاول اخذها معاي واكلها باحسن المطاعم واسكنها بارقى الفنادق ولا اخليها تشيل العود مخدومه محشومه اما مع اخواني ما قد احد عرض عليها تروح معاه حتى العمرة شفت ايش لون الاولاد الله يرزقنا الذريه اللي تكون سبب بدخولنا الجنه وابعادنا عن النار يارب
بشرينا لما تولدين بالسلامه
[ روحي اقري هالقصه اكيد راح تفيد وياليت توزعينها على كل وحده تحب الاولاد وتفضلهم على البنات http://forum.hawaaworld.com/showthread.php?s=&postid=841185#post841185

السلام عليك أختي nightlight ........أشكرك حبيبتي على مشاعرك الحلوة وعلى دعوتك الأحلى ....والله لا يحرمني منكم ...... وبالفعل سبحان الله البنت تجيب الرزق لأبوها وهذا أنا مجربتنه....بس الناس الله يهديهم ما يخلون الواحد في حاله.....يطالعونك كأنه فيك شيء غلط!!! أو ناقصنك شيء من دون الناس..... وإذا قلنا ما بنهتم لكلامهم لو كانوا غرب ما في إشكال بس المشكلة إنهم من أقرب الناس لك يعني كل ما تزورينهم أو يزورونك لازم بيكون هناك كلام من اللي يضيق الصدر ...... بس ما نقول إلا الله المستعان
المهم إني أقوم بالسلامة أنا والبيبي .......... وإن شاء الله بتكونون أول العارفين........ ولو إن المدة شوي طويلة بس ما عليه......كونوا وياي على الخط:24: