يبه شلونكـ @ybh_shlonk

عضوة نشيطة

بعد تسعه اشهر من الكر والفر .. تعالي تعلمي مما تعلمت

..

..

السلام عليكم ورحمة الله وبركاته

احترت في كتابة العنوان وزادت حيرتي لما بديت اكتب الموضوع .. وعلى قولتهم .. ومنين ابتدي ..

ببتدي ابشركم اني من تجمع اللي آحر دورتهم في رمضان واني ولدت يوم الأثنين 27|6 .. المهم في هذي النقطه اني يوم الأحد كنت اقلب في هالقسم كعادتي وقرأت موضوع لأخت كريمه ماني عارفه اسمها لكن موضوعها كان عن طريقة تخفف الم الولاده وتجعلها من بعد الله اخف وطأه .. واسأل الله العلي القدير أن يغفر لها ولوالديها ويجعل جزاها الجنة .. والشكر أولاً وأخيراً لرب العالمين اللي هيء لي الأسباب اللتي نفعتني وساعدتني .. وهذا لأني من بداية حملي هذا قررت ما أشيل هم الولاده واحسن الظن بربي انه بيرحمني ويساعدني في كربتي .. وبالفعل من توكل على الله ماخاب ولا عرف الخذلان ..

ما اطول عليكم الطريقة اللي استعملتها من يوم حسيت بشد الوجع وهو بداية الطلق كان كالآتي .. تنقعت في طشت عبيته مويه تميل الى الحرارة اللي ممكن تتحملينها .. ودفيت زيت زيتون دهنت به بطني >> البنت كاتبه في طريقتها زيت زيتون وزيت بركه .. لكن انا ماكان عندي زيت حبة بركة فاكتفيت بزيت الزيتون ..

ثانيا كنت اكتم نفسي وقت الطلقه واستغفر مع محاولة استرخاااء تاام عشان اعصابي ماتكون مشدوده فاطول من وقت وقوة الطلقه ..

ثالثاً ما استعجلت على روحة المستشفى .. الألم جاني قبل الفجر تقريبا 2 وعليها ويوم صحي زوجي للدوام قلتله خل جوالك مفتوح واستعد في اي لحظه ادق عليك ..

راح دوامه الساعه سبع ونص وانا الطلق مستمر معي بس صبرت الين وصلت الساعه عشر الا ودقيت عليه .. احدش إلا وهو عندي وصلت المستشفى عالآخر .. وثلاث ساعات إلا انا والده .. تعبت جداً في الدف الين توقعتهم بيقولون عمليه .. لكن الحمد لله حال اخف من حال ..

هذي النقطه الأولى بموضعي

النقطة الثانيه

موضوع الولد والبنت .. يمكن بعضكم متذكر موضوعي حق اخطاء السونار اللي قلتلكم فيه انهم قالولي بالسادس بنت وبالسابع مرتين في مستشفيين ولد .. الثامن قالتلي بنت والتاسع قالتلي بنت ..

اما احلامي فأغلبها ولد لامحاله .. وكل من شافتني قالت عندك ولد اخواتي واغلب معارفي تحلمولي بالولد .. وحده من اخواتي احساسها مايخيب قالت عندك ولد .. سستر سعوديه في مستشفى الأطفال قالتلي عندك ولد وحلفتني بعد ما اولد اروح ابشرها .. وحده هنا بموضوعي الأول قالت حالتك نفس حالتي وصدقيني بتجيبين ولد .. ووصتني ابشرها عالخاص .. الأبره والخيط سويتها خمس مرات وقالت ولد .. اختبار العمر وشهر الولاده طلع ولد .. احساسي كأم يقول لآخر لحظه ولد ..

بعد خروج الراس كل السسترات بصوت واحد

..

..

قيييييييييييييييرل

جبت بنوته ولله الحمد على هداياه وعطاياه عسى ربي يحفظها ويصلحها ويكبر حظها ورزقها قولوا آمين .. الحمد لله سهل ربي ولادتها مو زي اختها اللي قبل .. وسخر لي ربي وحده جنبي خففت علي حزن الوحده وشاركتني في اكلها وسوالفها الحلوه .. وياحليل اللي تولد في مكان ماتعرف فيه احد ولا معاها احد يداريها من اهلها ..

الحمد لله في الأولى والآخره ما اشتكي الحين الا من انتفاخ البطن والألم والغازات .. بطني اللي يشوفني يقول حامل بالسابع .. لكن باحاول بإذن الله اشتغل على نفسي وبإذن الله يسخر لي ربي ماينفعني

وسلامتكم وعقبالكم يااارب

..

13K

يلزم عليك تسجيل الدخول أولًا لكتابة تعليق.

تسجيل دخول

فـوفـى • 12 سنة

الف مبرووك وتتربى بعزك

ويعطيك العاافيه على النصااايح

خفوق الروح2010 • 12 سنة

الف الف مبررروك والحمدلله على سلامتك ويسلموو على النصايح

رغم الجراح ابتسم • 12 سنة

الحمد الله عالسلامه ياعمري ومبروووووووك البنوته اهم شي سلامة الخلقه وعساهاا تكون بنت صالحه باره فيكم

اعشق ارضك • 12 سنة

نواره2000 :

لا يمكنك مشاهدة هذا التعليق لانتهاكه شروط الاستخدام.

على البركه والحمدالله على سلامتكم والله يقر عينك بصلاحها وبرها وأحسانها..
اللهم من أراد الإسلام والمسلمين بسوء فأشغله بنفسه واجعل كيده في نحره واجعل تدبيره تدمير عليه يا سميع الدعاء اللهم عليك بالمفسدين في الأرض فإنهم لا يعجزونك اللهم اكشف أمرهم واهتك سرهم وانشر خبرهم وأجعلهم عبرة للمعتبرين يارب العالمين,
اللهم إنا نسألك علما نافعا وقلبا خاشعا ولسانا ذاكرا,
اللهم إنا نعوذ بك من علم لا ينفع ومن قلب لا يخشع ومن عين لا تدمع ومن دعوة لا تسمع اللهم إنا نعوذ بك من هؤلاء الأربع,
اللهم صلي وسلم وبارك على عبدك ونبيك سيدنا محمد وعلى آله وصحبه أجمعين,سبحان ربك رب العزة عما يصفون وسلام على المرسلين والحمد لله رب العالمين..

سوسو العسوله • 12 سنة

الفففففففففففففف الفففففففففففف مبروووووووووووك وحمدلله ع سلامتك وسلامه النونو وتتربى بعزكم ان شاء الله