انا من المتابعين لمواضيعك .....
واللي شفته انك ما تستمر على رجيم
كل تجاربك في الرجيم ما وصلت فيها للوزن اللي تتمناه
فمن خلال متابعتي لك ...أنصحك برجيم السعرات الحراريه <<<< هذا هو الحل الوحيد لحالتك

نصيحتي لك أخي .. إنك في هال 6 أشهر ما تضيع وقتك على التجارب .. وراجع عند أخصائي تغذية شاطر .. واستمر معاه .. وحدد لك هدف في خلال هال 6 شهور .. يعني حدد الوزن اللي تبغي توصل له .. صدقني أحسن .. بدل ما يضيع وقتك وجهدك على التجارب .. وبعدين مهم إن النظام اللي بتسويه يكون صحي ..
بشكل عام في أشياء لازم تسويها سواء كنت تبع نظام غذائي أو لا .. وهي:
شرب الماء بكثرة (أكيد تعرف هالشيء) وأحيانا ترا شرب الماء وحده ينزل من الوزن .. بس لازم ما يكون أقل عن لتر ونص في اليوم ..
ابتعد عن المقالي (طبعا)
ابتعد عن الصلصة البيضاء والطحينية والمايونيز (أكيد)
العشاء يكون مبكر .. وما يحتوي على كربوهيدرات (خبز-رز-بطاطا-معكرونة ..إلخ)
ابدا الأكل داااااائما بالسلطات (مثل الخس والجرجير-عندك سلطة حلوة مكونة من خيار وطماطم مقطع مكعبات عليه شوية ملح وفلفل وخل أبيض لذيذة تقدر تاكلها قبل كل وجبة)
منتجات الألبان لازم خفيفة أو منزوعة الدسم (وترا غالباً الطعم ما يفرق أبدا)
الرياااااااااااااااااااضة (أقل شيء 3 مرات بالاسبوع لمدة 30 دقيقة)
تمارين الأثقال مهمة لأنها تساعد على حرق الدهون (في كتاب مفيد جدا جدا اسمه "8 دقائق عند الصباح" للمؤلف "هورهي كروز")
الأكلات الخفيفة (السناك) خلها دايما فواكه

هذ اللي عندي .. وأنصحك مرة ثانية تروح عند أخصائي تغذية وتراجع عنده هال 6 شهور .. وبالبركة والله يوفقك يا رب ...

انصح بقراءة كتاب الحل الامثل للتغلب على الوزن
المفاتيح السبعة للتخلص من الوزن بدون عناء
للدكتور فيل ماكجرو
موجود في مكتبة جرير كلمة روعة قليل عليه
يعطي نظام كامل للحياة من غذاء ورياضة وبيئة مناسبة للريجيم والتغلب على الامور النفسية وهو مشهور في امريكا

انصحكم بالرجيم المركب


رائع جدا


لاني بعد ما وقفته


كلت حلويات وبرياني وعصيرات ومن غير كبسة السمك ومن غير كعك العيد والشاي


لكن ما زاد وزني غير كم جرام


وانا متعوده لما اخبص ترجعلي الكيلوات لكن هالرجيم بجد رائع جدا ومريح ولا يسبب صداع

ويبدل حياتك كلها

تحس فعلا انك صرت انسان مختلف

ومن ضمن اللي فادني فيه هالرجيم

اني كنت لما اصحى الصبح اكون حاسه اني لازم ارجع واخذ كاستين عصير برتقال عشان تروح الللوعه

بس الرجيم المركب

خلاني بالعكس

وماصرت احس بهالشي ابدا

وصرت احس بالنشاط

والله يوفق الجميع

عندي نصيحه ايضا


انا كنت فيوم من الايام اضيع كل وقتي في البحث عن رجيم اقتنع فيه او حل ريع


ولما شفت البنات لقيت اكثرهم نزل وزنهم وانا ما زلت واقفه ادور وابحث


من يومها صرت اسوي الرجيم وبالمره ابحث

واكتشفت اني للحين نازله 10 كيلو

جربت الرجيم المركب وفادني

اما رجيم 12 في 12 ما نفع معاي

وبهالفتره ما وقفت رجيم

بالعكس

لما اوقف اي رجيم اعتمد على الخضروات والفواكه فقط

وارجع اكمل اي رجيم ثاني

ما اعطي نفسي فرصه اني ادور رجيم واقعد اكل او اخرب اللي سويته

اتمنى انك تجرب هالطريقه

وبالنسبه للاخت اللي ذكرت رجيم السعرات

بالفعل كلامها صحيح

وهالرجيم رائع جدا