اسمعي نصيحة وحدة انحرمت من الأب ودها انه موجود وتبوس التراب اللي يمشي عليه..ألف رحمة عليه.. ياريته عايش وأصير خادمة له..يعلم الله كم اشتاق لأبي ..اللهم اجمعني به في مستقر رحمتك..يارب آآآآآآآآآآآآآآآآآآآآآآمين
وأبوك مهما غلط في حقكم تظلون عياله وله حق عليكم.. ومثل ما يقول" المثل كما تدين تدان" بيجيك العيال ويردون لك الدين..
نصيحة ثم نصيحة ثم نصيحة.. تروحين للوالد وتاخذين معاك هدية قيمة ..وتبوسين راسه وايديه وتدعين له بوجهه وبظهر الغيب..وادخلي على قلبه الفرح والسرور واقرئي عليه وامسحي على جسمه.. هذا كله بيحنن قلبك عليه.. والله ما يبتلي ابن آدم الا ويكون فيه تكفير للذنوب واذا احب عبداً ابتلاه.. وانت ما تحنين على والدك وتسامحينه وانت عبد من عبيد الله.. يا أختي التسامح التسامح ثم التسامح.. ومع من ؟؟؟ مع والدك .." فلا تقل لهما أف ولا تنهرهما..وقل لهما قولا كريما.. واخفض لهما جناح الذل من الرحمة وقل ربي ارحمهما كما ربياني صغيرا..ربكم أعلم بما في نفوسكم إن تكونوا صالحين فإنه كان للأوابين غفورا"
سارعي يا أختي .. سارعي قبل فوات الأوان واحتسبي ذلك عند الله.. وتذكري ان من واجب المسلم على أخيه المسلم عيادته في مرضه فما بالك ان كان *الأب*.. والله ان هذه الدنيا بما فيها لا تسوى عند الله جناح بعوضة.. واسعي الى رضا الله ثم رضا والديك.. فأنه والله هو النعيم وهو الجنة.. فهل تأبين الجنة؟؟

بنات أنا أفكر أروح له مو حباً فيه والله احس من أشوفه انه شخص غريب مايربط فيه اي شي
احساس قصبن علي
بس أبي أروح خوف من الله وعشان أمي ترضى علينا
بس يجيني احساس مدري وشلون اشرحه
احساااااااس بايخ واحس بكتمه وقلبي ينقبض
من افكر في الموضوع ولا اتكلم عنه

كلمت أختي الكبيره قلت لها نروح مره ومع بعض قالت لي لو يموت ما احضر عزاه
والله ماااااا أدري شسوي
أرجوكم أدعولي :( :(

والله غلطانه وستين غلطانه
ادري وحاسه فيك والله ان اللي شفتوه منه مو هين لكن روحي وزوريه لاتكونون انتم والمرض
سوى عليه خليك حنونه ومسامحه وخلاص اللي صار ماضي وانتهى وابوك الأن في حاله
ضعف ومدام امك الغاليه عفت وسامحت ليش انتم لا رغم انها اكثر وحده تعذبت معاه
يالله عيوني خليك باره وخافي ربك وتذكري( ستسألين ) عنه يوم القيامه
عفى الله عما سلف وخلي قلبك ابيض من ناحيته
وعسى ربي يغفر له ويعافيه ويسامحه ويهدينا اجمعين

عزيزتي ......
ماذا تخسرين لو ذهبت!
وماذا تكسبين لو ذهبت !

أرجوك فكري بعقل وروية وأجيبي بصدق على أسئلتي ......
بعدها أنتي من سيحدد الذهاب أو غيره......

اجلسي مع نفسك قليلا واعتبري هذه المشكلة لي مثلاً......
وحاولي كتابة الخسائر .....
والمكاسب .......
ممكن ؟!


في انتظارك.......

اختي انا انصحك انك تروحين له انتي تحسين ان قلبك مقبوض لأنك خايفه ومن زمان ماشفتيه بس تخيلي وتذكري ان ابوك الانسان اللي كان قوي وجبروت وتخافون منه اصبح اسير للمرض وهذا والدك واجب عليك تروحين له فهو السبب لمجيئك للدنيا فاتقي الله واحسني له مهما فعل بكم وبريه في اخر ايامه انظري يأختي الى عظمة الخالق فهو سبكانه يسامح عباد ويتقبل توبتهم فكيف بنا نحن عبيد الله وكما تديت تدان فالله الله بوالدك