بعد 7 شهور واكثر من عملية التكميم ونزول وزني

السلام عليكم

بدخل في الموضوع

تاريخ 14/5/2013 كان موعدي في مستشفى بلهول الطبي في دبي عند د.عبدالسﻻم الطائي للعمليه 

سويت العمليه بنفس التاريخ وكان وزني ساعتها 128 كيلو وطولي 165

الحمدلله العمليه تمت بسﻻم وماحسيت باي شي وﻻ اي سلبيات الحمدلله

بالعكس المفروض اني اقعد بعد العمليه 3 ايام وانا طلعت من ثاني يوم ماحب المستشفيات

المهم سويت عملية نكميم قص معده..اول يوم ماشربت شي ثاني يوم بعد اختبار العمليه شربت عصير تفاح ملعقتين فقط ثﻻث مرات

وبعدها اول شهر تميت على العصاير والمشروبات الدافيه

ثاني شهر دخلت الزبادي والاكل الناعم والمهروس بطاط مهروس ومسلوق
بيض مسلوق..خضار مسلوقه ومهروسه شوربة عدس 

اي شي خفيف ومهروس وناعم

الشهر الثالث دخلت الدياي المسلوق واكلي عادي بس بدون دهون وبعدها صرت اكل عتدي بس كمية اكلي قليلة جدا..

الحمدلله ماصارت معي اي مضاعفات وﻻ سلبيات وﻻ شي بالعكس مرتاحه 

الحين بعد مرور هالشهور صار وزني 85 وبعده في نزول الحمدلله وماشاء الله ..

ويهي الحمدلله اول شهر بس كان فيه شحوب بس الحين طبيعي منور 

وووووبس هذا باختصار اي استفيار انا موجوده