مســـــــــــــــــاء الحــــــــــــــــــب والفصـــــــــــفص
مســـــــــــــــاء الفــــــــــــــــــــول المدمـــــــــــــــس
(( لا تشرهون عليهــــــــــا فاتح جنبهم محل فول وتميس وكل يوم بعد المغرب مرسل لنا
تميستين وصحن فول مجاناَ دعايا للمحل على باله بيرغبنا علشان نشتري منه مايدري
اننا بنتعود على المجاني وبنجحد ابو ابوه :42: ))
الزيـــــــــــت مدري الزبـــــــــــــــــده من ذا الموضـــــــــــــوع هي ...
أن فيه بعض القبائل او المدن تكون لهجاتها مختلفه وغير معروفه للغير
>> ماجبتي شيء جديد
لا من جد احيانا تمر على الوحده منا كلمات او مواقف محرجه نتيجة تغير اللهجات او بعض
الكلمات بين القبائل وتتورط في الرد او الخروج من الموقف .......
وأذكـــــــــــــــر لكـــــــــــــــم كذا موقف مر علي نتيجة ذالك >> اخسسسسس ياللغه
** مره كنـــــا معزومين عند وحده نعرفها وطبعا ذا الحرمه من اهل الحجاز وعزمت جاراتها
واقاربها المهم كانت الغرفه متروسه حريم وانا جالسه بجنب * المكتبه * قامت بنت
وحده من الضيوف تفتح في الدروج وغثتني قمت قلت لها يالله روحي ياشاطره لأمك
عاد امها انتبهت لها وقالت * سيبيها * والبنت راحت
وما امداني اسبها المهم رجعت مره ثانيه قمت قلت لها يالله روحي لماما عيب قالت امها
خلاص * سيبيها * وانا اقوم امسك البنت قبل ماتروح
واقول لها لو ترجعين مره ثانيه لأضربك والأم تصرخ * قلت لك سيبيها *
قلت في نفسي نعنبو بليسها من ام تبيني اسطر بنتها وقامت الأم وهي معصبه واخذت بنتها
وانا مستغربه وشهوله معصبه قامت امي قالت وش عندك تعاندين ذا الحرمه !!!!!!
تقول لك اتركي بنيتي وانتي تهاوشين فيها !!! توني استوعب انها تقصد بـ سيبيها
اتركيها على بالي تقول * سبيها * يعني هاوشيها وانا اللي بغيت اتوطأ في بطن بنيتها خخخخخخ
ترى ذا الموقف مر علي وانا توني بنت ما بعد تدبست في ابو الشباب خخخخخخ
** الأسبوع اللي فات كنت مع بناتي في مدرستهم ومريت على فصل بنتي الكبيره وسلمت على
معلمتها الجديده المهم معلمتها ذي هرجها حجازي بحت يادوب انا افك شفرات بعض الكلمات
قمت قلت لها تكفين وضحي لبنتي المطلوب زين تراها سبيكه مدري طالعتن على مين :23:
قالت ولا يهمك واقوم احط كرسي واجلس بجنب الباب اتسمع في نصائح وتوجيهات
المعلمه لهم ( ياويل اللي تمزع صفحه من الدفتر ، واللي تندر من الفصل ، واللي تكثر اللكود
على دفترها ، واللي تكتب بالمرسمه ، واللي ما تقراء الدرس مزبوط ................ الخ )
المهم تخيلت شكل بنيتي كذا :29: مهب داريه وين ربي حاطها !!!!!!
ويوم جيت البيت قلت هاه يا فلانه وش قالت لكم الأستاذه قالت لا تشربون مويه في الفصل
بدون استأذان قلت : وبعد قالت مدري قالت كلام كثير ومدري عنها اتصلي عليها اسأليها
قلت : والله أني داريه انك من جنبها ...............
** المتعارف عليه عند اهل الحجاز أنه اذا جت البنت من مدينه بعيده تزور اهلها او الأهل
جو زياره لبنتهم أنه لازم نتصل ونقول * أنستكم فلانه * * او أنسوك اهلك *
اذكر مره جو اهلي عندي واتصلت علي وحده من الحريم الكبار تسلم وتعزم اهلي واول
ما كلمت قالت * أنسوك اهلك * انا فتحت فمي شبرين ولا عرفت ارد عليها قمت اصرفها
قلت * بخير الله يسلمك * شكلها قالت وش هالدبشه اللي طحت فيها :o
وعندهم بعد اذا جات وحده تسلم عليك وتسأل عن اخبارك تقول لك * امسيتي * * والا اصبحتي *
عاد انا من جنبها والله ما كنت اعرف مصطلحاتها كنت ارد عليهم * بخير الله يسلمك *
>> ما عندها غير ذا الجمله تصرف العالم بها خخخخخخخخخ
عاد المفروض يكون الرد ( خليني اعلمكم علشان تفكون عمركم خخخخخخ ) * ياهلا ومرحبا *
** عاد جاء دور الحش في الهرج النجدي :42: مره جت حرمه عند امي وقالت :
يا بنيتي تكفين ( ازيني ماء ولا يكون خصر ) اووووووووووف وش ذا الجمله اللي ولا قاموس
في العالم يترجمها واروح من عندها واجلس افكر وش معناها ما فهمت الا مويه واجلس
اجيبها منا والا منا ماش مارضت تطلع معي الا امي جايه وين المويه اللي طلبتها الحرمه
قلت يمه ما فهمت وش ازيني وش خصر قامت تضحك امي قالت تقصد
( اسقيني مويه ولا تكون بارده ) خخخخخخخخخخ ابووووووووك يالترجمه
يالله اترك لكــــــــــــم المجال لذكـــــــــــر مواقفكــــــــــم مع بعض اللهجات ........
ضحكتينييييييييييييي