يعطيك العافية
ابي شي يزيل الاسمرار من المناطق الحساسه والركب و الاكواع

ويعافيك يابعدي ..
ابشري راح انزل كل شي باذن الله
اليوم راح ابدا بالبشره بانواعها والعنايه المتكامله فيها

اسعد الله مساءكم جميعا ياجميلات ..
اليوم باذن الله راح ابدا بموضوع البشره وانواعها وخاصه الوجه ..
العنايه راح تكون متكامله من غسول وماسكات وسنفره وتونر ..
والعنايه بتكون ع حسب فيه شي مره بالشعر وشي مره بالاسبوع وشي يومي او شبه يومي من غير التونر والغسول لازم يكون يومي
والاهم ياحلوات انه لازم تثقفين نفسك انه هالشي وهالعنايه تكون شي اساسي من حياتك معروف الاهمال بالشي يرجع زي ماكان ..
اي شي بالحياه يابنات تهتمين فيه يرجع يلق تهملين فيه يرجع زي ماكان ..
فراح اعطيكم مثال ..
نظافه البيت اهتمامك فيه كل يوم من تعقيم وتنظيف وتبخير يكون ع نظافته وكانه بيت جديد لكن تهملين فيه يومين روايح وغبار كذلك البشره والجسم لازم حبيبتي تكون من اساسياتك لاتقولين ماعندي وقت الا لازم يكون له وقت .. الماسكات تاخذ على البشره من 15 ال 20د مو مشكله لو تخلينها من 7 الى 10د لكن المهم لازم يكون فيه عنايه سواء للبشره او الجسم او الشعر
واذا اتبعتي الخطوات والعنايه والجدول اللي اكتبه بحذافيره والله بتدعين لي وبتشوفين التغيرات المرضيه عليك ..
انا اكثر وحده كنت مهمله ببشرتي لاماسكات ولاسنفره ولاشي مجرد غسول وجه وغسول جسم وشامبو فقط بس لي تقريبا فوق ال6 شهور او 7 شهور ولله الحمد تغيرت بشرتي جذريا بعد العنايه ولله الحمد ع انه بشرتي ماتطلع فيها حبوب بس كانت باهته مافيها نضاره ابدا ..
فلذلك كل شي اكتبه لكم من اهتمامي وعنايتي طبعا الخلطات اللي انزلها بعضها مو كلها مني والبعض من افضل خبيرات البشره .. والله يوفق الجميع

*انواع البشره *

قبل ان نبدا بعرض الماسكات والمقشرات المناسبه للبشره لابد ان تعرفي ماهي بشره ..
البشره 5 انواع ..
1_بشره جافه .. هي بشره مشدوده وناشفه .. تشعرين باللسعه والحرقان فيها وتعانين من التشققات والتقشف والخشونه في ملمسها .. كذلك الشعور بعدم الارتياح والاحساس برغبه في الهرش
2_البشره العاديه .. بشرة صحيه وصافيه ونقيه لاتعاني من الجفاف او لمعان او زيادة افراز دهون مسامها دقيقه غير واسعه
3_البشره الدهنيه .. بشره لامعه دهنيه الملمس وسميكه القوام ومسامها واسعه .. لايثبت عليها الميك اب ومبقعه وتجمع الاتربه من الهواء ..تظهر بها البثور والرؤوس السوداء وحب الشباب
4_البشره المختلطه .. هي بشره تجمع بين البشره الجافه او العاديه والبشره الدهنيه .. فهي لامعه في منطقه الجبهه والذقن والانف اما الباقي تكون عاديه غير دهنيه الملمس
5_البشره الحساسه :
بشره تتاثر باي عوامل تشعر بها صاحبتها بالوخز والهيجان والاحمرار اثر تعرضها للهواء او شرب المشروبات الساخنه او تقشير البشره لذلك ابتعدي عن المقشرات لانه لاتنفع البشره الحساسه ابدا .