عندما تريدين الاعتناء ببشرتك لابد ان يكون هناك غسول مناسب لنوع بشرتك ..
افضل انواع الغسول بالنسبه لي شخصيا ..
1_غسول نيتروجينا يوجد منه انواع انواع وكل نوع يكون خاص لنوع البشره فاقراي الغسول ونوعه المناسب لبشرتك قبل شراءه

2_غسول بيوديرما h2o


3_غسول Qv

البشره تحتاج الى ثلاث ماسكات (شهري _اسبوعي_يومي)
اولا :الماسك الشهري :-
يستخدم مره واحده في الشهر
قشر برتقال مبشور او مجفف ومطحون يوخذ منه ملعقه + ملعقه قهوه تركيه+ ملعقه شاهي اخضر مطحون+ملعقه مره مطحونه(اذا تتحسين منها استغني عنها ) +ملعقه نشا +ملعقه شوفان مطحون
+ملعقه حليب بودره (هالاضافه الحليب خاصه لذوب البشره الجافه والمختلطه اما الدهنيه فتستغني عنه )
تخلط جميع المكونات وتحفظ في علبه .. يوخذ منه مقدار ملعقه ويضاف الى ملعقه جل صبار او زبادي او طحينيه
يترك ع الوجه مده 20 د ويغسل بالماء فقط
الماسك الاسبوعي ..
يستخدم مره واحده في الاسبوع ..
ملعقه من مكونات الماسك الشهري +ربع ملعقه بيكربونات الصوديوم +ملعقه زبادي +ملعقه بطاطس مهروس
اذا تتحسسين من البيكربونات استغني عنها واستخدمي باقي الخلطه
تخلط وتوضع ع الوجه مده 20 د وتغسل
الماسك اليومي ..
اختاري مايناسبك
قشطه التاج ضعيها على وجهك مده ربع ساعه ثم اغسليه تعطي نضاره للوجه
قناع الزبادي مع الشوفان المطحون جدا روعه للبشره
قناع الزبادي والبطاطس المهروس رووعه ماصبر عنه
قناع العسل والدقيق ممتاز ويشيل شعر الوجه بس ماناسبني
قناع حليب البودره والعسل والشاهي الاخضر المطحون وقشر البرتقال المبشور 》》اسميه قناع المعجزه رووعه
مقشر البشره استخدميه مره كل اسبوعين :
طبعا قناع المعجزه يعتبر مقشر ايضا لذلك بعد مايجف على بشرتك افركيه بحركه دائريه ثم اغسلي بشرتك
قناع ومقشر : القهوه التركيه او النسكافيه تاخذين منه ملعقه +ربع ملعقه بيكربونات الصوديوم +ملعقه طحينه او زبادي +ملعقه سكر +ملعقه من غسولك المفضل +ملعقه زيت جنين القمح
اتركيه على وجهك لحد مايجف ثم افركيه بهدوء واغسليه بالماء فقط
وبكذا انتهينا من العنايه بالبشره .. وغدا او بعد الغد باذن الله سوف اتكلم عن العنايه بالجسم .. اترككم في رعايه الله .. دمتم بخير ❤

مساء الخير جميعا
اليوم راح اتكلم عن الجسم
وموضوع الجسم طووويل لانه مشاكله كثيره (مناطق داكنه _خطوط حمراء وبيضاء_ترهل _شعر تحت الجلد_نقط في الساق )
راح تكون عنايه شامله باذن الله ..
لكن قبل الاهتمام بالجسم خارجيا لازم يكون فيه اهتمام داخلي وخصوصا التغذيه والاهم شرب الماء


صدقيني اذا انتي انسانه ماتشربين مويه ماراح تفيدك ولاخلطه لجسمك .. ترطيب الجسم داخليا يعطيه حيويه وبالتالي هالشي يرجع للجلد ويترطب ويعطي نتيجه حلوه ع البشره ف مايبقى لك الا تعالجينه خارجيا .. دائما اذا عندك مشاكل بالجسم زي ماذكرتها فوق اعرفي انه محتاج ترطيب داخلي ..
طيب تعرفين انه جسمك اكتفى ترطيب .. علبه قاروره مويه صحه صغيره تعادل 10 كغ من الوزن .. بمعنى اذا وزنك 70 تكون مقدار احتياج جسمك للماء كالتالي
1 مويه صحه صغيره =10 كغ
بمعنى كل قاروره تعادل وزن 10 كغ =اي وزن 70 كغ يعادل 7 قوارير مويه صحه صغيره
واذا وزنك 80 تحتاجين 8 قوارير وهكذا لبقيه الاوزان
الماء يابنات نقصه بالجسم مو هين .. بقدر ماتعوضين جسمك وتعطينه راح يستجيب لك وانا مجربه هالشي ..
غير انه يعطي حيويه بالبشره وجسمك الباهت وقله نشاطك وكسلك كله يروح اذا التزمتي بشرب الماء
مشكله البنات انه تبي جسمها يطلع واو بس اذا سالتها عن شرب الماء تقول والله مااشرب كثير .. اجل جسمك ماراح يستجيب لك ابدا ..
انا احرصكم يابنات قبل ماتبداين بالاهتمام بنفسك انه تكون اولها الالتزام بشرب الماء وبعدها ابدي اخلطي وحطي ..

انا راح ابدا بالنقط اللي تظهر بالساق وكذلك الشعر اللي يظهر تحت الجلد في مناطق معينه بالجسم ..
ماسببها ؟
المعلومه الخاطئه الناس تقول من الموس ! لا غلط الموس ماله علاقه بهالشي ابدا
السبب والحل ..
انه دائما احرصي انك تسنفرين جسمك كله حتى المنطقه الحساسه والابط وتحطين الماسكات عليه قبل تشيلين ..
بمعنى اذا انتي من زمان ماسنفرتي وتبين تشيلين جسمك سنفريه وحطي له ماسك لانه فائده السنفره انه تقلل ظهور الشعر تحت الجلد وتخفي النقط ..
السنفره انواع وجدا سهله مكوناتها ..
مثلا .. سنفره اللوز المر او زيت الزيتون مع السكر
مثلا ..سنفرة القهوه التركيه او العربيه مع زيت جنين القمح والسكر والزنجبيل
مثلا.. سنفره الشاهي الاخضر +القهوه التركيه +القرفه +السكر+الزنجبيل +زيت اي نوع مفضل (زيت زيتون او زيت جوز هند او لوز او جلسرين )
جميع المقادير متساويه والقوام اللي تبينه

مشكوره حبيبتي.