مشكووووووووره ام ماسه الله يعطيك العافيه
صراااحه موضوع جدا رائع,انا للحين مااخذت شئ بس ناويه على الهرم وستي ماكس
وياليت الاخت برياني حار على ماأظن كذا اسمها اللي قالت عن المحل اللي بجده تقول مكانه بالتفصيل ومشكوره

السعر المنافس بطريق مكه القديم الطالع كيلو ثلاثه بجوار سوبرماركت السروات وامامه محل كبير القثمي للأقمشه
امانه يابنات تدعونلي ربي يسخر لي مستشفى طيبه اولد فيهاااااااااااا

صــادوه خخخخخ
على فكره والله تلقين اشياء في المحلات مثل الهرم والشامل وغيره نسخه من اللي في مذركير وغيره والفرق السعر فقط ..



روعه اقتراحك الله يجزاك خير قولي آمين ..
وممكن تسوين فكرة التوزيعات مع اني ماأأيد التكلف
بطريقه اقتصاديه جداً وحلوه
شوفي روحي محلات ابو ريالين مثل مشوار ودنيا صغيره وغيره
واشتري الاكياس التل اللي تجي ملونه صغار وردي او ازرق مثلاً على حسب نوع البيبي اوكى
واشتري كيلو ملبس تعرفينه اللي يجي ملون وفيه ذهبي وفضي
وحطي بالأكياس على شوي شوي ولما تخلصين اربطيه على شكل فيونكه
وكل كيس حطي معه نشرة ادعيه او اذكــار أو شريط ديني ..
وحطي مجموعة الاكياس كلها بسله او صينيه حلوه بتطلع روعه جربيها ..







الله يعوضك خير قولي آمين ..



والله هذا المفروض
يازين شوفتهم بس بلا توزيعات بلا بطيخ :mad:



وش تنتظرين ,, ابدي جهزي على شوي شوي ..



يختي بلا جاكادي بلاهم
قسم بالله اني مشتريه سرير احسن من اللي بمذركير وجاكادي وغيرهم
لاااا وازيدك من الشعر بيت مو 900 بــ 130 !!!!!!!!!!!




شوفي سيتي بلازا ..




وجودكم بالموضوع هو اللي روعه
الله يعطيك العافيه ويتمم عليك يارب ..




اللهم سهل ولادة اختنا برياني حار وقر عينها برؤية طفلها اللهم امين ..

الله يعافيكم على هالموضوع
والله زين ماسويتم
انا بما اني عندي طفلين فعندي باقي ملابس بسيطه عقبهم باخليها للبيت واشتري بس اشياء بسيطه
انا تجهيز الطفل غالبا من سيتي بلازا وفيه شغلات بسيطه اخذها من مذركير -عموما ما اكثر لان الطفل يكبر بسرعه-
الافرولات ما احب اخذ الا من سيتي بلازا
والمهادات غالبا من الهرم
الرضاعات والمصاصات والشغلات الثانيه غالبا من الصيدليه او سيتي بلازا
واخذ طقمين مرتبات كاملات من بدله او فستان مع قبعه وشرابات وكذا من سيرجنت ميجور او مذركير او اي محل المهم يكون معه مفرش طقم عشان شكل الطفل يكون مرتب ومعليش لو ارتفع سعره شوي بس طبعا مو باسعار القرعاوي الي مالها داعي
عندي مدس مرتب وحلو من عقب عيالي مو ناويه اشتري غيره
محتاجه شنطه للبيبي ولسه مابديت ادور
وسرير الطفل عندي سرير عيالي امي حافظته في بيتهم ممتاز ومافيه شي
ودي بس اشتري سلة للطفل وابي نوعية جيده وسعرها معقول ...انتظر مذركير يخفضون على الي عندهم او اروح اشوف باي محلات ثانيه المهم مايتعدى سعره 300 ريال
بالنسبه لمفرش النفاس مو ناويه اشتري لاني انزل للضيوف بالصالون ما احب يدخلون علي وانا منسدحه ماراح يدخل عندي بغرفتي الا خالاتي وبناتهم وهذول مابيني وبينهم رسميات وعندي مفرش مرتب من اول راح استعمله
قمصان رضاعه عندي كم قميص من قبل راح استعملهم للبيت خذتهم من الهرم ممتازات ومره حلوين
محتاجه قميص للاستقبال ولسه مابديت ابحث الى الان بس الناس بطلوا عن القمصان وبدو يلبسون فساتين خفيفه وشفت عند مانغو كم فستان ناعمين وهاديات يمكن اخذ من عندهم
توزريعات ماراح اسوي لانها مضيعة فلوس وحركه مالها داعي
المواعين استغرب من الي يشترون للنفاس ...يعني ماقد جاكم ضيوف ؟؟؟الحمد لله بيت اهلي مليان ولاافكر اشتري
حتى صواني التقديم عندنا جميع الاشكال والموديلات واطقم بعد ماراح اشتري اي شي
عموما اكثر شي احس الناس يتكلفون فيه وهو الي يدمر الميزانيه التقديم
مع القهوه راح اقدم صينيه شوكولاته
وراح اسوي صينيه حلا قهوه في البيت منوعه ....مو بخل الحمد لله بس لاني واثقه من نفسي وخواتي ماشاء الله طبخهم يهبل وفنانات<على فكره ترا مشاعل السعوديه اختي > يعني معتمده على الله ثم عليها ياحبي لها
ومع الشاي نفس الشي ...امي تفرز مقالي منوعه من سمبوسه وكبه وسبرنغ رول وحتى ورق عنب مع كل ضيوف يجوننا نسوي زياده فطايركنابيهات <تراها والله سهله والحمد لله البيوت مليانه شغالات وشغل البيت والله اطعم والذ الف مررررررررررره >
وراح احط مكسرات بعد بس ادور على صحون شكلها حلو وغريب عشان تتوزع على طاولات المجلس
واخيرا بنقدم عصير فرش ايضا بالبيت ....ويمكن نسوي معاه تارت فواكه
عموما بنات اكيد بتقولون ماراح نطبخ وننفخ كل ماجانا ضيوف بس احنا اغلب ضيوفنا اهل من خالات وغيره يجيبون قهوتهم معهم
والضيوف الرسميين يجون في اخر عشرين يوم ويجون يمكن ثلاث او اربع مرات فعادي لو تعبنا شوي على شانهم وعموما الشغله مافيها تعب اذا الواحده نضمت شغلها واستعدت من بدري
ونقطه ثانيه وهي مهمه بالنسبه لنا ....بيت اهلي ماعندهم سواق ومافيه الا ابوي الله يحفظه لنا فمو معقول كل ماجانا ضيوف اطلب منه يروح ويجي يعبي في هالصواني ...طبعا غير التكلفه الماديه الي مالها سنع ...اغلب شغل السوق مهما كان فخم والله طعمه عااااااااااااادي وشغل البيت والله الذ يكفي انه تضمنين انه طازج مو يجيك بايت عندهم له يومين واحس لما اطبخ لضيوفي هذا هو الكرم صح اما اشتري من السوق الحمد لله كل من يقدر يشتري لكن لما اذوقهم شغلي احس هذا هو الكرم صدق والا انتم وش رايكم ؟؟؟

حلو تقدمين لضيوفك مكسرات وحلويات وفطاير شغل بيت مافيها شي بالعكس انا معك
بس انا مو معك بالنسبه للفساتين , يعني تلبسين فساتين خفيفه وانتي نفاس ! ماأيدك ..
على العموم هو على العادات والتقاليد ..

مافهمت وش تقصدين بــ سلة الطفل .. يمكن اقدر اساعدك ؟؟