مرحبا بنات شخباركم بس حبيت اسال عن قهوة ام الفاتح وين احصلها وايش فايدتها جزاكم الله كل خير .

تكلف مو طبيعي ..



حاولي تبحثين أكثر راح تلقين أنا متأكده ..
إذا انتي من الشرقيه الخيمه اللي فتحت المفارش على 100 ريال يابلااااااش
بس مدري اذا هي فاتحه للحين ولا سكرت
واذا مالقيتي جيبي نفس اللون ..



يارب ياسميع الدعاء ياحي ياقيوم
في هذه الساعه ارزق اختنا الدره المكنونه بالطفل السليم عاجلا غير آجل
اللهم فرّحها بخبر حملها يارب العالمين ..







اي والله
نصيحه لاتتخسرين كثير
وفري لبعد النفاس ..
وبالنسبه لنظام فيافي انا مشيت عليه بس مااستخدمت التحاميل ..
يعني سويت اللهومات والغسول والمنقوعه والتمره .. بصراحه روعه روعه روعه ..
قهوة الفاتح ماجربتها لكن الكل يمدحها وهي للبنات والمتزوجات والنفاس .



قهوة ام الفاتح تبيعها ام الفاتح هنا بالمنتدى ..
وتقدرين تتواصلين معها من هنا

إضغطي هنا

محل رد تــاغ بالشرقيه , سرير البيبي الصغير (للنفاس) موديلات واشكال حلوه بـ 70 ريال
بروح أشتري لي واحد :04:

يا سلام على المواضيع المفيدة اللي تعقّل البنات :)

انا طبعا من الامارات .. وعن نفسي كل شي يخص النونو شريته من البيبي شوب ... اللهم الا طقمين شفتهم بالصدفة في المول .. واحد من محل اسمه على ما اعتقد كايدي وواحد من محل ما اعرف اسمه لاني ما ادقق وايد في اسماء المحلات اللي في المولات نظراً لاني ما اشتري منها اصلا :)

بالنسبة للسرير فما اشتريت لان سرير ولدي بعده موجود وزين .. فما يحتاج اشتري واحد يديد .. واشتريت فرش يديد للسرير ولحاف للنونو بعد من البيبي شوب.

وعلى فكرة انا حتى يوم ربيت ولدي ما اشتريت السرير الصغير اللي يستعملونه كم شهر وعقب يصغر على الياهل ... انا من الاول اشتريت السرير الأكبر .. وتم ولدي يرقد فيه أكثر من ثلاث سنوات ونص ... وهذا هو اللي باستعمله حق النونو اليديد ان شاء الله.


بالنسبة لي ما اشتريت شي .. بس فصلت جلابيات مفتوحة من جدام عشان الرضاعة .. واخترت قطع حلوة تنفع لاستقبال الضيوف .. القطعة الوحدة كلفت 40 درهم وخياطتها 40 درهم ... يعني الجلابية قماش وخياطة كلفت 80 درهم.

اما الصدريات فمب ناوية اشتري الحين .. وقلت عقب ما اربي ان شاء الله اذا حسيت ان مقاسي تغير فباشتري على حسب المقاس اللي باحتاجه وقتها واذا ما تغير فباستعمل الصدريات اللي استعملها حالياً لاني اصلا شريتها عقب ما حملت وصدري كبر .. يعني مب قديمة وايد.


التوزيعات والزينة والفناتك العجيبة الغريبة طبعا لا والف لا ... انا ما لي بارض على هالسوالف ولا احب اضيع وقتي عليها .... كل السالفة صينية شوكولاتة من بيستاش في المستشفى ودلة شاي ودلة قهوة وكان الله غفور رحيم.

وزوجي ناوي عقب ما اخلص الاربعين ان شاء الله انه يسوي عزيمة عشا .. وفيها بتكون عقيقة النونو وبيعيد عقيقة ولدنا لانه شك في نفسه ونسى اذا هو ذبح عقيقة الولد والا لا :)

معاك قلبا وقالبا ولي فتره أفكر كيف اقتصد ونفسي اشتري بدون تبذير لأني بطفلي الأول تهووووووورت وشريت نص السووووق وندمت ونصها جديده يعني ابي افكر زين المري ذي ..
وبالنسبة لمحل رد تــاغ قلبو له فرع بجدة انتظرك..