أم الهتون :

يا سلام على المواضيع المفيدة اللي تعقّل البنات :) انا طبعا من الامارات .. وعن نفسي كل شي يخص النونو شريته من البيبي شوب ... اللهم الا طقمين شفتهم بالصدفة في المول .. واحد من محل اسمه على ما اعتقد كايدي وواحد من محل ما اعرف اسمه لاني ما ادقق وايد في اسماء المحلات اللي في المولات نظراً لاني ما اشتري منها اصلا :) بالنسبة للسرير فما اشتريت لان سرير ولدي بعده موجود وزين .. فما يحتاج اشتري واحد يديد .. واشتريت فرش يديد للسرير ولحاف للنونو بعد من البيبي شوب. وعلى فكرة انا حتى يوم ربيت ولدي ما اشتريت السرير الصغير اللي يستعملونه كم شهر وعقب يصغر على الياهل ... انا من الاول اشتريت السرير الأكبر .. وتم ولدي يرقد فيه أكثر من ثلاث سنوات ونص ... وهذا هو اللي باستعمله حق النونو اليديد ان شاء الله. بالنسبة لي ما اشتريت شي .. بس فصلت جلابيات مفتوحة من جدام عشان الرضاعة .. واخترت قطع حلوة تنفع لاستقبال الضيوف .. القطعة الوحدة كلفت 40 درهم وخياطتها 40 درهم ... يعني الجلابية قماش وخياطة كلفت 80 درهم. اما الصدريات فمب ناوية اشتري الحين .. وقلت عقب ما اربي ان شاء الله اذا حسيت ان مقاسي تغير فباشتري على حسب المقاس اللي باحتاجه وقتها واذا ما تغير فباستعمل الصدريات اللي استعملها حالياً لاني اصلا شريتها عقب ما حملت وصدري كبر .. يعني مب قديمة وايد. التوزيعات والزينة والفناتك العجيبة الغريبة طبعا لا والف لا ... انا ما لي بارض على هالسوالف ولا احب اضيع وقتي عليها .... كل السالفة صينية شوكولاتة من بيستاش في المستشفى ودلة شاي ودلة قهوة وكان الله غفور رحيم. وزوجي ناوي عقب ما اخلص الاربعين ان شاء الله انه يسوي عزيمة عشا .. وفيها بتكون عقيقة النونو وبيعيد عقيقة ولدنا لانه شك في نفسه ونسى اذا هو ذبح عقيقة الولد والا لا :)

يا سلام على المواضيع المفيدة اللي تعقّل البنات :) انا طبعا من الامارات .. وعن نفسي كل شي يخص...

حلى القلوب :

والله موضوع اجا في وقته توني امس رحت السوق اخذ فكرة عن الاسعار والله نار وشرار مادري ليش كذي عندنا في الامارات رحت البيبي شوب بس ما اشتريت شيء لانه وحدة الله يجزاها خير خبرتني انه بكرة بتكون في تنزيلات يعني ابتدأ من 21/4 والله محتارة من وين ابدي تجهيزات البيبي بتكون بسيطة يعني يدوب كم طقم حلو لضيافة وسرير وملابس داخلية لانه بتجي هداياة كثيرة بنسبة لي راح اشتري كم جلابية دنتيل من محل واحد هندي كل يلي عنده 40 درهم وحلوووووووووووين مره

والله موضوع اجا في وقته توني امس رحت السوق اخذ فكرة عن الاسعار والله نار وشرار مادري ليش كذي...

جود-قمرهم :

ابي اسألكم اخواتي في وين بالضبط محل رد تاغ بالشرقيه ومن وين احصل على مفارش للبيبي حلوه وفيها شكل مميز

ابي اسألكم اخواتي في وين بالضبط محل رد تاغ بالشرقيه ومن وين احصل على مفارش للبيبي حلوه وفيها شكل...