بغيت اموت ثالث يوم من العيد تعالو شوفو وش صار لي

السلام عليكم ورحمة الله وبركاته ^^ردو السلام تراه واجب^^

كيفكم واخباركم ان شاء الله بخير
ماراح اطول عليكم


ثالث يوم من العيد رحنا الثمامه انا واهلي وخواتي ورجل اختي وشغالتنا وشغالت اختي.....ياربيه متى تخلص:mad:

المهم وفرشنا وجلسنا في البر وكان جنبنا طرق مزفلته عاد انا امنتيتي اركب دباب وامشي على طريق مزفلت لان البر

مطبات وحصى ما يمديك تدعسين الا وطالعه لك حفره ولا حصاة المهم هذاك اليوم طلبت من اخوي يستاجر لي دباب

لمدة ساعه وكانت معي بنت اختي وعيال اختي وكنا كثار ما شاء الله يعني فله وطبعا كل واحد له دباب المهم جابو لنا

الدبابات وكل واحد منا خذ له دباب ومشى عاد انا ياحياتي اول مامشيت طفى علي الدباب وجلست 10 دقايق انتظره

يجيب لي ثاني راح وجاب لي ثاني مو مره زين بس قالي معليش خذي هذا وبعد نص ساعه اغيره لك المهم لعبت فيه

وبعد نص ساعه جاب لي واحد حلو ومستانسه فيه والعب فيه يا عمري مادري وش يبي يجيني كنت قاعده اتسابق انا

واخوي واحاول اني اسبق اخوي وانتهى الطريق اللي انا ماشيه فيه وانا مانتبهت اخوي لف وراح عني وانا كان قدامي

حرف T يعني يا الف يمين يا الف يسار وما مداني لا الف يمين ولا يسار وحتى لو لفيت بطيح لاني كنت مسرعه مره

قلت يلله بس مالي الا ادخل في البر انا على بالي ان الارض كلها مسطحه طلع بس المكان اللي جالسين فيه اهلي

هو المسطح المهم طلع المكان اللي قدامي مسطح متر ونص تقريبا والباقي هويه ويوم قربت من المكان ما يمديني

طبعااوقف او الف اواسوي شي المهم طحت من الدباب يعني سبقت الدباب وصرت قدامه وكانت النزله قويه وكان حولي

حصا كبار مره يعني لو طحت عليهم كان رحت فيها لكن الحمد لله طحت على رمل ا لمهم وما ان استقريت في مكاني

الا وينزل علي الدباب وما مداني اقوم ابعد عنه او اوقفه طلع الدباب فوق بطني ومشى راح بعيد يا الله اناظر

الدباب وهو ينزل علي ولله كانه وحش طبعا على طول قعدت على حيلي وقلت الحمد لله ما جاني شي انا كان عندي

اهم شي راسي ووجهي لا يجيهم شي والحمد لله ما جتني ولا ضربه على راسي وعقبها جوني اهلي منهبلين

يقولون توقعنا انك متي وكانو بيودوني للمستشفى لانه طلع فوق بطني وقلت ولله ما اروح عاد انا اكره شي اسمه

مستشفى وعقبها رحت ركبت دبابي وناويه اكمل النص ساعه الباقيه ما تبت ولا كرهته وجتني اختي وقالت لي ولله

ما تركبينه وحرمتني منه وحلف زوج اختي انه ما يروح مكان فيه دبابات اخ يالقهر :icon33:


والحمد لله انا الحين بخير وعافيه صح ان كل كم يوم اكتشف ضربه جديده لكن يلله تروح مع الوقت

ونصيحه مني لكم لا تركبون هذي الاشياء الا مسمين وموردين

يلله ابي ردود ياحلوات