بغيت طريقة الصلصة البيضا ضروووووري

هلا اختي

كلهم الاثنين فيهم طحين

ملعقتين طحين مع زبدة لين مايتغير لون الطحين ويطلع ريحتة حلوه وحطي عليه كاس حليب وشوي ملح وفلفل اسود

اما الثانيه اللي بالكريمه تستبدليين الحليب بالكريمه وبس

لاضافة نكهات حطي جبنة بارميزان وجوزة الطيب

مرحبا اختي بحط لك نوعين من الصلصات للمعكرونه من كتاب سفرة أناهيد الشهيه لأناهيد دونيكيان وشكلهم روعه أتمنى يعجبونك الأولى
المكونات :
كوب حليب ونص –بصلة صغيره- ورقة غار - 2/1م ص من حبات الفلفل الأسود -3الى 4 عروق بقدونس – م طعام زبده –ملعقتين طعام دقيق – جوزة طيب مبشوره – ملح وفلفل
الطريقه:
تحطين الحليب على النار مع البصله وورقة الغار والفلفل والبقدونس لين يغلي وتخلينه 20 دقيقه بعدين تصفينه وبعدين تذوبين الزبده في قدر لين تطلع الفقاقيع وتضيفين الدقيق وتحركين بسرعه لمدة دقيقه او دقيقتين بعدين ترفعينه من على النار وتخلطين وياها الحليب الفاتر مع التحريك تدريجيا حتى تنعم الصلصه بعدين ترجعينها على النار لين تغلي وتخلينها على نار هادئه لمدة خمس دقائق مع التحريك وتضيفين الملح والفلفل وجوزة الطيب وبالعافيه

الثانيه صلصة الجبنه وهي صلصه فرنسيه بعد
المكونات :
كوب ونص حليب
2/1 بصله صغيره
ورقة غار
15 غرام زبده
ملعقتين طعام دقيق
5ملاعق جبنة شيدر صفراء
ملعقتين طعام جبنة بارمزان
جوزة طيب مبشوره
الطريقه : مثل الصلصه الأولى الفرق انك بعد ما تخلي الدقيق تضيفين بعده الجبن بنوعيه مع جوزة الطيب المبشوره مع التحريك حتى تنعم الصلصه واذا تبغين اي شي من الكتاب مستعده انزله وشكرا

هذي طريقتي لصلصه البيضا
كوب طحين ابيض + نص كوب زيت + ملعقه صغيره ملح + مكعب ماجي + كوبين حليب سائل + كوب خضره مجمده
- تحطين الخضره المجمده في ماء مغلي وتتركينها نص ساعه ثم تصفينها في المصفاه
- في قدر على النار تحطين الزيت والطحين وتحركينهم بسرعه عشان مايتكتل الطحين يعني لازم الطحين يذوب في الزيت واذا الزيت طلع شوي وتكتل الطحين زيدي الزيت شوي يعني يطلع شكله مثل الطحينيه
- حطي مكعب الماجي والملح وصبي الحليب وحركي باستمرار
- حطي الخضره على المقادير السابقه وحركي وتركيها على نار هاديه لمدة نص ساعه بس كل شوي طلي عليها وحركيها واذا تحبين البشمل تكون سايله اكثر زيدي الحليب عليها واذا سايله زياده وتحبنها ثقيله حطي في كوب ملعقتين او ثلاث طحين وزيت وحركيه لين يذوب وصبيه على الخليط وحركيه
- والسر الاخير لخلطة البشمل اللي انا اسويها والكل يمدح وهذا السر خطييييييير انتبهي عدل
اول ماتسكرين النار عن البشمل وتشيلينها على طرف تحطين فيها جبنه يعني اي جبنه موجوده عندت في الثلاجه حطيها جبن سائل او مبشور 4او 7 انواع من الجبن عادي مايضر بالعكس ينفع ويخليها تجنننننننننننن
انا ادري ان شرحي طويل بس الطريقه سهله ولذييييييذه
والف الف صحه وعافيه