كيفكوون 0000
أكيد وحشتكم 000لآزم تتعودون بكره اذا أعرست وش بتسووون0000
المووهيم0000
أني كنت مريضه خلآل ذآ الأسبوع
أحد درىآ عنّي ؟؟؟؟
آنآ مدري تسيف تسيف بعد المحبه و الموده صرتووو تنسوووني >>آوشكت على التخريف..
الله يعلم بحآلي
لآمن سنآسين لآ من سهآل لآمن صخونه لآ من حسآسيه تقولون عين و طقتني00
يعني وشسميه
الله وقاني من أسباب المنيه.. و يآ رجل لو هو مصيبك وين أدآويك
و أدوآك يمّ الحسآ صعبن عليّآ .. << حاله يرثى لها
الموهمّ .. وت إيفرر
يوم الثلآثاء الموافق 16\4\1429 بعد الهجره
كان يوم حافل بالمغامرات000
من قمت من النووم وأنا أحس اني ماني بصويحيه 000عويناتي تدمع 000ووجهي تقول قدر ضغط مرتفعه حرآآرته000
وريقي مرن علقم 000ولويزاتي ملتهبه 000جتني انتفاضه بجسمي تسنها انتفاضة فلسطين00
جاني ابليس التسلب كملي رقادتس 000غيبي مو لازم تداومين00
كانها جازت لي فكرته 000وقلت دايم وانا اعصيه 000ليش مااطيعه هالنوبه وأغيب000
بس تذكرت ان فيه اختبار لطالباتي ولازم اختبرهم اليوم00 من قبل الاجازه وأنا أأجله000
وابليس يحن علي وأنا أتفل عليه 000انززلع يالتسلب000والله ماأطيعك 000عشان تهزأني الاداره اذبحوني ارصدي الدرجات 000وسلمي الأوراق غثووووني000
الموهيم وتجي السياره ومعي خوياتي الله لايخليني منهن 000ثلاث مدرسات واخصائية أشعه بالتخصصي>>>>اللي تبي واسطه والا شي أنا برسم الخدمه
اللي تعطيني باندول واللي تحط لي المخده انسدح عليها 000واللي تغطيني00وأنا أوووون >>>صورة عجوز مخرفه وأمراض الدنيا فيها
وأوصل المدرسه 000
وهم مامن ياميه ارحميني000يشوفوني تعبآآنه ويعطوني احتياط 000
اختبرت بناتي وأنا أتراجف جايتني قشطه000والله لو انهن غاشاات مادريت عنهن 000
وماانتهى الدوام الا وانا منتهيه معه
جوني صديقاتي وقالوا لي لآزم تروحين للمستشفى 00حنا مارينها مارينها عشان نجول بالتخصصي 00انزلي وسوي فحوصات0000
المووهيم 000
وتدق صديقتي أمونه على نجول تقول بنجيب Un!QuE G!RL عندتس مرتفعه حرآآرتها مره000 ونروح للتخصصي وتنزل معي أمونه ونجول تستقبلنا عند البوابه000
الا ورجاال وش كثرهم واقفين وواضح انهم شخصيات مهمه وتصوير وكميرات وصحفيين000
آثري وزير الصحه حمد المانع جاي000
والله وجهي خير على المستشفى يوم جيتهم وزير الصحه يجيهم000:D
العآآلم تستقبل وزير الصحه وحنا تستقبلنا نجوول00>>>>حسيت اني مهمه ذاك اليوم
وأقول لأمونه تكفين بنآخذ صوره معه 000بنقهر خوياتنا بنصير مشهورات
وهي تقول هذي اللي قبل شوي بتمووت الحين راح الوجع 00وتتلني مع علباي وأشوف نجول وأصآآرخ نجووول ياآآآتختر
حنا هنا شفتس00وتجي نجول مسرعه اسكتي فضحتيني 00المستشفى كلهم دروا انكن خويااتي وندخل مع نجوول
وهم اللي يآخذوني و يفكوني من الصنــقل و يعطونني رقم
المهم..
و أنآ اللي أخشش بعد تقريبن سآعه سآعه إلآ نص
وهي اللي تطلع الدختر زووله
المهم رغم الأحقآد و المشآحنآت اللي بيني و بينهم.. إلآ أنني سلمت حلقومي بيد ذآ الزوله ..
و هي اللي تدخل حطبه في حلقومي التسلبه !
أحطبه هذآ تسبرهآآآ عند الله > >>>>صورة وحده ماده كراعها من أول طريق الملك فهد لآآخره
و أقوومّ أزوع بوجههآ
إهي اللي تقول لي.. عنديك يآ زول إحتقآن شديد و تجمّع بكتيري هآئل جوّآت الزلعوم.. عآوز حبوبّ مصّ
و أنآ اللي أزعق عليهآ.. أتهبين يآ زوله يآ أم جلبآب مخنزّ .. آجل أنآ بحلقومي صيبآن يآ الزوله.. .. شوفي شعري قسمن مآ به شيّ و هي اللي تقول لي.. يآ زوله بكتيريا يعني سلآل بحلقومتس مو قمل.. و حبوب مصّ يعني دوىآ يآ دآآآآجه
و أنآ اللي أقووم أقبض دوآّيّ و أطلع
إلآ هذيك أم هنوود اللي تتلني مع عباتي و تقول.. آنتي سوي فهس هراره و زغط..
تقووم أم هنوود و تقلطني عندهآ في الاستراحه أقصد المختبر
و هي اللي تقووم تحط شي بعد ثآني في حلقومي
ذآ اللي فيه عودينّ وآحد أزرق وآحد أحمرر يصفر
تقوم تقوول انتي فيه هرآآره وآآآزد مرتفعه 40
تقووم تلف إيديني بخرقتن يآبسه لونهآ آزرق معلقه بسلك و السلك معلق بسآعه.. < مدري ورآه مسووين قصه << تقصد جهآزّ الضغط
مآ علينآ
و هو اللي أتفزرر علينآ الخررقه
و تنتفخ و تنتفخ
أقوول لها.. هيه يآ صخله .. تبين تقطعين يدي و اليمين بعد00عشان ماآكل طيب اقطعي اليسار عشان ابليس التسلب ماياكل معي
هي اللي تنتفخ زوود
و أقعد آتشهد.. و ام هنوود معطتني أشكل
و هو اللي يقوووم يفششش مرره وحده
تقوم تقول.. زغط منتآآآز مرره
و أقوول لهآآ
ينعن يومتس كذآ يمزحوون مع العرب.. بغآ يوقف قلبي يآ الهيسسه
وتحط سماعات على صدري وتسمع أصوات طق وطبول ورقص تسنه عرس بصدري
وتقول انتي صدر مره مافيه كويس هزا لآزم يحط بخآآر 000 وتسد أفمي بكمامة البخآآر00
تعقبين يالهيسه سديتي أفمي عشان ماأحتسي 000تبين الفكه مني
وتجي نجوول وتقنع فيني 000وأقول اذا انتي أوكي لكن هاالهنديه ما أبيها ريحتها اصرعتني00
وتبطني ابره مع ذاك شيسمووونه وآآآصارخ تسني أبو مساعد يوم يبطونه واتخدر عقبها 00
وتسوي لي فحوصات و تطلع فحوصآتي سليمه و الدمّ منتآز و أطلع من التخصصي بخمس أدويه من ثلآث إلى مرتين في اليووم
و ليوومكم ذآ مآ طب ولآ وآحد منهم بحلقي
و هذآني أربع قدآمكم كنّي حصآن
فمآن الكريم و أتمنى لكم دوآآم الصحه والعافيه كآنت معكم من جلبّ الحدث Un!QuE G!RL الملقبه بالعنقريزيه
مآ يستفآد.. <<غبببآر من زمااآن عنهااآ
*ماأصير زوله وكل يوم أأجل الاختبار
*ماأحط حلقومي بيد سودانيه
* صديقتس مو بس وقت الحآآجه00يبين معدنها وقت الشده
*وجهي وجه خير مو نكبه يابعض الناس والدليل يوم جيت المستشفى وزير الصحه جاهم
*قنآآآصه فديتس اشتقت لتس000شقووحه أنا مو زعلآآنه
وهالصوره أكبر دليل00 الله لايفرقنا
الله يقطع بليسك والله ضحكتيني من قلب
مشكوووووورة