كوبونات الراقية تسجيل الدخول

باقي فرح
باقي فرح •
هلا بكن خواتي

وهذا الجزء هدية لك يام جودي وسلامتك ولكل متابعين باقي فرح
باقي فرح
باقي فرح •
๑۩۞۩๑الحلقـــــــــة الحادية عشــــــــر ๑۩۞۩๑

فجأة ..

توقف الزمااااااااان والمكاااااااااااااااان

لا مستحيل اللي اسمعه....اكيد انا اتوهم...

هيفاء: وووووااااااااااااوووو ...
لا مستحيل اصدق ياخلود..
كل هذا بي اناااااااااا
خلود: وانتي رخيصة عليّ..
لو الود ودي الفت فيك دواوين...
هيفاء بصرخة: ياحظي..ياحظي يانااااااااااس..
خلود: ههههههههههه ياحبيلك..
شكلك للحين ماتعرفين قدرك عندي!!
هيفاء: عارفة والله..بس مو لدرجة ان باقي فرح..
تخصص مقالة كاملة عني..
لا هذا كثير كثير علي ياباقي فرح..
خلود: لا والله..لو فتحتي صدري..
كان شفتي المشاعر اللي عجزت اترجمها على الورق..
هيفاء: باقي فرح تعالي..
ابخمك..واحبك..ياقلبي..واخيرا رجعتي لي...
خلود: سامحيني ياهيفااااااااااء..
هيفاء: انا لو ازعل من روحي..مازعلت منك..
انت باقي فرح..اللي انجرح..بس على احزانه نجح..
خلود: ااااااااه ياهيفاااااااااء..
مدري وش اقول تخونني الكلمات...
هيفاء: وشلون تخونك وانتي كاتبه كل ذا بي..ياسعدي ياناس
يعني بكرى الناس كلها بتدري اني رفيقتك
واني اقرب الناااااااااااس لك...
وااااااااااااو ياحظي..لا هالمقطع هذا احلى شئ..

ابيك تعرف كيف اموت بكل لحظه من غيابك..
وابشكي لك...
مــن احزاني...
مــن آلامي...
مــن جروحي..
ومــن هموم تهد جبال وساكنه بروحي
ومــن لحظات تمر ثقال من غيرك..
ولاادري ليه لاضاقت بي الدنيا ..
ما أتذكر احد غيرك
وبأني ودي احكي لك ..

وااااااااااااااو ياجعلي فدااااااااااااك ياخلود..."


~~~~~~~~~~~~~~~~~~~~~~~~~~~~

وقفت ..

مستحيل اللي قاعد اسمعه..
اكيد هاذولي...
يحلمن انهن بيصيرن زي باقي فرح
...لا مستحيل...
غصب عني وقفت بالدريشة دام الموضوع فيه باقي فرح
مقدر اصبر..ابشوف وش يقولن عنها

كانت خلود قبالي ...
اما هيفاء معطتني ظهرها...لاتخافون اللمبة مطفية..
والدنيا ظلالالالام..بس وقفت بتاكد..
وش قاعدات يقولن عن باقي فرح....

طاحت عيني عليها....
اااااااه...
ياربيه شكلي مازلت احلّم..
منزلة وجهها..
وخصلة من شعرها الطويل
المنساب
على كتوفها ورى اذنها..
مندمجة تقرا اللي بين يديها..
مادرت ان فيه عيون تراقبها..

تبون الصراحة ..
للحظة نسيت باقي فرح
وانشغلت بخلوووووووود!!!!
انبهرت بجمالهااااااااااااا ورقتهاااااااااااااااا

اوووووووووه ...
معقول هاذي بنت عمي..
مستحيل..انا اذكرها كانت حلووووووة
بس مو بهالشكل الحالم الناعم...
كلها رقة وعذوبة ..

بدا قلبي يرقص..بقوووووووووة
واحساس غريب غطى مشاعري...

مدري ليه..!!
مدري...انبهرت بخلود...
والا انبهرت بطاري باقي فرح!!!
والا ..بالثنتين ان خلود هي باقي فرح!!!

تمنيت اكون هالكاس اللي بيدها ..
واسمع كلامها..
معقول هي باقي فرح!!!!

صحيح اني في يوم تمنيت اشوف من تخاطب...
ومن حبيبها اللي غدر بحبها..
وخلاها تبكي دم..

ومادريت ان حظي الحلو خلاني اشوفها
هي بجمالها ودلالها ونعومتها.....

تعال فارس..
انت على طول صدقت..

مستحيل..تصير خلود باقي فرح..
مابقى الا هاذي..
باقي فرح..
غير البشر..
غير الناااااااااااس..
ملكة المشاعر والاحساس..

بس لحظة..

كلام هيفاء عن خلود..وانه صار شئ..
سمعتها تقول باقي فرح
قد انجرح..بس على احزانه نجح..

وسمعت خلود..تقول سامحيني..
وش السالفة..

دخلت يديني بين خصلات شعري..
وانا اشد عليها بقوووة..مستحيل..

هزيت راسي..
ماااصدق انها هي باقي فرح..
زي اني مااااصدق انها هي اللي قدامي...


يتكلمن بمقال بكرى..
وانه رسالة موجهه من خلود لهيفاء..
وهيفاء قرت مقطع منه و انطبع ببالي ..
ااااااااااه متى يجي بكرى واشوف واتاكد..

ان كانت خلود هي باقي فرح...

اااه لو طلع صدق ...
بذبحك ياهيفاء..
عااااااااارفة ومخبية عني يالحماااااااااااااااارة...
لا وفاعدة تجمع مقالاتها!!!!

عااااااااد ويش يصبرني لبكرى...
شكلي ابروح اعسكر من الفجر
عند مبنى جريدة الريااااااااااااااض...
باقي فرح
باقي فرح •
******************

الخميس
نواف

*******************
على اذان العصر ..
ضفينا العفش بنرجع من الثمامة خلاص..
على الرغم من حرارة الجو ..
الا هالكشتة هاذي لها طعم خااااااااص
خصوصا..انها هجة من الامتحانات..

ركبت بسيارة احمد الجيب..مكان السواق
ركب احمد جنبي..قلت: عطني المفتاح..
احمد: هاك..الله يعافيك مالي خلق اسوق!!!
ابتسمت وقلت :ابشر انت بس استمتع
بالرحلة ودع القيادة لنا..



وبديت المهمة...
وهاك ياتطعيس..وتطعيس..بهالنفود الذهبية
وذرات الرمل..تتناثرمن حولنا بكل جنون..


..واحمد..يصرخ علي..
احمد: نوااااااااااف,,,,بس!!! يامجنون..بتذبحنااااااااا
نواف: ههههههههههاي..لاتخاف منتب ميت قبل يومك..
مسك احمد ذراعي..وشد قبضته
احمد:يامهبول... ولاتلقوا بايديكم الى التهلكة.....
نزلني..مت بلحالك..بركب مع ثامر...
نواف..وانا اتلثم..:الا قل خايف يالدجاجة...!!!
ابد ..ماعليك الا العافية..
بس اربط الحزام..


وضغطت على البنزين..
وانا مستانس على شكل احمد
ميت من الخوف..
متمسك بالعلاقة اللي فوق الباب..
ووجهه اصفررر...وعيونه زايغة..
وراز السبابة بس يتشهد..


احمد بذعر: تكفى تكفــــــــــــــى يانواف نزلني..
مابي اموووووووت..


حبيت ازيد خوفه..صراحة شكله رهيب لاخاااااااف
نواف: انت وش بلاك..همانا اخويا..خل نموت سوا...
احمد: لاوالله ماعرفك..ولاانا بخويك..
كان الدعوة كذا..نعنبوك..شف الجيب يمشي
على كفرين بس..حرام عليك..ارحمناااااااااا...



يوم شفت الدعوة كذا..
وميريركبني ابليس ..قال يالله يانواف وروه الموت الحمر..
وابدا اتفنن بهالحركات..وهات ياتسييف ومطامر
ياما رقينا الطعس وياما طبينا ....
ومرة يمين السيف ومرة ي****....


وصراخ احمد يخجر اذاني..
دورت..بالاشرطة ابي اي شئ يخليني ماسمع صوته
نواف: ماعندك شريط..اي شريط اغاني...
ايه هذاني لقيت واحد..ولو انه بايخ..بس احسن من صراخك..


لكن احمد بسرعة ..طلع الشريط وجدعه مع الدريشة..
احمد: لاوالله..بعد تبي تذبحنا وحنا نعصي الله..
ونسمع غناء..نواف..والله لاازعل عليك..
ان ماوقفت هبالك هالحين..تراي حلفت..حلفت يانواااااااااف

نواف: همانا نبي نموت..مايمديك تزعل..

ووقفت السيارة..شكل احمد ..زعل بجد..
على طول نقز احمد..من السيارة..واااشر لثامر..


نزلت ..ولحقته..
نواف: افااااااا..يابوحميد..وش هالخيانة..
يعني بتخلين..وبتروح معهم
احمد..من غير مايلتفت لي: والله مابعت عمري..
واركب معك يالمهبول..بعذر خالي سعود يوم يعي عليك..
تكشت..مير النوبة توبة..عرفنااااااااك..كود مايصير معك جيب..
نواف: لاخلاص..حلف..ماسوي شئ بس انت تعال..
رجع احمد..وهو يتحلطم ويهووووش..


تدرون..
كل هالهبال..
وهالكشتات..
والتطعيس..
كلهاااااااااااا

هروب...من جحيم ابووووووووي..
هالحين راحت السكرة..وجت الفكرة..
على اذان المغرب..وصلت البيت..
نزلت وودعت احمد....وهو راح
دخلت ..مالقيت احد..
تنهدت...كلما تاخرت مواجهة<<او قولوا هواش ابوي..
كلما زاد الضغط علي..

دقيت على خلود...
خلود: هلا نوااااااف..الحمد لله على السلامة
نواف: الله يسلمك..وينكم
خلود: اليوم خميس..يعني عند امي لولوة..الا مانتب جاي..تراها تنشد عنك!!
نواف: الا اكيد بجي..الا........عمتي فاطمة وعيالها..جايين!!!

..مدري..وشلون نط هالسؤال!!!:00009:

مافكرت بعمتي ولابعيالها.........ولاباريج!!!!

خلود: ايه جايين..اقول نواف...وش الغلا اللي
طب على عمتي فاطمة..مرة وحدة

نواف..بارتباك: عمتي..اذا مااغليت عمتي..من..
قاطعتني: علينا..طيب شيخة وهدى مهيب عماتك..!!
نواف: اقول عااااااااد..اقلبي وجهك..تراي تعبان..بتحمم وبجي اسلم على..
قاطعتني خلود مرة ثانية: تسلم على عمتك فاطمة وعيالها..عرفنا..يالله
بقولهم يتجهزون..سمو الامير..نواف بن سعود..جاي بالطريق..اوامر ثانية..

نواف: ايه..اقلبي وجهك..
خلود: انت اللي داق!!
نواف: طيب مع السلامة..

وسكرتها..رفعت راسي..
وناظرت وجهي بالمراية..شفته احمر!!!
يالهوي!! ماهزا يانواف!!!
اوقعت بالحب..غربل الله بليسك!!!

لا..هالحمار((اللون الاحمر))..من الحر..
اللي يسلخ الجلد اعوذ بالله..
ايه اكيد..والا انا وجه..احب!!!

رفعت راسي..مرة ثانية..
وتاملت وجهي..
وانا اقول..وليش لا!!..
هنا "واشرت على صدري" فيه قلب ينبض!!!


~~~~~~~~~~~

وقفت قدام بيت امي لولوة ..ناظرت روحي بالمراية
والله وش زيني..حتى لو اني اشهب
هذا اللي ميزني..
"مالك الا خشمك ولو هو عوج"..

هالحين..لاتكون خلود..
قالت لعمتي والا اريج..شئ..
ياويلها..والله لاذبحهاااا..

تنهدت..مدري وش بلاه هالقلب قام يرقع..
نواف..اعقل تكفى مالي خلق..
خرابيط الحب والغراااااااام..
عساي اصبر على عشق البر والكشتات..
طيب..لو شفتها!!!
وش بيصير!!!..
بينخرش هالقلب..والا بيصير عادي..

هزيت راسي..لاالله والعالم..
انك مصخن يانواف..داخلك برد..
انا قايلن لك امس..هالبطانية ماتسدك بس ماصدقتني..

نزلت..وانا انفض اي شئ يخص اريج من راسي..
دخلت البيت..
ولقيت الشباب..بالخيمة..
سلمت عليهم..وهم يعلقون..وش عندك كاشخ..اليوم!!
مارديت عليهم..
وش اقول بسلم على عمتي فاطمة..وعيالها..
نواف: وين الناس؟؟
سلمان: ورى حنا جن!!!
نواف: انت الجن يتبرون منك اعوذ بالله..
سلمان: هين عاد..هم يحصل لهم يصير سلمان بن سليمان منهم..
شف ترى بغير اسمي..بصير..الجني الحمر..
التفت وطاحت عيني على فارس..طاقن هالهواجيس..وراااااااايح فيها
نواف: هيه..فروووس..اللي ماخذن عقلك يتهنا بوه!!
فارس:.................
قلت لسلمان: هذا وش بلاوه..اكلمه مايرد عليّ...
سلمان: هههههههههههه ..هذاك الجني العاشق..

من جاب سلمان طاري العشق..
وانا سالفة اللي ببطنه ريح مايستريح..
بسرعة قلت: فارس!!! فارس عاشق!!!!
سلمان وهو يمسك شاربه: انتف هالشنب كانه موب عاشق...
وقام يصفق..ويعرض..وعويشيق عسى الله يعينه..***7***


نواف: بالله صدق..ومن عاشق ...لاتقول باقي فرح..


فارس..من سمع طاري باقي فرح..
بدا يشتغل عنده الارسال
هههههههههههههههاي
فارس: وش بها باقي فرح!!!!!!!!
نواف: سلامتك..تسلم عليك..الا الجني الحمر..
يقول انك عاشق..ويراهن على نتف شنبه!!!!!
فارس: منهو!!!
نواف: انت وش بلاك ..من الصبح..
وحنا نحش بك يالجني العاشق..


فارس: اناااا..عاشق!! ومن هالخطير..اللي اكتشف الذرة..
سلمان وبكل فخر: وفيه غيري عاجنك
وخابزك ياعويشيق..يالله انكر!!
اتحداك كان الموضوع مابوه باقي زعل...
فارس: سلمان لاتجيب طاريها على لسانك فاهم..!!!
سلمان:ويقول من اللي مكتشف الذرة....ياشيخ..
انتف شنبي كانك مانتب عاشق..ومغرم ..يالليل ...
فارس: بلاك كثر هالشنب...الا انتف هالشوشة
اللي تقل شوشة بنت!!!
سلمان يهز شعره: الغيرة تذبح يافروووس..
نواف:اقول فارس..تعرف..
قاطعنا فارس بصرخة قوية..
فارس:انتم ماتعرفون تنطمووووون!! الله يغثكم..
قطعتوا حبل افكاااااااااري..
سلمان: لا دام الدعوة بها حبال..
فالرجال غاااااااارق..بالحب..
الا ماقلت لنا..منهي اللي مربطها بهالحبال!!!
لاتقول باقي زعل!!!!

فارس..شكله متضاااااااايق..مررررة..
وسلمان صراحة يستفز الجدار..
طلع فارس..من الخيمة..وطبعا..مايحتاج
اقول لكم ..الجريدة بيده..

نواف: صدق وش بوه..شكله مرة متضايق!!!
سلمان: حذرته من العشق بس مايسمع
الكلام..وشف اخرتها..
"وقعد يغني..هالخبل"..حبك عذااااااااب..

معقول الحب يسوي كذا؟؟:

ابحر بي زورق افكاري..
على شطان الحب..لارسو على مرفأها..
احقا هو الجنون!!..
ولكن مالي سلطان على قلبي المفتون..

بلعت ريقي..عساني مااطيح بلسان هالسلمان..
والله ان تصير فضيحتي بجلاجل..

نواف: وين ابوي وعمومتي..

سلمان: عندهم اجتماع مغلق..وممنوع اصطحاب البزران!!
تفهم..انطق بذا لما يقضون!!
نواف: بروح اسلم على امي لولوة ابرك من مقابل وجهك...

وطلعت ..من الخيمة..وشفت فارس..جالس يقرا الجريدة..
بالحوش..وغاااااااارق في لجة افكاره
وش علته اليوم..هالفارس!!!!!

تنهدت..وانا وش دخلني..

دخلت البيت..وناديت..يااااااااااولد
محد رد..
نواف: ياولد..يمه ..بشااااااااااير..
جت بشاير تركض هي وقرونها: نعم..
نواف: بشوره شوفي في احد داخل..
قولي لهم يتغطون بدخل اسلم على امي لولوة..
بشاير: مابوه احد..ادخل..ودخلت وخلتني...

^
^
^
دخلت..على كلام بشاير على انه مابوه احد.......
فجأة...
















وصلتني صرخة بشاير
وقف وقف وقـــــــــــــف يانواااااااااااااف
مابعد تغطووووووووووووا....




رجعت على ورى..وانا قلبي ينتفض!!!
لاتكون اريج اللي ماتغطت!!*
حسبي الله عليك يابشاير كان خليتني اكحل عيني بشوفتها...
اااااااخ منك ..



نواف: ادخل..والا لا!!!
بشاير: ايه هالحين تعال...
تفاجات ان الصالة مابها الا بشاير وامي لولوة
وشي ملفوف بجلال الصلاة..
شكل امي مانتبهت لي
امي لولوة: هدى..عندك هالقرودة..
لعبوا بجلال صلاتي..اها يابشاير ..يالعجوز..
خلي الجلال..هذا موب للعب..قومي..طسي
بشاير: يمة ..وراك الله يهدييك..مايصلح يجي نواف..وغلا ماتغطت..
قام الشرشف يهز..وطلعت يدين صغيرة..وهي تحاول تفك الحصار..
بشاير: غلا وعمى..ماتستحين ترى نواف بيشوفك

هالحين هالصرخة عشان غلا..
عضيت شفايفي من الحمق..وقمت فكيت الجلال عن غلا..
نواف: تسوين هالحركة مرة ثانية والله لاقص يدينك..
امي لولوة: هذا انت يانواف..ياهلا والله بوليدي..تعال يايمه..حرااااام عليك..
تقل مالك ام..لاتنشد عن..ولاتزورن ياكافي..وليتك مانتب اغلى عيالي..
خميتها..وحبيت راسها: سامحيني يايمة..والله اني مقصر
امي لولوة..ضغطت على يديني..: وشلونك..عساك مرتاح..
هزيت راسي يعني ايه..
امي: ياوليدي لااوصيك على ابوك..ترى ماله غيرك..دور رضاه..الله يرضى عليك..والوالد مايبي بهالدنيا غير سعادة عياله..
مدري ليه..حسيت بخوووف..
وكاني بفقد شئ غالي على قلبي..
نواف: ان شاء الله يايمه..ابوووي بعيوني..
امي: فرحه بالدراسة وبالشهادة..خله يفتخر بك!!!
وانا امك..الله يفرحك بعيالك يارب

ماقدر اوصف احساسي..بكلام امي..
اللي جاء على قلبي كطعن السيوف...
اي فخر..واي سعادة ..يرجيها ابوي مني..
وهو دايم يقول لي: انا مايشرفني تصير ولدي!!!
هالكلمة اللي قالها لي..حطمت كل شئ بنفسي..
تنهدت..الله يعيني يايمه..الله يعيييييييين..

حسيت بارتخاء قبضة امي عن يدي..
رفعت راسي..وشفت عيونها
تسكر..بشويش..حتى غابت تماما..وارتخت يديها..
وقف قلبي!!!!!!!

يمـــــــــــــــــــــــه
يمــــــــــــــــــــــــــــــــــــــه
ردي علي تكفيــــــــــــــــــــــــــــــــــن

جدعت راسي..على صدرها..وطاح شماغي وعقالي..
وانفجرت اصيـــــــــــــــح...

الا انتي يايمه ..
جيتك ضايق من دنيتي..
جيتك يمه بشكي لوعتي..
بشكي جور الزمان..
وضيم ابوي..
لقيت دمعة عيونك التعبانة..
لقيت روحك علي عتبانه..
وتوصيني على ابووووي
وتبيني للوفاء..اصير عنوانه..

حضنتها على صدري..ودموعي..تبلل خدها الطاهر..
وانا اهز بكل ضعف..الا انتي يايمة..طلبتك لاتخليني

حسيت بحد يهز كتفي..
هدى: نواف..هذا انت!! وش بك!!
نواف: هدى..امي..
قاطعتني: نواف لاتخاف..امي بخير..هذا العلاج يخليها تدوخ وتنام..
نواف: لا..توها..تكلمني..وسكتت فجأة..
ضحكت..هدى: طيب المس صدرها..شفه يتحرك..
شفها تنتفس..امي ماماتت
مدري..وشلون..مانتبهت لانفاسها ..
يمكن خوفي من هالشئ..خلاني اتوهم رحيلها باي لحظة
بس ابتسمت...
وحسيت بالفرررررحة ..تشيل روحي..
ورفعت يديني للسماء..


ليتني بالصحه يايمه افداك
وابعد عنك التعب والهلاك
وليت العافيه ثوب يكساك
يدفع عنك ماصابك وبلاك
انتي من ربي لي ملاك
على صورة بشر سواك
ادعي ربي يرزقني رضاك
و بالخير والصحة يرعاك
باقي فرح
باقي فرح •
**********************

الخميس
فيصل
8.40 ليلاً

**********************


موقف طارق ..ضايقني..ماله حق..
يقول اللي قاله..وبهالاسلوب الجارح..
الله يهديه..هدى بها اللي كافيهاااااااا...
وبعدين..ليش معصب على مشاري...
بس عشانه زوج عفراء اخت المدام؟؟
((هاه يا رسيل..صح عليك ..زي ماتوقعتي..ياخطيرة))

وخايف على مشاعر عزيزة ..
طيب مافكر بمشاعر هالمسكينة!!!
الله يهديك..

بس الحمد لله ..هدى..ماخذت كلامه..
وماغيرت رايها عن مشااااااااااااري..

مااقدر اوصف لكم فرحة مشاااااري بموافقة هدى...

حسيت به صدق يبيها وشاريها..

لكن فجاة ..
مر بخاطري خالد..
هو بعد..في يوم من الايام ..
اظهر لي زي مااظهر مشاااااااري واشد..
وشف النتيجة!!


مدري ليه..قلبي موجعني عليهاااااااااااااااا

***132***

دخلت البيت ولقيت اخواني وخواتي
مجتمعين عند امي..

تنهدت..زين ..جابهم الله افتح معهم الموضوع..

دخلت الخيمة
وانا ناوي احط النقط فوووق الحرووف

فيصل: ابوفهد وابو نواف...ممكن تجون لغرفتي...
ابو فهد: تكلم ماهنا اجناب..هذا سليمان وسعد..
عصبت عليه...يعني لازم يحرجني قدامهم..
فيصل: ادري..والنعم فيهم ...
بس الموضوع اللي بكلمكم عليه حساس..
قاموا اخواني...ولحقوني لغرفتي...

صكيت الباب وراي..وانا اتنهد..

شلت شماغي وجدعته على الكرسي..

وقلت لهم : ترى التقرير النهائي لحالة امي وصل.....
ابونواف بكل خوف: بشر طمننا وش قالوااااااا...
نزلت عيوني..فكرت..بعدها قلت: للاسف حالتها..حرجة جدا..
ابوفهد يصرخ بي: طيب ليش ماتبدى بالعلاج..
ليش ماندخلها لمستشفى الملك فيصل
التخصيصي..وش تحتري..

فيصل: مااحتري الا عرس..هدى..ونبدى جرعات الاشعاعي..
ابو نواف: وش دخل عرس هدى...
فيصل: بزوجها..وبسافر بامي تعالج بامريكاااااااا...

قاطعني ابوفهد: امريكاااااااا!!!! انهبلت انت..
فيصل: عن الغلط ياعلي..
سعود: وليش بامريكااااااا..وانت عارف
تشديدهم وقوانينهم..عقب احداث سبتمبر..
وبعدين وش ناقصنا هنا..التخصصي..من ارقى
المستشفيات بهالمجال..
فيصل: ادري..بس ابي اعالج امي بامريكا..
علي: يعني عندك زود دراهم..وبتفسفسها..

وقفت وقربت من علي وانا اقول..
فيصل: اموال الدنيا..ماتسوى قطرة عرق..
من جبينها الطاهر..
علي: لا اكيد انهبلت انت..يوم هدى بتسافر..
سويت لنا مظاهرات
واحتجاجات والحين بتشيل امي ووين لامريكااااا...
فيصل: فيه فرق بين موضوع امي..
وبين موضوع هدى...
علي: لاتضيع السالفة..خن ندخل امي التخصصي..
والدراهم اللي بتعطيها بوش
حطها بمخباتي..اصرف..كانها مضيقة عليك..
فيصل: قضيت!!!!
علي: ايه قضيت..من بكرى بدور احد يدخلها المستشفى بسرعة..
فيصل: انا قلت بسافر بها..تفهم!!
سعود: الله يهديك يافيصل..
ترى التكاليف مهيب بسيطة..
فيصل: لا تخافون..مانيب اخذن منكم قرش..
ولافلس احمر..انا بس اعطيكم خبر..
والا انا بس عوقي ازوج هدى وامشي...
علي: يعني هذا اللي عندك!!!! تشاورنا وتعصينا!!!
فيصل: انا ماشاورتك بمصلحة امي..امي فوق الكل..انا اعطيكم خبر
اني بعالجها بروحي ..وبدمي..ومايغلى عليها شئ..فهمت قصدي ياعلي!!!!

علي: الشرهة مهيب عليك..
الشرهة على هاللحية..يوم اسمع كلامك ..
انقلع سو اللي تبيه...
بس ياويلك بكرى تفتح اثمك بحرف..
تذكر انك انت اللي تزهلت للموضوع..
وانا شلت يديني منه..
***124***
وطلع وصفق بالباااااااااااااااااااااااااب...

سعود قرب مني ..وحط يده على كتفي: فيصل الله يهديك..
مهيب مسالة
اننا نبي نبخل على الغالية ..بس ..وشوله
..والتخصصي..من احسن المراكز..

فيصل: سعود ..تكفى..هناك فيه اكبر مركز متخصص
لعلاج مثل حالات امي..
سعود: طيب ..واللي عندنا مابوهم قصور..ليش مصرّ الا هناك..

فيصل: تكفى فكوووني..ابسافر بها ابسافر..مابي تروح
من يديني وانا احس انه كان بيدي شئ اسويه وماسويته..
هذي امي ياسعود ..تعرف معنى امي..

سعود: وبعد امي!!!
ناظرته..امك!!..ايه ..الله يسامحكم!!
***132***

فيصل: زين ياسعود..خل الموضوع بيننا..لايطلع لاحد..خاصة هدى..
عارفها لو درت بالموضوع بتكنسل العرس
عشان تصير مع امي..
سعود هز راسه..وطلع ..


طحت على سريري..

وانا اسمع دقاااااااااات قلبي..

اعجز اوصف لكم احساسي هالحين..

..الم..حزن..قهر..خوف مدري ..بس احساس مؤلم يطعنني هناااااااااا بصدري..اموووووووووت ولاتموووووووت امي...

غمضت عيوني..ارجوك يادمعتي طلبتك..انزلي وريحيني...
***53***

بس للاسف ..حتى دموووووووعي عاندتني...

غطيت عيوني بيديني..ابي ارتااااااااااااااااح..


ابي افتح عيوني والقى امي بصحة وعافية..
ابي شبح الموووووووووت يغيب عن هالبيت........
ابي هدى تتزوج وتنسى خالد ولندن ويجيها
عياااااااال وتستقر وتفرح بدنيتها
ابي خلود تتزوج ونجود تتوفق..وفهد تتيسر دراسته...
ابي طارق ربي يوفقه بوظيفته الجديدة ..
وسلمان وفارس يتزوجون..ويستقرون
ابي نواف واحمد وسارة ينجحون من الثانوية
ويجيبون نسبة زينة تدخلهم اللي يتمنونه..
ابي كل واحد بهالدنياااااااااااااا يرتااااااااااااااح
ويفرررررررررررررح
وانـــــــــــــــــــا...
وش بك انت يافيصل؟؟
وش تبي؟؟

ابي اغيب عن هالوجوووووووووووووود..بكل هدووووووووء....
باقي فرح
باقي فرح •
************************

فارس
الخميس

**********************


مستحيل اصدق...
فركت عيووووووووني..
قلبت الجريدة فوق تحت..
هذا المقال بين يديني..وهذي باقي فرح تقول..

"الى رفيقة طفولتي وصبااااااااااااااااااي
الى من علمتني معنى الصداقة
الى من اجد
في حضنها ملجاأ يحميني
وفي قربها نبع يسقيني
اليك .هـ. ع. مع التحية

وش يعني هـ. ع يعني هيفاء علي...
يعني اختي هيفاء..يعني الكلام اللي سمعته امس ماكان حلم..
ولا خيااااااااااااااااال..يعني باقي فرح بشحمها ولحمها
كانت امس ببيتنا..يعني باقي فرح هي بنت عمي سعود..

يعني باقي فرح هي.....


عقب ماشفتهاعرفت ان قلبي
خفق بحبها وصــاح بغــلاها
غلاها يزود مع زود اللــيالي
وبـاع الـناس قـلبي واشتراها
وأحـسد الـجريدة لا مسكتها
أخـاف أنـها تشاركني غلاها
وأحـسد الـريح لا حرك شعرها
وأحـسد عـيون غيري لا تراها
وأغـار من القمر لا شع نوره
خذت نور القمر واصبح ضواها
وأحـسد الشمس لا بانت عليها
أشـعـتها تـسبب فـي أذاهـا
وأحـسد الأرض لا داست عليها
أثـر خـطواتها تـحيي ثـراها
وأغـار مـن الـنجوم إليا تعلت
وشـافتها وعـيني مـا تـراها
واغـار مـن الـخواتم في يديها
وسـاعتها وكـل الـلي مـعاها
وأغـار مـن القلادة في نحرها
وأغـار مـن الشعر لامن كساها
وأغـار مـن الـقصيدة لا قرتها
ولـو هـي قصتي واشكي جفاها
آلا يـا مـن يـساعدني عـليها
يـوصلني هـوى النفس ومناها
عـجزت أعالج جروحي بروحي
جـروح الـقلب ما تشفى بلاها

*منقول لكن بتعديل وحذف واضافات وضرب وقسمة ههههههههه*

بس سكتت..

فجأة..

وميض في راسي كالبرق..
اجل..لمين كانت تلك القصااااااااااايد..
وذاك الغزل والحب..

معقول خلود تحب...لا...
مستحيل بنت عمي تسويها....
خلود..اعقل بنات العايلة
اكيد كانت تتخيل عشان تكتب؟؟؟
الا اكيد..عشان تحس بالمعاناة!!!

جلست بالخيمة..ببيت امي لولوة...
احس الافكار براسي تتصااااااااااااااااارع...
احس ببركان ثائر بصدري..احس بنار الغيرة تحرق جوفي
احس اني بمتاهه..بكهف..ماله اخر...
عرفت الحين ان باقي فرح
هي خلود!!!!

بس الشئ اللي محيرني..
وشلون عمي يرضى لها تكتب!!!
غريبة..صحيح كتابتها ابدااااااااع..بس!!
وشلون يرضى لبنته تكتب عن حبيبها..معقول عمي يرضى!!

معقول تغيرت نظرتي عقب ماعرفت من تكون!!!!
بس يمكنه مايدري!!
اكيد..شكلها تكتب بالدس والخفاء..
ومايعرف هالشئ الا هيفااااااااء!!!

طيب ليه سكتت هيفاء وماقالت لي ...انها خلود!!
وخلود..هل تعرف اني متابعها بكل شغف!! وحب واثارة!!
وش قلت حب!!!


تعال فارس..وشلون تقولها!!!
لا ..انا اقصد حب كتابتها..ايه هذا قصدي
موب حب شخصها..الا اكيد..هذا اللي اعنيه..

جرتني الذكرى لاول مابدت تكتب في الجريدة..
تقريبا قبل ثلاث سنوات
يعني كانت بثاني جامعة!!!
واذكر معظم خواطرها كانت حول شئ واحد..!!!

كان هناك حبيب ..!!

ايه ...باقي فرح..
كانت تكتب لحبيبها ..
تناجيه كل ليلة ..

تبثه شوقها وحنينها الى قربه الى قلبه...
مستحيل كلامها يكوووون خيال...
كانت تتكلم من قلب..وقلب محروووم...
متلهف..عطشان..في صحراء الغراااام...

وفجأة..

تحولت كتابتها الى الحزن الشديد..
والالم ..والدموووع..


حتى اني قلت اكيد عمي فيصل نضلها....

وصارت تتكلم عن الخيانة...
وعن حبها المغدور....

حتى اني اتذكر تماما ..
اول مقال لها ..
كان قبل شهر تقريباً



انا متاكد ان باقي فرح
مررررت يتجربة قاااااااسية...
خلت كل هالحب يتحول الى عتب..والم ..وهم
بس وش اللي صاااار..!!
ماذكر مر شئ على بيت عمي سعود !!


مصايب..طعووون وغدر...!!
من يكون حبيبها!!!
عشان اشرب دمه!!!
وانتقم لباقي فرح..!! وانتقم لقلبي!!!
من يكون يافارس!!
احد من جهه خوالها اللي بالشرقية!!!!
ايه..يمكن..حتى اذكر مرة كتبت عن حبيبها..
"الى من رحل الى الشرق..تاركني اصارع لوعات الشوق..
لوحدى..لتحرقني شمس نجد!!!!"

يعني حبيبها رحل..للشرق!!
بس لو كان من خوالها..وشلون تقول رحل..
هم اصلا من الشرقية..وساكنين هناك..
هزيت راسي..لا..وش السالفة..ابي اعرف!!!
امووووت واعرف..منهو حبيبها!!!


ضربت راسي بيدي...
راسي بينفجر..
مالي الا هيفاااااااااااااااااء

هي صندوق اسرار باقي فرح..

ابسالها..من اللي طعن خلود..
وجرح قلبها واحساسها..
ابجرحه..لا والله بطعنه..موب بالظهر
بالصدر...
عشان يفارق الحياااااااااة..
وترجع لي باقي فرح..طيرا في فضاء الحب صدح!!

بس ماتوقع هيفاء بتعلمني
بعدين ...
بتسالني وش دراني!!
ان خلود هي باقي فرح
وش اقول لهاااااااااااااا

لا

فكر بطريقة ثانية...يافااااااااااااااارس

~~~~~~~~~~~~~~~

: هاه بشر ...بنت والا ولد؟؟
فارس: نعم؟؟
سلماااااااان: خير وش عندك ..تبرعص تقل بتولد؟؟
فااااااارس: الله يقطع شيطانك
وانت مجرب الولادة والا شايف احد يولد ..الله يرجك يالخبل..
سلمان: الا والله شايف..احد يولد
فارس: قل والله..قسم بالله انك منسم
سلمان: والله ...شايف بسة بالشارع تولد...
مسكينة رحمتها اهي اهي اهي..وقام يفرك عيونه ايقاله يصيح..

اااااااااه ..على قلبك الخالي من الهم ياسلمان..
ااااااااه لو تدري بالنار..المتاججة بصدري..
اه لو تدري..ان خلود..هي باقي فرح..اللي ازعجت العالم بهاااااااا
اااه والف ااااه..ورحلت بافكااااااااري..

لحد ماوصلني صوت..اخوها...نواف
نواف: هيه..فروووس..اللي ماخذن عقلك يتهنا بوه!!

والباقي عرفتوا وش صار!!!
من سالفة الجني العاشق..الى سالفة نتف الشنب!!!

طلعت من البيت ابي اطلع الحرة اللي بقلبي..
خلود..هي باقي فرح..وهي تحب..!!
لايكون تتخيل!! قل كذا وارتاح يافارس
لالالالالا
انا احس مشاعرها صادقة..اسمع نبضات قلبها لما اقرا عباراتها
مستحيل تكون تتخيل..ااااااه منك ياخلود!!!

يعني مايفصل بيني وبينك ياباقي فرح الا جدار!!!
يعني صرتي من لحمي ودمي..وبنت عمي!!!
لالالالا..مو معقول..يافارس!!!

اكيد انت من كثر ماتتمنى صرت تتوهم!!!

ركبت سيارتي...عجزت اشغلها...
الافكار توديني..وتجيبني...
من يعطيني الخبر الاكيد عنهااااااااااااااااا
هالحين عرفت من تكون باقي فرح
باقي اعرف الاهم!!!

منهو حبيبها الغااااااادر!!!


خلود كانت تحب..طول عمرها..
كان في قلبها عشق لشخص ما..
وقبل شهر..
نزلت مقالها طعنة غدر....
وش اللي صاير قبل شهر...

تذكر يافارس..

حطيت يدي على جبهتي..

قبل شهر..
قبل شهر..
قبل شهر..
وطعنة بالظهر

ايييييييييييييييه بس

واخيراً لقيتها....

******************
نهاية الحلقة الحادية عشر
عاد لا اوصيكم الله الله بالردود والتوقعاااااااااات

محبتكم بلااستثناااااااااااء
باقي فرح