بااااااااااقي فـــــــــــــرح
يسلموووووو
عـ الباااارت الجديد...

بس ياليـــــــــــــــــــــــــــت
تنزلي لناا
اكثررررر
من باارت
باليوووووووووووووم
والله
انـــــــي تحمست مع القصـــــــــــــــــه..

يالله يالغلا
لالالالالاتطوووووووووووووووووولين

هلا خواتي


اشكركن وهذا الجزء بين ايديكم

الحلــقــة الــثالثة عشـــــر

**************
الهنوف
**************

التفت علي سلمان..وابتسم ابتسامة ماااااااكرة
سلمان: مع اني توي معبي كفرات سيارتي هواء..الا اني موافق بس بشرط!!
رديت بسرعة ماصدقت سلمان يوافق...
الهنوف: مايخالف..موافقة على كل شروطك!!!
سلمان..تسند على الباب..وابتسم..وعيونه تلمع بكل خبث..
سلمان: الشرط موب لك..الشرط لمشاعل!!!
الهنوف: لمشاعل!!!!! خير!!! والله عمنا يمووووون..
هز كتوفه..وتعدل بوقفته..ولف بيطلع..وقال بلامبالاة..
سلمان: اجل..خليها تنطق..والا تدور غيري يجيبهاااا..!!

لحقته ومسكت ذراعه..
الهنوف: تكفى سلمااااااان..والله ولهانتن عليها...
سلمان يبتسم وهو يقول: وانا بعد!!

بققت عيوني..منهبل سلمان..
الهنوف: سلمان!!! .. وش هالكلام وخزيااااااااه
سلمان وهو يتصنع البراءة: وشو ..حرام اوله على بنت خالي..وصديقة اختي..

والله ياشكله مرووق هالسلمااااان على الاخر..
ايه بلاوه ماعنده امتحانات..تجيب المرّ..والصمرقع
الهنوف: سلمان..والحين...بتجيب البنت..والا لا..تراي لطعتها ساعة على التلفون!!
سلمان: قلت لك..اذا وافقت على شرطي..ابطير الحين اجيبها..
الهنوف: خلصنااااا..وشو شرطك!!
سلمان..اشر على السماعة..وقال ..كلميها قدامي..وعلى السبيكر..وياويلك تدري..
شرطي.."وابتسم..وهو يكمل.."

"انها تلبس شحااااااااااااطة..قابلة للانقطاع!!!!"

انا طلعت لي قروون من الحمق..
لا الولد منهبل..موب صاحي..اكيد ماوده يجيب مشاعل لي..
وقام يبربرس بهالشرط اللي زي وجهه
الهنوف: سلمان..وش هالشرط !!..قل من الاول انه ماودك تجيبها..
قاطعني: لا والله...ودي اجيبها...بس توافق على شرطي..

تنهدت..شكله وراه مصيبة..وعيونه..بها بررررريق غريب!!!
يالله..خل نقولها..ان طاعت زين..وان عييت الشكوى لله..
موب لازم انجح هالسنة..ههههههههههههه

سلمان: هاه وش قلتي!!!
الهنوف: امري لله...بس موب على السبيكر..عيب عليك ياسلمان..
سلمان..مسك عروة الباب..وقال ..اجل مع السلامة..
ناديته: تعاااااااااال....طيب بقول لها..يامصلك..لابغيت شئ!!!
سلمان رفع حاجبه..وقال:تذكري زين..اني لابغيت شئ..اخذته..!!!
وكمل حركته بضغطة على السبيكر..

وصلنا صوت مشاعل..تغني...
وتهيجن وشكلها مهيب معناااااااااااااا

"يامحلا الفنـــــجال مع سيحة البــــال
في مجلسن..مابــوه..نفسن ثقـــيلة
هذي اريجـوووه..وهذي..هنووووسوه
وهذي رفيقتن مالقينــا مثيلـــــــه"..

الهنوف: صح لسانك..الوووووو ...مشاعل..
مشاعل: زين ..تصدقين لبست عباتي..بجي اعزي عمتي باصغر بناتها
نعنبوك..ماتعرفين الذوق..ولا الاتيكيت..لاطعتن..كل هالوقت على الخط..هذي اللحظة..اجل الساعة كم!!!
الهنوف: هوهو..وش صاير..تو تمدحينن وودك تقهوين معي.. والحين..تهوشينن!!
مشاعل: تدرين مير .. الشرهة موب عليك..الشرهه عليّ..اللي اسمع كلامك..
كنت باصكها من مبطي بس..قلت..موب قبل لاابرد حرتي..بك..يالعنز

طرااااااااااااااااااخ..

طوط
طوط
طوط

رفعت عيوني..وتلاقت بعيون..سلماااااااااان..
ورفع يدينه..وكانه يداااااااااااااافع..عن نفسه..
وانفجر يضحك..
..اصلا ماتصدقووون..وشلووووووون قام يضحك..تقل ماعمره ضحك...
سلمان..وهو يجاهد عشان يمسك نفسه ..
سلمان: خلالالاص..ااااه ياقلبيه..خلالالاص..يالهنوف..تنازلت عن شرطي..
اتصلي عليها..وقولي لها تتولم..
الهنوف: ماشوف الموضوع يضحك لهالحد!!!
سلمان:اااه هههههههههاي..هههههههههههههههاي...اااه يابطني
حسبي الله عليك يامشاعل..بموووت..هههههههههاي..

مشى بيطلع وقبل لايوصل الباب..

سلمان: قولي لها بسرعة..موب تنتقم منك وتلطعن..
ترى وراي طلعة..ههههههاي
قلت: طيب ..هذاي..جاية!!!
سلمان: موب انتي ..مشاعل...
الهنوف: لا والله بتجيبها بلحالك!!!
سلمان ببراءة: ليه..مايصير!!!

بالسيارة..دقيت على مشاعل..
الهنوف: مشاعل..يالله تجهزي هذاي بالطريق جاية اخذك..
مشاعل: مدامك جاية..وشوله ..نروح لبيتكم..ادخلي..وخلينا ندرس مع بعض ببيتنا
الهنوف: والله ماجبت اوراقي..ودروسي
مشاعل: طيب..خلاص..بروح اعطي امي..خبر..اقول..هنوووس..
من اللي جايبك!!!

بلعت ريقي..وقلت بسرعة: موب لازم تعرفين..اهم شئ..تولمي بسرعة لاتقطعيننا..مع السلامة..

وصكيت السماعة..بسرعة..

ناظرني..سلمان..وقال: وراك ماعلمتيها اني انا اللي جاي!!!
الهنوف: ماشاء الله الرجال ..حالتن اذن..وقاعدن يتسمع!!!
سلمان..طير عيونه: اناااااا!!!
ياويليك من ربي..شوفي الرجال اللي بالسيارة اللي بجنبنا يقول..سلمان اللي جايبكم..هاللسان هالطول..هي واللي تكلمها..لا وحالتن اذن بعد!!!

وصلنا بيت خالي سعود..وطنب سلمان..
وطلعت مشاعل..وبيدها كيس..
صكت باب بيتهم..والتفت..
يوم شافت سيارة سلمان..
لفت ورنت جرس بيتهم..حطت اصبعها وماشالته!!!
شكل الجرررررس انحرق...

نزلت..وجريت يدها..
الهنوف: مشاااااااااعل!!! ضاربين كل هالمشواااااااااار
..واخر شئ..ترجعين!!
مشاعل: ليش ماقلتي لي..ان التيس هو اللي جايبك!!!
الهنوف: مالقيت غيره!!
مشاعل..جرت يدها: لو تمووووووووتين ماركبت معه..انقلعي..انتي واياه..
الهنوف: تكفين..ترى بيعصب علي.. مستعجل بيمشي وراه استراحة....
مشاعل: بقريح يطير بوه..خليه..يمشي..مشت عليه تريلة!!

ضرب سلمان بووووووووري مرة ثانية ... ونزت مشاعل..
ضحكت على شكلها..على طول لسانها...
الا انها ذرووووووووق..خووووووافة..
استغليت هالفرصة..وجريتها..وفتحت الباب..ودفتيها ..واخيرا ركبت

ركبت..وصلني صوت سلمان..
خفت يصير سمع كلام مشاعل..
سلمان: وش عندكن!! كل وحدة تحلف على الثانية تركب قبلها!!!

الهنوف: سلمان ..تعرف..مشاعل..لازم موكب عشان تركب..
التفت سلمان على ورى..ورجع يناظرني..وشكله مستغرب..
وقرب مني..وقال بصوت واااااطي

سلمان: هنوووف..الحين انتي متاكدة هاذي مشاعل..
لاتصير خلود والا نجود!! تاكدي..

انفجرت اضحك..مت من الضحك..
وصلتني يد مشاعل....من ورى المرتبة ..قبصتني..
قربت مني وقالت بصوت واااطي مررة
مشاعل: وش يضحكك!!!..وش قال عني التيس!!!

سلمان سمعها..لف عليها وقال: انا التيس..!!!

مشاعل..سكتت..ماردت

تعدل سلمان وكرر سؤاله ..وهو يناظرها بالمراية..
سلمان: هاه..مارديتي..انا التيس!!!
مشاعل:.........................."مافي رد"
سلمان شكله عصب:وراك ماتردين يالعنز!!

واخيراً

وصلنا صوت مشاعل وهي..
تقول بكل ثبااااات: ايه..تيس...ومغسول وجهه بمررررق..

شهقت..انصدمت من رد مشاااااااااعل..

لفيت على سلمان..وشفت الخشة ..من ذا لذا..
شال سلمان ذراعه عن مرتبتي..وداربكل جسمه..على ورى
وقال لها وهو يبتسم بمكرررررر

سلمان: اجل..دام الدعوة كذا..كنت ناوي امر هايبر بندة..
بس يوم شفت العنز اللي غاسلتن وجهها بشوربة..
نحفت..هونت..مانيب مارها.... اخاف ترجع تصير بقرة!!!

خيم الهدوء على السيارة..
عقب هالكلام...

ياويلي..شكل مشاعل..تصيح
التفت عليه..وشفت الابتسامة مرسومه
على وجهه ولاكانه قال شئ!!!
..ياااااااااربيه..من هالسلمان..
لازم يخرب عليناااااا...

وقف السيارة عند بقالة ..ونزل..

التفت على مشاعل..وشفتها ملتفتة تناظر الجهة الثانية..
الهنوف: مشااااااااااعل..
قاطعتني بصوت باكي: انطمي ..ولاحرف..
الهنوف: الله يهديك..انتي ماتعرفين سلمان!!!
لو مايتطنز..تجيه جلطة!!!
مشاعل: الله يجعلها تجيه يارب..
الهنوف: خلاص..مشاعل..طنشيه..

بس مشاعل ماردت..

سمعت صوت الباب..انفتح..
حط سلمان بحجري..كيس..مليااااااان..
جالكسي..وكت كات..وبرينقلز...وبيبسي..
ملياااااااان..من كل شئ..واهم شئ العسكريم..
الهنوف: وااااااااااو..مشكوووووووور..يابعد عمري ياخوي..
التفت علي سلمان وقرب مني وقال بهمس: لاتستانسين بالحيل..
موب عشان سواد عيونك..عشان خاطر اللي يصيحون!!

******************

خلود
السبت

*******************

وابتدات الامتحانات..
ااااه..هاذي اخر امتحانات..واختم مشوار دراستي..
16 سنة تساقطت من عمري..بين اروقة المدارس..والجامعات..
يالله..وش سرررررع الدنياااااااااا...!!

ناظرت ساعتي مهيب معقولة..الساعة 11.30 ..وشاكر ماجاني..
انا قايلة له..10 يصير عند الباب ..موب عادته..يتاخر..
وادق على جواله..ومغلق!!
وادق على البيت ولااحد يررررررد...
ياربيه...عاد بكرى عندي مادة صعبة!!!

عبير: خلاص..امشي معي..
خلود: لا..اغدي شاكر يرد..
عبير: من اول ماطلعنا من القاعة وانت تدقين عليه..يمكن جواله مافيه شحن..
خلود: طيب البيت..مايردووون!!!
عبير: طيب مهيب ..مشكلة..امشي معي اوصلك..واذا وصلتي اعرفي السبب ..
يالله خلود..ترى يالله تبدين بهالمادة بدري..وعسانا نخلصها..

تنهدت صادقة عبير..هالمادة دسمة مرررة..
وانا كنت ناوية اذاكرها الاسبوع اللي راح..
بس ظروفنا حرمتني..اااااه..لاتذكرووني بالاسبوع اللي راح..

عبير..وهي تلف شيلتها..
عبير: يالله..ياخلوووووود..امشي وخلصينا
خلود: لا..هونت... والله فشيلة من اخوك..
عبير: وش فشيلته بعد!!!
خلود: لا..يعني لو هو يسمح لك تروحين معي ..عادي..
بس لانه..مايرضى لك استحي اركب معك..اخاف ينقد عليّ..
عبير: ههههههههههه..وشو ينقد!! من اي لغة جايبته..
ناظرت جوالي..وقلت: ياربيه..والله غريبة..عسى مابهم شئ..
عبير..زهقت من كثر ماتترجاني..
استحيت منها..
يالله وكلت امري لله..

فتحت دفتري السماوي..هو دفتر محاضرات وخواطر ..
اثنين في واحد..
يعني احيانا يجيني الالهام وانا بالمحاضرة..واكتب..
واعيش حالات باقي فرح..
لو تفتحونه تنصدمون..ارقام..ودموع..ومعادلات..واهات..
ويمكن احيانا طبخاااااااات..
دورت ورقة فاضية..مالقيت..كله ملياااااااااااااان..
بالاخير..لقيت وحدة الحمد لله..
شقيتها...وكتبت وصف بيتنا عليها..ومديتها لعبير..
عبير: وشي ذي!!!
خلود: وصف بيتنا..استحي اتكلم قدااااام اخوك...
عبير: والله انك خطيرة هههههههههههههههههههه طيب يالله مشينا...

طلعنا..وطاحت عيوني على سيارة سوداء..مظللة..
فتحت عبيرالباب الخلفي..وقابلتني موجات من الهواء البارد..
محمل بعطر رجالي هاااااااادي
استقريت بالمرتبة..اللي ورى عبير..
..صراحة مغصني بطني من الفشيلة..
وحسيت الدنيا فووووووووق راسي..
وقلبي يدق بقوووووووة..
على الرغم..من صقيع الاجواء
بالسيارة الا اني احس بقطرات العرق تنساب بظهري.ووجهي..
وصلني صوت عبير..تكلم اخوها..
عبير: مساء الخير مساعد..وشلونك..معليش سامحني على التاخير
مساعد: ....هاه بشري وشلون الامتحان!!
عبير: زين الحمد لله..بس الله يعين على بكرى..
مساعد: الله يوفقك..شدي حيلك..

تمنيت اني اذووووب..واغيب عن هالكووون بهاللحظة
تحسفت اني سمعت كلام عبير..حسيت نفسي متطفلة..بين الولد واخته..

التفت عبير علي..وقالت: خلود..شفتي..اللي تراقب علينا اليوم..
تراها تصير اخت عفاف..!!
خلود:...................................
كملت عبير..كلامها: متخرجة..اقتصاد امتيازومالقت وظيفة..
عاد عفاف ..تقول..عمها يشتغل بالوزارة وحاول يتوسط لها..ولا لقى لها!!
خلود:....................................
عبير: تصدقين خلود..احيانا افكر..اذا تخرجنا..بنلقى وظيفة والا لا!!

تبووون الصراحة..ضايقتني بهالسواليف..انحرجت منها..ومن اخوها
ودي ارد عليها..بس مقدر قدام اخوها..وهي..منطلقة سالفة ورى سالفة..

فجاة

سمعت اخوها يقول لها: عبير..ترى بتنكسر رقبتك..
وش رايك ترجعين ورى ..موب اريح لك!!!
عبير بفرح: والله انها فكرة!! تكفى وقف..
وفعلا ً...وقف اخوها..ونزلت..وركبت جنبي..
وقربت..واخذنا نسوووولف..
بس يالله يالله اهمس..

مدري ليه..غبطتها على هالاخوووووو...
تمنيت يصير عندي اخو اكبر مني..ويهتم بي..
زي مايهتم مساعد بعبير..
والا زي مايهتم عمي فيصل بهدى..
ليت نواف اكبر مني!!!
اااااااااااااااه..يانواف الله يخليك لي ..حتى لو انت اصغر مني..

رحلت بي الذكرى..ليوم الاحد الماضي..
كنت جالسة اقلب ملزمتي بين يديني بالصالة..
وامي جالسة تقرا مجلة الاسرة..قدامي..
مدري ليه ...حسيت بقعشريرة ..التفت..,,,
شفت نواف واقف..وعيونه على امي..اللي مانتبهت له...

ماصدقت عيوني..نوااااااف..جاااااء..!!
طارت الملزمة من يدي..وانا اصرخ باعلى صووووتي..

"نوااااااااااااااااااااااف"
عجزت انطق بحرف ثاني..خميته..من لهفتي عليه..
بس امي..ماعطتني فرصة..بعدتني عنه..واخذته..بحضنها..
وتعاااااااااااااالوا شوفوا حفلة الدمووووووع...

امتلت عيوني دمع..وانا اشوف مشاعل تخم نواف..وتحب راسه..
ونجود..تمسح دمعة فرح..انسابت على خدها..
وامي..ساجدة سجود شكر لله....
وبشاير..تناقز فوق الكنب..
غمضت عيوووني..ونزلت دمعتي..
اااااااه يانوااااااااااااف!!
ليه خوفتنا عليك!!!

الله لايحرمني منك..ولامن خواتي..
انتم نور الدنيا..

تأملت نوااف..صحيح هو غاب ثلاث ايام عنا..
بس مرت كثلاث سنين..قضيناها بين خوف وقلق وترقب!!

امي وهي ماسكة يده: نواف..وين كنت يايمه!! اشغلت بالي عليك..
نواف: كنت عند واحد من الشباب...
امي: ماتدق..تطمن قلبي عليك.."واهتزت شفايفها..وتقطع صوتها وهي تقول"..ماتدري وش صار بي عقبك.."ولفت وجهها عنا..تخبي دموعها.."
نزل نواف راسه..وقال: سامحيني يالغالية..بس غصبن عني..وجوالي ماكان معي..
بشاير: ايه ابوي..اخذه ..لقاه بالخيمة ببيت امي لولوة..تبيه!!
فوق حاطه ابوي بغرفته!!!!
مشاعل نطت تسأل: الا ..نواف من جابك..!!!
نواف..وعيونه على امي اللي تهز من الصياح:واحد من الشباب..
مشاعل: لايصير ابو يوسف..
شال نواف عيونه عن امي..وناظر مشاعل باستغراب..
نواف: وش دراك با بو يوسف ...!!
ياربيه من هالمشاعل لازم تفضحنا...
الرجال قايلن لنا انه معطي نواف كلمة..
وذي خرت اللي عندها..ناظرتها نظرة..
ونزلت عيونها شكلها توها تستوعب

كرر نواف سؤاله..: وراك ماتردين يالبرميل!!
مشاعل دخلت اصابعها بشعرها بضيق: اعوذ بالله ..حتى وهو تعبان..
وتوه طالع من المستشفى..يعيرني!!
نواف بقق عيونه..باندهاش: وش دراك اني كنت بالمستشفى..

اااااااااااااااه
عضيت شفايفي...

ياربيه تمنيت بكف على وجه مشاعل..مامن الاولى الا الثانية
اولها ابو يوسف..وكملتها بالمستشفى..

نواف صرخ بها: مشاعلوه...ماتردين ..وراك منطمة!!
خلود: نواف..وسع صدرك..ما..

وسكتت لما سمعت صوت مفتاح..وبعدين انفتح الباب..
ودخل ابوي..علينا

حسيت عقارب الساعة..وقفت..
والانفاس انحبست..والعيون..تراقب وجه ابوووي...
والتوتر..سيطر على المكان!!!

طـــــــــــــال الصمت..
ولغة العيون..بين ابوي ونواااااااااف..
تقول الف والف معنى..
شفت مزيج من مشاعر الفرحة..والندم..
والقلق..والحزن والتعب..بنظرات ابوووي
اللي ارتفع عليه السكر..وصار يطق ابر بدال الحبوب..
من غاب نواف عن البيت..

والتفتُ على نواف..
لتقابلني..مشاعر العتب..والالم..والحزن..والغضب..
نعم..الغضب..هو كل ماتنطق به عيون نواف..

قطع الصمت القاتل بين الاثنين صوت ابوي...
وهو يكلم امي..

ابوي: قرة عينك..يام نواف..

ولف ورقى ..الدرج..بكل تعب!!
وهو يتشبث بالدرابزين..وقف والتفت ..وكأنه يبي يتاكد ان نواف
اخيرا رجـــــــــــــــــــــع!!!...

كمل طريقه ..حتى اختفى عن ناظرنا..

امي: نواف..يمه..رح طيب خاطر ابوك..بكم كلمة..!!!
نواف: والله..ماودي ارد لك طلب يالغالية..بس سامحيني ..هذا موب ابوي!!!
امي: نواف..وش هالكلام..حرام عليك..
انت ماتدري وش صار عليه..من غبت عن البيت
نواف: موب ذنبي!!!
ووقف ..وقال لبشاير: روحي جيبي جوالي..
امي وقفت معه..وهي تترجاه: تكفى يايمه..رح اعتذر له..
التفت عليها وحب راسها: يمه..هو قال لي..لاانا ابوك..ولاانت ولدي!! خلاص..
امي: قالها..بلحظة غضب!! قالها ..من ورى قلبه..
نواف الا ابوك..لاتشك بلحظة بغلاك عنده..وهو كان يبي مصلحتك..
نواف:اسف..يمه..كل شئ الحين تغير...

وصلت بشاير ..معها الجوال..ومعها الف ريال..
مدتها بشايرلنواف: هذي ابوي عطاني اياها..يقول عطيها نواف..
مد يده واخذ الجوال..وترك الالف..
نواف:رجعيها له و قولي له..نواف..مايحتاج صدقات من احد..
والتفت على امي..يالله يمه..بطلع..ويمكن اتاخر..تبين شئ!!!

تاثرت امي من موقف نواف مع ابوووي..
وهزت راسها يعني لا..

حب راسها ..وطلع..وصفق الباب!!!
طاحت امي على الكنب تصيييييييييييح..
للحظة..مرت..
ادركت ان فرحتنا يتمية..

صحيح نواف رجع..
بس رجع نواف ثاااااااااااااني..
نواااااف الاول..اختفى!!!

غمضت عيوني..والدمع يحرق جفني!!!

تنهدت وانا اذكر ..تعامل نواف..مع ابووووي..
باقي الايام..
بمجرد مايدخل ابوووي البيت ..نواف يطلع..
حتى لو يدخل وحنا على وجبة..
ينقز ..ويطلع..ومستحيل يرد عليه..السلام..
او يبدا معه الكلام...
حاولت امي..المستحيل معه..بس يرفض رفضا قاطعا
وكل ماكلمناه..قال ..هذا موب ابوووي..

اما ابووووووي..ااااه عليك يايبه..الله يكون بعونك...
صحيح انه ماقال ولا كلمة ..لكن عيونه..تقول الف كلمة وكلمة..


عبير: خلـــــــــــــــــــــود..خلود!!
خلود: هاه..هلا..عبير...
خلود: عسى ماشر..لي ساعة اكلمك ولاتردين..مساعد يسأل هذا بيتكم..!!
التفت وشفت بابنا..وخزياااااااااه...
لي ساعة لاطعتن الناس وانا اهوجس بمصايبنا
بسرعة فتحت الباب..وقلت: ايه..هذا هو..شكراً..بامان الله..

ودقيت الجرس..ودقيت..والناس ماتحركوا ينتظروني ادخل..
صراحة..حسيت الشارع كله فوق راسي..
يااااااااااربيه وينهم مايفتحون..واخيراً...فتحت لي سيتي..

خلود: ساعة لما تفتحين..وين الناس..
سيتي: مايئرف انا..
خلود: وين امي..
سيتي: راح..ماما..
خلود: وين راحت!!
سيتي: مايئرف انا..
طنشتها ودخلت البيت..ناديت باعلى صوتي..يمه..يمـــــــــــــه..بشاير..
نجــــــــــــــود..مشـــــــــــــــاعل..بس ماسمع الا صدى صوتي يتردد!!

رميت عبايتي على الكنب..ورقيت الدرج..بسرعة .طقيت باب نجود..
وصلني صوتها وهي تقول طيب طيب..
فتحت..وهي تفرك عيونها:..هاه..وش تبين!!
خلود: وين امي!!
نجود: بمخباتي..هالحين كل هالطق عشان هالسؤال!!
تشوفينن نيمة..يعني..
قاطعتها: ماشفتيها..!!
رجعت..وانسدحت نجود على سريرها..
وتغطت بالمفرش: قلت لك..مدري..والحين ممكن تطلعين
وتخلينن انام ..وراي..مادة صعبة بكرى..
رن جوالها..بنغمة اغنية..ونقزت نجود..
عرفت من يكون من فرحتها اللي انرسمت على وجهها..
نجود: هلا...والله بهالصوت..هلا حبيبي..

مدري ليه..جتني مرارة بحلقي..من سمعتها تقول له حبيبي..
لمعت بعيني دمعة..بسرعة طلعت..وصكيت الباب..وتسندت بجسمي عليه..
حطيت يديني على وجههي..منين القاها والا منين!!
نزلت..واحساس مؤلم..يغطي قلبي..
خائفة على امي..وخائفة على نواف..وعلى ابوووي..و
ووخائفة..اني للحين مانسيت "فهـــــــــد"..

اضحـك وأقـول أن المخاليـق يبـكـون
وأبكـي وأقــول الـكـون كـلـه سـعـاده
متناقض(ن)ماأبغى المخاليـق يـدرون
حـتـى الـدهـر يـانـاس طــول عـنـاده
أضـحـك أذاقـالـوا المخالـيـق بتـهـون
وأكـتـم عـلـى ونـــات قـلـبـي زيـــاده
ياكيـف أبضـحـك يابـشـر وشـلـون ؟
دام الفـرح عبـد(ن) والاحـزان سـاده
ياكيـف أبضـحـك يابـشـر وشـلـون ؟
دام الـحــزن كـنــه وســـام وقــــلاده
ياكيـف أبضـحـك يابـشـر وشـلـون ؟
دام الحزن شخص(ن) وصدري بلاده
ياكيـف أبضـحـك يابـشـر وشـلـون ؟
دام الحـزن صـار فــي دنيـتـي عــاده


سحبت رجليني..ونزلت..شفت عبايتي..المرمية على الكنب..
تلفت..وين شنطتي..ابي جوالي بدق على امي لعلها ترد
دورت شنطتي..شلت المخدات..
ودورت فوق الكنب وتحته..
مالقيتها..وين حطيتها..ياربيه...!!

كأن احد صفقني..كف..ياويلي..لااصير نسيتها بسيارة اخو عبير!!!

والجوال..ودفتر محاضراتي السماوي!!!

بسرعة رفعت السماعة ..ودقيت على بيت عبير..
رن ورن ورن..ولاحد رد
شكلها للحين ماوصلت..عساها تكون انتبهت لها واخذتها معها

شفت نجود تنزل..وخدودها محمرة..
وشكلها مبسوووووووطة على الاخر..
ويدها على اثمها..تمنع ضحكتها..لاتجرحني اكثر!!!
وباليد الثانية..جوالها..

نجود: والله يافهد ماقدر..والله نفسي..... خلاص ياعمري..ان شاء الله كلها ثلاث اسابيع.....يالله عااااااد والله مهيب طويلة....هههههههاي....
ان شاء الله موعدنا كالعادة.....خلاص..فهودي.....
كذا عاد مقدر...يالله حبيبي مع السلامة...

رددت بخاطري..
"يالله حبيبي مع السلامة!!!..متى اقولها فعلا لفهد!!!"

نجود: هاه ياكونان..عسى اكتشفتي لغز الاختفاء بنفسك..وسكتت لما رن جوالها..وقالت هذا امي..

نقزت وقلت عطيني اكلمها..مدته لي: هلا يمه..
امي: هلا خلود..وشلون امتحانج ..بشري
خلود:يمه ..وينك ادق عليك من الساعة 10 وماتردين..
امي:معليش يابنيتي..جوالي بالشنطة وماسمعته..انتي الحين رديتي البيت!!
خلود: ايه..بس انتي وينك هالحين..
امي: انا مع مشاعل..بالمستشفى!!![/FONT

***********************

مشاعل
مستشفى الملك عبدالعزيز الجامعي

*********************

فتحت عيوني..بصعوبة..***103***
احس بدووووووخه ..وبغثياااااااااان..
رمشت بعيوني..وين انا..اشم ريحة ديتول!!
يوووه ريحة مستشفى!!
التفت ..وشفت امي..تصلي..ومعطيتني ظهرها
ليش..وش جابني المستشفى!!
اذكر اني كنت بالفصل..واني احل مسالة..!!
..كنت احاول اتذكر..وشو قانون..محيط المربع!!
ايه صح..كنت امتحن!!!
وشلون صرت هنا!!!!

سلمت امي..والتفت عليّ..وشفت الفرحة تنرسم على ملامحها...

امي: مشاعل..صحيتي..وشلونج الحين!!
مشاعل..بصوت رايح فيها: بخير..يمه..ورى حنا بالمستشفى!!
من اللي التعبان!!
امي: هههههههههه..الله يهديج ..من بيصير تعبان غيرج..ويا رجميج..
بس خلاص..ماكو..رجيمات..ولابلاوي..صحتج اولى..
عندج امتحانات..


ذكرت الامتحان..وشي عصر قلبي..
مشاعل:..يمه...ياويليه..ماكملت الصفحة الثانية..
باقي السؤال الرابع والخامس!!
امي: بكيف الامتحان..اهم شئ صحتج ياروحي..
وقربت تمسح على راسي..
غورقت عيوني..وقلت: والامتحان يايمه..بسقط يعني!!!
هزت راسها وقالت: مشاعل لاتحاتين شئ ..انتي بس..ارتاحي..
حاولت اقعد على حيلي..بس طحت..
حسيت بدووخة.. وارتخاء بعضلاتي..
وجسمي يعوورني..غمضت عيوني..

امي بقلق: مشاعل..وش فيج!!

مشاعل: يمه..احس بتعب..كل خلية بجسمي..توجعني..

امي: شفتي..هذا نهاية رجيمج..سوء تغذية..وفقر دم...
انا قايلة لج..كولي اكل صحي..بس مو تحرمين روحج العيشة..
والحين توعديني تخلين عنج هالخبال..وتاكلين!!زي العالم والناس!!


مر قدامي شريط ..المواقف اللي اجبرتني..
اتخذ قرار الرجيم..
واتخلص..من شكلي اللي حطم مشااااااااااااعري

ومن لقب...البرميل!!!!***132***

وصلني صوت امي...
امي: مشاعل..تبين شئ..بروح اشوف الدكتور..
عشان يكتب لج عذر طبي للمدرسة..
مشاعل: سلامتك..

وهزيت راسي بيأس..وانا اتذكر الاربعاءاللي فات..
و كلام سلمان.."ترجعين تصيرين بقرة.."
قل امين جعلك للبقرة اللي تعفك..
وتعيفك حياتك يالكلب يالحمار..

وانفجرت اصييييييييح..
ذكرت الهنوف..وهي تحاول بي اكل..
من اللي شراه اخوها..
وانا حلفت مايدخل اثمي شئ منه..
حتى عقب مارجعت للبيت ..
صرت بس اشرب ماء..واذا ذبحني الجوووووووع..اكلت خياره..
ااااااااه..منك ياشكلي..
وش كثر..عذبتني وخليتيني مسخرة للكل!!
اللي يسوى واللي مايسوى..
ارتفع صدري وتكسرت عبراتي..
انا لازم..انحف..واصير اضعف وحدة ..بالعايلة..
تعبت من كثر مايعيروني برميل..
حتى عقب مانزلت 7 كيلو..لازالوا ينادوني بهاللقب اللي يدمر روحي..


دخلت امي..وبيدها ورقة..
امي: مشاعل..وش يصيحج!!
قلت ودموعي تمشي: يصيحني زماني..اللي..ماعمره ضحكني الا بكاني!!
قربت مني: يمه..الدكتور طمني عليج..بس باقي جرعة وحدة..
من المغذي..ونطلع البيت..
حطيت يديني على وجهي: ماهمتني صحتي..ابي انحف يمه..
ابي اتخلص من شكلي..
تعبت يايمه..والله تعبت..***53***

واختلط المغذي بدمي..
واختلط حزني بهمي...