باقي فرح :

***************** هدى الاربعاء ***************** في "غيابكـ" مدري أحيا أو أموت في "غيابكـ" ترتسم اقسى الدروب .. تحفر الآهات بعروقي سدود .. وتغرس دموعي على خدي حدود .. في "غيابكـ" أموت وكافي تعرف اني في غيابكـ مالي بهالدنيا وجود .. الغريب فعلا..اني احس بهدوووووووووووووووء..غير طبيعي رغم اعاصير الالم والهم داخلي.. يعني بكرى زواجي... وانا..احس كاني عايمة بماء.. دارت انظاري على اغراضي المرتبة داخل شنطي.. ياحليلها..فاطمة..وبدرية وخلود..رتبوا اغراضي..وكملوا الناقص وانا ولا كأن الامر يعنيني لا من قريب..ولا من بعيد.. اطلقت ضحكه..حسيت اني انخبلت ههههههههههههاي وشلون بعرس..وشلون بصير حرمة..واحد ثاني موب خالد.. ياربيه وشلون هالدنيا تشقلب وتدور.. يعني قبل تقريبا سنة.. كنت اجهز روحي..لخالد واليوم..لمشاري.. اجل السنة الجاية لمين.. ههههههههههههههههههاي.. مدري وش اقول لكم!!! احيانا من شدة الالم..ماتحس.. ومن ضيقة الكرب..تضحك.. ومن قسوة العذاب..تغمض عيونك بكل هدوء.. فتحت الباب..بقوة..وكاني اهرب..من شبح يلاحقني.. نزلت..تحت.. هدوووووووووووووء..غير طبيعي بهالبيت.. امي..دخلت المستشفى قبل امس.. وفيصل مرابط معها اربع وعشرين ساعة ... وانا..وكانتي..كل واحد..يناظر الثاني.. وش اوصف شعوري وش اقول.. امي على فراش الموووووت... وبتسافر وبتخليني ومدري بترجع والا يكون الوداع الاخير.. حبيت انسان..وبغمضة عين طلقني.. ولازال هالحب ينمو ويترعرع بقلبي.. رغم محاولاتي اليائسة... بتزوج انسان..متزوج..وبقلبه غيري.. اخواني وخواتي وعيالهم وبناتهم.. كلن عايش بدنياه..وناسيني.. وبكرى زواجي.. كانتي: ماما..يبقى..عساء..والا روه نام.. حطيت يدي على قلبي..اللي تسارعت دقاته من الفزة.. هدى: بسم الله الرحمن الرحيم..لا..روحي طسي نامي.. كانتي: كلاص..ازا تبي ..فيه.. قاطعتها: خلاص..روحي نامي..مابي شئ.. ومن له نفس ياكل..وكل شئ حولي يبكي..ويعزيني.. ياربيه..حسيت بحرارة بعيوني.. راقبت كانتي وهي ترقى..حتى غابت.. هدووووووووووووووء..قاتل وصوت انفاسي ..يغدو..ويرجع علي.. وكان كل نفس يقربني لمنصة اعدامي بكرى.. حطيت يدي على وجههي.. ياربيه مافيه شئ ينسيني هالكابوس.. رفعت عيوني وتاملت السقف.. وانزلقت دمعة حاااااااااااااااااااااااااااااارة.. وشكل خواتها بالطريق.. هزيت راسي..ووقفت..وانا ادور بالصالة.. درت..ودرت..والافكار..من كل..مكان تدك مدافعها براسي.. تعبت..تعبت..وانطلقت اولى شهقاتي.. خارت قواااااااااااااي..وتاهت عزيمتي.. وصوت الساعة المعلقة بالجدار.. دن دن دن يعلن مولد..يوم الخميس!!! جلست على عتب الدرج.. ويديني..تنتافض.. ورجليني ..نملت.. ياربيه..ياليت الزمن يوقف.. ليت كل شئ..ينتهي..وارتاااااااااااااح من هالعذاب.. تسارعت خفقات قلبي..وانا اسال نفسي.. "وشلون ينتهي وارتاح" يعني.. اتزوج مشاري..وارتااااااااااااح لا لا لا مستحيل..وكاني صحيت من حلم..من جاثوم..اعاق حركتي وارادتي.. وقفت..وانا اناظر الارض..وانفاسي تتسارع مستحيل اتزوج مشاري..لا..اموت ..ولااصير لغير خالد.. ايه انا لخالد..وخالد لي اناااااااا.. خالد بيرجع لي.. وزواجي من مشاري..بيحرمني من حبيبي.. جالت نظراتي بالبيت..السقف..الجدران..الدرايش..واللمبة اللي ترسل ضؤها الهزيل..ليضفي على احزاني احزانا اخرى.. حتى طاحت عيني على التلفون.. التلفون؟؟؟ ايه..هذا وقته.. وحسيت نفسي...سجين..وانفتحت بوابة السجن.. وشع نور الحرية بالارجاء.. ركضت..وكاني خايفة لايتسكر الباب بوجهي.. طحت على الكنب..وقفت ..وطحت ثانية..حسيت الارض..تحتي تدور..والاشياء..من حولي ترقص..والاشياء شوي تقرب وشوي تبعد..حتى طاحت يديني المرتجفة على السماعة.. واخيرا وصلتها.. ضحكت بجنووووووووووووووون.. وتعالى صوتي..وانا اقربها لاذني.. وباصابع مرتجفة.. ضغطت الرقم اللي حفظته اكثر من اسمي.. .. توقفت انفاسي..وتسارعت ضربات قلبي..وانا اسمعه يرن.. يرن.. ويرن.. ويرن واخيراً.. خالد: الوووووووووووووووو ****************** نهاية الحلقة السادسة عشر

***************** هدى الاربعاء ***************** في "غيابكـ" مدري أحيا أو أموت في...