باقي فرح
•
*****************
هدى
12.15 ليلا ً
***************
دق جرس الباب..استغربت ..من بيجينا هالحزة..
اكيد هذا فيصل ناسي مفتاحه..والا اختي فاطمة نست شئ ورجعت تاخذه..
فاطمة من درت ان امي تعبانة وهي يوميا ً تجي..اما شيخة بس جت الاثنين ..
وصلت باب الشارع ..ااااح... نسيت البس شبشب..
هدى: ميـــــــــــــــن!!!
خلود: انا...خلــــــــــــود
فتحت عيوني..خلوووود..وش بيجيبها هالوقت ..
فتحت الباب بسرعة...وطاحت بين يديني تصيح وتشاهق...تماماً ..
كما صحت بين يديها ذات يوووم!!!!
ليش هالدنيا دوارة ..وليش هالاحزان ترحل من قلب لقلب..
لاتشتكي للناس لاضاق صدرك
الناس ماتملك مسرة ولاياس
الناس مثلك حالها مثل حالك
والكل من مر الليالي شرب كاس
ولاتحسب انك في التعاسه لحالك
ترى عايش معك بالشقا ناس
خميتها على صدري..وودي احطها بقلبي..خلووود غير البشر ..
خليتها تصيح وتصيح وتشاهق وانا امسح على راسها
اللي نزلت منه الشييلة ..دخلتها البيت..وانا اقرا عليها قران واسمي عليها...
عقب ماهدت البنية ...ناظرتني..يالطيف ..وش صاير ياخلوود..
ابتسمت وقمت ابجيب عصير يبرد جوفها ..
رجعت لقيتها منسدحة على الكنب ..ويديها على وجهها..
هدى: سمي ياخلووود..
جلست وهي تشيل خصلات شعرها اللي لصقت بوجهها من الصياح..
خلود:جزاك الله خير.."وبتردد"..هـــــــــــدى..هـــــــــدى..انا..
حطيت اصبعي على اثمي..يعني لاتتكلمين..
هدى: ارتاحي..ومايصير خاطرك الا طيب..
مدري كم مر من الوقت..وحنا ساكتين وخلود..
تشاهق كرد طبيعي عقب هالصياح..
خلود: وين امي لولوة..والله اني مشتاقة لها..وشلونها الحين
هدى: يعني هالجية مهيب لي..لامي..
خلود: لو هي لامي...كان جيت بدري..هدى..انا بمووووت من الهم خلالالالاص...
وحطت يدينها على جبهتها بضعف وانكساااااااار...
هدى: لو احد بيموووت من الهم ...كان مت من زمااااان..
"قربت منها ..وحطيت يدي على كتفها..وانا اقول"...خلود..كل شئ يبدا صغير ويكبر الا المصيبة ...تبدا كبيرة وتصغر..
اكيد بيكون الامر صعب عليك في البداية ..
بس بعدين بتمشي الحياة.."واشرت على نفسي"..وشوفيني اكبر مثال قدامك...
ناظرتني..ابتسمت..حسيتها ارتاحت..
خلود: الله يهونها على الجميع يارب...
طبعاً لاتحسبوني جاهلة بحب خلود لفهد...بس انا ماابيها تنجرف اكثر..زي ما انجرفت بحب خالد..ياعيني علينا يابنت اخوي..
وش هالقلوب اللي ماتعرف تختار صح..
سولفنا وحاولت اشرق بالمواضيع واغرب..ومدري وشلون قلت لها..
عن اخر مقال لها بالجريدة..وان هيفاء هي اللي قالت لي عنه..
شهقت خلود: ياويلي..تصدقين..نسيت انكم تعرفون باقي فرح..!!
ناظرتها وضحكت :..الحين صارت "باقي فرح قد انجرح".. لاياشيخة ..مانعرفها بس نحبها ونحب مقالاتها ..ونكره نغمة الحزن في سطورها ..خلود ..خلاص انسي فهد..
رفعت عيونها بتحدي وقالت : ليه ..وانتي نسيتي خالد!!!
سحبت نفس طوووويل ...
صدقتي ياخلود بس مابي اعترف لك..قلت لها: وضعي مع خالد غير وضعك مع فهد..يعني انا تزوجته وعشت معه ..حبني وحبيته ....وفجأة طلقني..بدون اي سبب ..لكن انتي..ماتزوجتيه ولاعشتي معه يعني بيكون سهل تنسينه...
اهتزت شفايفها ..ونزلت عيونها..
تنبي عن اعاصير من الصياح قادمة لامحالة: وشلون انساه ونجود قدامي...؟؟
حرااام عليه ..ليه مالقى الا اختي ..ليه ماخطب منيرة والا اي وحدة بعيدة ..ليه مصّر انه يعذبني طول عمري بأختي..
وانفجرت من جديد..ياليل مااطولك ..هذي وش بيسكتها الحين...
توي اعصب على فهد صدق..توي ادرك حجم الالم والحزن
والغدر بقلب هالمسكينة ..بس انا متاكدة ان فهد مايدري عن مشاعر خلود..
.بس حتى لو درى هو يبي نجود...
****************
فيصل
2.30 صباحاً
***************
دخلت مفتاحي بباب البيت ..استغربت انوار الصالة مشغلة ..
واسمع اصوات وصياح..ياربيه ..من هالهدى ..لاتكون اكتشفت مرض امي..
لا.. لحظة..هذا صوتها
هدى: طيب واذا زعلتي عمرك وضيقتي صدرك وصحتي ..
بيغير هذا من وضعك شئ..
الله الله ..يامرون بالمعروف وينسوون انفسهم ..
وين هالكلام ماتقولينه لنفسك ياشيخة هدى...طيب من تنصح!!!
تنحنحت..وقلت : ياولد..
((بعد اخاف ماتصير من بنات اخوي والا خواتي هاللي ترغي))
هدى: هلا فيصل...تعال..
دخلت وطاحت عيوني على خلوود...ياربيه وش صاير..
ورى وجهها كذا ..لا ..هدى طلعت ولاشئ عند خلود...
عشان كذا قامت تحدث عليها..!!
قامت تسلم وهي منحرجة : هلا عمي وشلونك..
ابتسمت : طيب وشلونك انت ...
فجأة شهقت ..شكلها شبعانة صياح ..قلت بسرعة: خلالالاص ...لاتردين.. كانك بتصيحين ..
ابتسمت خلود: لا ..مابي الا العافية ...
وقامت ..تبعتها بعيوني شكلها بتروح للحمام...
التفت على هدى : اشوفك صرتي طبيبة نفسية !! وش بها خلود!!
تنهدت هدى:شوي متضايقة..
فيصل: اما شوي كثري منها ..ليه عشان موضوع نجود وفهد!!
هدى هزت راسها ....يعني ايه
تنهدت حسبي الله عليك يافهد..
ناظرت هدى وقلت: تلوميني هالحين يوم اني اهوش فهد على هالخطبة هو ووجهه...هالاناني..
هدى: طيب الولد يبي نجود...تبيه ياخذ غيرها ويطلقها زي ماطلقني خالد..
وش ذنبهم !! خلهم يعيشون حياتهم براحتهم وعلى كيفهم..!!
فيصل: ماقلت شئ ...بس يصبر لما تعرس خلود ..بعدين يعرس..
هدى: لاتنسى ان خلود دايما ترفض اللي يخطبونها....
واظنك عارف زين ليش هو مصر الحين...
الولد وراه دراسة وغربة ومحتاج يتزوج..
ناظرتها: يعني تعترفين بعظمة لسانك ..ان الغربة والدراسة تحتاج زوج واستقرار..هذا وهو رجال ومعتمد على نفسه وعايش لحاله بالشرقية خمس سنوات ..يوم جاء بيسافر ..اصر انه يعرس..فمابالك ببنت ضعيفة ..اهلها رافضين سفرها وامها تعبانة بسببها..توها طالعة من تجربة قاسية وبتجدع روحها بمستنقع على بالها الهروب من الواقع هو الحل..
ناظرتني والشرر يتطاير من عيونها: ارجوووك ..لاتحاول تقلب الطاولة بوجههي ..انا مسافرة مسافرة باذن الله!!
كنت برد عليها لولا ان خلود دخلت علينا...شكلها غسلت وجهها وتوضت.. قلت : وينك ليش ماجيتي الاستراحة الخميس اللي طاف واللي قبله...
ابتسمت وهي تقول: مليت من مقابل وجيهكم ..قلت اقابل دروسي اصرف..واذاكر واتخرج وافتك...
..ياحبيلها هالخلود..حتى وهي ضايق صدرها ..تبتسم لك وتوسع صدرك ..ماطلعت على هالهولة هدى ..
استاذنت منهن ..وطلعت غرفتي..
دخلتها و كلام مشاري الليلة يدووور في بالي...
ياحليلك يابو سديم...والله مانتب سهل..
اخذت شور سريع ولبست بجامتي..وانسدحت على سريري..
وانا اتذكر ابو سديم ...يوم تقابلنا عقب صلاة المغرب..بالكوفي شوب..
فيصل: والله اني ضايقتن بي الوسيعة يامشاري..
مشاري: انا معطيك الحل ...بس واش اسوي براسك اليابس..
رفعت كوب القهوة..وشربت منه ..وانا ابتسم..
فيصل: لاتكفى ...الا العرس ...لاتجيب لي طاريه!!!
مشاري: ليش صغير...والا مابعد كونت نفسك..ماشاء الله ..تقدر تفتح اربع بيوت موب بيت واحد لو بغيت..
يالطيف..اربع بيووت ...لا الرجال ناوي علي نية قشرا...
ضحكت وقلت : والله ماتجي هالفكرة براسي ...الا وقلبي يبدا يرقع من الخوف..
مشاري يرجع راسه على ورى من الضحك: وليش!!
فيصل:الله يرحم والديك ..هالحين خليني احل مشاكل اهلي عشان ..ابلش عمري بمشاكل مع بنت الناس..
مشاري: يابن الحلال ومن قال مشاكل مع بنت الناس..الا وناسة بوناسة..
تنسيك همك وغمك..وتطير معها بحكايات الف ليلة وليلة ..اسأل مجرب..
قاطعته وانا اتنهد: ياشيخ خلها على ربك..والله اني بهّم..مايعلمه الا الله...
مشاري باهتمام: ليش عسى ماشر...
جاوبته: امي طايحة مريضة وهدى ..مهبلتن بي وقراراتها ...
مشاري: الى الحين ماانطحن الحب براسها..
فيصل: لا..تبي تسافر وتعيش لحالها ..ولالنا اي كلمة اوقيمة ..
ذبحتني هالهدى يامشاري ...ذبحتني جابتلي القولون والجنون ...
مشاري بكل عفوية : طيب زوجني اياها وارتاح...
طاح الكاس من يدي..الحمد لله انه تقريبا فارغ..
ناظرته : وشو !!! عد كلامك ماسمعت!!!
بابتسامة رضى وغرور : زوجني هدى وارتاااااااااح من همك...
حكيت ذقني..وقلت: لا الظاهر القهوة بها بلى...
ضحك وقال: وليش ..عاااااااااد!!
قلت : من صدقك تبي تتزوج هدى والا تمزح!!
قال: والله اني صادق..وبحطها بعيوني يافيصل...
ياحليله...الرجال شكله يتكلم جد....
شبكت يديني على صدري وقلت: وام سديم..توك تحدثني عن ليالي الف ليلة وليلة اللي عايشها معها ..
قال : ام سديم على العين والراس...
قلت : يعني..
قال: يعني انا مرتاح معها ...وبرتاح مع اختك..وبارك الله بمن جمع راسين بالحلال..
انفجرت اضحك..فيصل: لا والله مانتب صاحي... ماكفاك وحدة...تبي الغثاء ووجع الراس..وتاخذ الثانية...
ناظرني مشاري وهو جاااد: انا صدق مرتاح مع ام سديم...والمرة ماقصرت بشئ بس انا افكر بالثانية من زماااااااان ...هذا شرع ربي..
قلت له: شرع ربي ماقلت شئ ...بس فكر بهالموضوع زين..
يعني لاتنجرف ورى رغباتك وتنسى واجباتك...ومسؤلياتك..
مشاري: لاتخاف انا حاسبها زين ...
زوجني هدى والله ماتندم..باذن الله
قلت له: عاااااااد مالقيت الا هدى...
مشاري: وليش لا...وش ناقصها!!!
قلت له: ياخي محملتني سبب تعاستها بس لان خالد صديقي ...
تبني احط راسي بحبل المشنقة مرة ثانية وازوجك اياها..
مشاري: افا والله ماهقيتها منك...
ياربيه ....هذا فهمني غلط ...
فيصل: يابوسديم انت رجال ..والنعم فيك...والف بنت تتمناك ..بس هدى توها طالعة من تجربة قاسية ...وبعدين نفسيا ماهيب مستقرة ..انا وانا اخوها ماسلم من لسانها ..ياخوي والله اني لك ناصح ...كانك ملزم على العرس...خذ لك وحدة بدون سوابق...
مشاري: ايه هين هذا معك لانك اخوها....بس المرة مع رجلها غير ..وابتسم ...صدقني...كل شئ يتغير..انت فكر بالموضوع ...وشاورها وشاور الاهل...ورد لي
حطيت ذراعي تحت راسي...معقول مشاري يبي هدى...
طيب ...هو والنعم فيه ...بس ليته ينقذنا من سالفة السفر..بس وشلون نقنع هدى!!!
هدى غارقة بحب خالد..هالخبلة انا اشوف الناس تكره اللي يجرحها
ذي شكلها حبته زووووود...مسكينة والله..
مرت ببالي ايام زواجها..والله ماهقيت خالد يسويها..
كنت احسبه صدق يبيها..وذبحني لما تزوجها..
ويوم خطبها عاااااااد الله لايوريكم عسكر عندنا..
حتى عقب زواجها
حسيته فعلا مبسوط معها ومرتااااااح..مدري وش اللي صار..
الا وورقة طلاقها توصل باب بيتنا بدون اي سبب...
حتى بعد ماطلقها ..بفترة بسيطة ..شفته بالاستراحة ..
سالته ..وعمري ماراح انسى جوابه
"خالد بوجه جامد: ماكتب الله بيننا نصيب..."
فيصل: وليه عطيني سبب واحد اشرحه للبنت...فهمني ..غلطت بشئ..!!
قاطعني: حاشاها ..بس زي ماقلت لك..الله ماكتب بيننا نصيب..
على غفلة يعني..عقب فترة خطوبة اربع شهور وملكة شهرين وزواج ثلاث شهور توك اكتشفت..حسبي الله عليك ..دمرتها الله يوريني فيك ..
صحيح قطعت علاقتي فيه...
بس ..حتى هو انقطع ماعاد يتصل ولايسأل...
وهالحين مشاري...ياخوفي التاريخ يعيد نفسه...
وزي ماوثقت بخالد وخان ثقتي
اخاف من ابوسديم يسويها...غمضت عيوني وتنهدت بعمــــــــــــــق...
الله يدبر اللي فيه خير..........
مشاري عمره 35 سنة وعنده بنتين ...سديم 5 سنوات ورسيل سنتين...
*******************
*نهاية الحلقة الســــابعة*
والان
نجود..وهي تستعد لدخول القفص الذهبي..علاقاتها مع اخواتها واخوها!!
ماسر توتر علاقة نواف ونجود..!!
هل تتوقعون تستمر هكذا والا رياح التغيير بتهب على قلوب الاخوة...
ماتفسير حلم هدى!!!
هل يعني نهاية احلامها الوردية!!
هدى وعلاقتها بامها..ومرضها..وفيصل!!
وش تتوقعوووووووون!!
مشاعل ونواااااااف..والصراع الدائم..من سيضحك اخيرا!!!
قرار مشاعل بتغيير شكلها وحياتها..صائب ام قرار وقتي صادر من مراهقة مجروحة!!
فهد ونجود..واخيرا ؟..التقى الاحبة..والتم الشمل..هل للسعادة موعدا معهم
ام ان القدر له راي اخر!!!
هدى وخلود..والتقت القلوب المغدورة المجروحة..من يعزي من!!
واخيرا
خطبة مشاري لهدى..هل ستغير مجرى الاحداث!!
هل ستمنع هدى من السفر..!!
هل ستتنازل هدى عن خالد لتعيش حياتها..ام انها ستبقى مخلصة رغم الغدر!!
احداث كثيرة قادمة انتظروووووها مع
باقي فرح
باقي فرح ..
القصة اكثر من راااااااااااااااااااااااااااائعة ..
لي كم يوم استنى البقية ...عجلي لو سمحتي ....
ذوقك أروع ..
القصة اكثر من راااااااااااااااااااااااااااائعة ..
لي كم يوم استنى البقية ...عجلي لو سمحتي ....
ذوقك أروع ..
باقي فرح .. القصة اكثر من راااااااااااااااااااااااااااائعة .. لي كم يوم استنى البقية ...عجلي لو سمحتي .... ذوقك أروع ..باقي فرح .. القصة اكثر من راااااااااااااااااااااااااااائعة .. لي كم يوم استنى البقية ...عجلي لو...
باقي فرح
•
باقي فرح .. القصة اكثر من راااااااااااااااااااااااااااائعة .. لي كم يوم استنى البقية ...عجلي لو سمحتي .... ذوقك أروع ..باقي فرح .. القصة اكثر من راااااااااااااااااااااااااااائعة .. لي كم يوم استنى البقية ...عجلي لو...
هلا والله سماسم
ماقصرتي والله
ابشري :26:
ماقصرتي والله
ابشري :26:
الصفحة الأخيرة
بعد مرور اسبوع من هالاحداث...لم يتغير شئ يذكر...
خلود لاتزال في صومعتها الباكية.....
ونجود..تفكر بفهد وسفرها ومستقبلها معه..
هدى تتمنى السفروتفكر بمرض امها...وحلم ابوها يتراقص في خيالها..
فهد طاير للقمر من الفرحة ومشغوول بتخليص اوراق البعثة..
هيفاء..قللت اتصالتها بخلود..نواف وابوه والعلاقة المشروخة..
فيصل...مسكين هالفيصل...ضايع بالطوشة!!
*************
مشاعل
1.30 ظهرا
************
تصدقون موقفي بهايبر بنده..وسؤال الهنوف لي..عن العرس
حرك بنفسي شئ ..كثير
اميرووه البايخة ماقالت لكم وش كان يعلق عليّ هالتيس سلمانوه بالسيارة
والله كلما ذكرتها ..لطعت قلبي تقل جمرة..
"سلمان: والله مالوم هالشحاطة يوم انها انقطعت..الله يلوم اللي يلومها ..
نعنبو بليسك يامشاعل مابقلبك رحمة..مسيكينة ياما تحملت ..كفاها ماجاها..
مارحمتيها..قالت ارحم نفسي..هههههههههههههه
لا بس تعالوا شوفوا شكل مشاعل وهي تعرج ..هههههههههههاي
لولا خوفي من الفضايح لخالي سعود..كان صورتك بالجوال..
عااااااااد بهالبلوتوث ولا فضيحة شارع النهضة..رهيبة
بس شوفي تراي ماعرفك هههههههههه..حتى بتبرى من هنوووس خويتك!!"
هنووس ومنيرة مغشيات من الضحك..وانا بموووت من الحرة والقهر
ادري هو يمزح..هذا سلمان لو مايفك هالكشرة تجيه جلطة..
بس كلامه والله جرحني..جرحني..صحيح اهلي دايم يالبرميل ويالبرميل
بس عاااااد ..سلمانوه..وش خصه بي هالحماااااااااار
ياويلي لاتذكرت وشلون شايل الشحاطة ..
اموووووت من الفشيلة..الله يوريني فيك يالتيس..يومن اقشر..
ناظرت من دريشة السيارة ..
اشوف الزحمة والعالم..يالطيف..
لا ويبون الحريم يسوقون..حشى كان يسوقن طيارات يمكن..
عااااااد تخيلوا بالجو والحريم يسوقون..
وشلون الشباب بيغازلون هههههههههههه
كان تتكسر رقابهم ..ههههههه..وهم يطيرون بهالارقام وترجع عليهم
والله اني خطيرة..بصير عضو بمجلس الشورى..واقترح عليهم
وقفت السيارة قدام الباب..واخيرا وصلنااااااا..تعبااااااااانة اليوم
سبع حصص..مع النشااااااااط..يوووه متى تجي عطلة الصيف بس..وافتك..
نزلت من السيارة..ولحقتني بشاير
يالله والله الحررر شئ غير طبيعي..
صبخت الباب..وصرخت علي بشاير..
بشاير: هيه ..ياعمياء..باقي كيستي ماخذتها..افتحي الباب
مشاعل:والله!! شوفي يدينك اطول من الملاس..افتحي الباب بنفسك..
بشاير وهي تهز قرونها: على الاقل ملاس..مهوب تقل يدين مصارع..
هزيت راسي ..عادي يامشاعل..دام جسمك كذا ..
توقعي اي شئ من الناس حتى من هالعنز بشاير..
دخلت البيت ..ياسلالالالام ..
برااااااد..وريحة الغدااااء تشق الخشم..
جدعت شنطتي..وركضت للمطبخ...
مشاعل: يويلي على هالريحة..يمة ..بموووووت..من الجووووووع..
بسرعة حطوا الغداااااااااء
امي وهي تغسل يدينها من البزبوز..: مافي غداء الحين..اصبري لما يجي نواف..
مشاعل: ياسلام ..ومتى يشرف نوافوه..تراكم عاد معطينة اكبر من حجمه..حطي له غداء بالحافظة..وخلونا نتغدى..
امي: اذا حفظتي لسانج..يالملسونة ..وعرفتي وشلون تتكلمين عن اخوج الغالي..حطيت لج الغدااااء..
مشاعل: لا والله ..هو بس ولدك الغالي..وحنا..بالطقاق؟؟؟ نموت جووع ..نهلك..بستين داهية عشان هالاشهب نوافوه..
امي..وهي تطلع صينية الدجاج من الفرن..
امي: تبين تصيرين غالية احترمي نواف..!!!
اللي يبي يبرني ..يبر بنواف..قرة عيني..الله يخليه لي..ترى ماراح ينفعج بهالدنيا الا اخوج..
مشاعل: الله لايجدعني له..وش بينفعني بوه..بالتكفيخ والا التطنز..
دخلت خلوود..وهي تقوووووووول..
خلود: وش صاااااااير!! حسكم واصل للشارع..
مشاعل: تعالي شوفي امك..تبين غداء لازم تكتبين معلقات بمدح هالمروح نوافوه..
نواف: انا المروح..يالبرميل..!!!
امي التفت على نواف..وماتصدقووون وشلون هالضحكة والتهلي والترحيب..
حضنته..وباسته على راسه ولاتقولين..ابوهااااا..
امي: هلا والله بجدي..وشلونك يايمه..توه ماينور البيت يانور البيت..
انا انقهرت من تصرفات امي..تذبحني بهالنواف ..حراااااااام عليها والله
مشاعل: هاه يام نواف..هذا اللي بينفعنا ..والله بكرى بتتحسفين يمه
على هالتدليل الزايد و هالتفرقة العنصرية..تراه والله مهوب مدخلك الجنة..
والا نسيتي حديث الرسول صلى الله عليه وسلم..عن تربية البنات..
حنا بنصير حاجز لك عن الناااااااار ..مهوب.."واشرت عليه بطرف اصبعي.."
خلود: بس عاااااااد..والله الجني..وابوشمس..مايتقابلون هالاثنين الا يتهاوشون..
نواف: قولي امين ..جعلك للنار اللي تحرق قلبك يالبرميل..وقرب مني ..وشد اذني..وهو يقول..اذا هذا كلامك لامي..اجل وشلون تكلمين غيرها يالعنز..
صحيح ماتربيتي..
مشاعل: اتركني..يالاشهب..والله لاقول لابوي..والله متربية احسن منك يادلوع امك..
شديت يد نواف لما سحبتها من اذني..
ناظرت امي وانا اقول:شفتي ولدك الغالي..يسب تربيتك!!
امي: مشاعل وقص لسانج يالحمارة..صدق ماتربيتي..يالله فارقي عن وجهي ..واذا تبين غداء اول تادبي واعرفي وشلون تكلمين اخوج..ياقليلة الادب..
مشاعل: طيب..خير ان شاء الله...بيجي اليوم اللي اذكرك يام نواف..
قاطعتني خلود وهي تدفني بتطلعني من المطبخ: مشاعل..روحي غرفتك..وانا اجيب لك الغداء..الحين..
صرخت عليها وشلت يدها عني: ماااااااااااابي غداء..شوفت اخوك تسد النفس..خلي امك تفرح فيه..الله ياخذه ويريحنا منه..
امي بفزع: اسم الله علي وليدي ..الله ياخذك انتي ..عندي بدالك ثلاث..
وحضنت نواف هالشايب اللي اطول منها وهي تقول..
اشهد ان الله خلق وفرق بعيااااااااالي وهي تناظر نواف..وتناظرني..
طلعت وركضت فوق لغرفتي..
فتحت الباب...
..ودموع الالم والقهر..تسح على خدي..
جدعت نفسي فوووق سريري..
وانا اشاهق..انا مجروووحة..مجروووحة..احس بنار الاهانة ..تحرق جوفي..
ليش الكل يتطنز علي..
ليش الكل..يستهزئ بي..كبير وصغير..قريب وبعيد..
نقزت وجلست وانا امسح دموعي واكلم نفسي..
"انتي اللي سمحتي لهم يامشاعل..ايه..لو سويتي رجيم ونحفتي..ماراح احد يجدع حرف عليك..خلاص..انا قررت ابدا..من الان..يااكون او لااكون..بشوف انتي قد التحدي والا لا!!!!"
*****************
الاربعاء
فهـــــــــــــد
10.45 ليلاً
******************
ضربت يديني على الدركسون بعصبية ..مهيب معقولة هالزحمة بشوارع الريااض...يالطيف صار لي نص ساعة واقف عند هالاشارة ..تنهدت وانا اقووول "ريلاكس...يافهد...
انبسط واستانس كلها عشر دقايق ..وتكتحل عينك بشوفه الحبيب..."
لي ساعتين واصل الرياض..
مريت اهلي سلمت عليهم اخذت شور بسرعة
ولبست وتكشخت على الاخير ...ولاتقولون امير...
يحق لي مو اليوم الشوفة الشرعية...
وصلت لبيت عمي سعود..يووه والله مااذكر اخر مرة طبيت بيتهم ..
بس عااد الحين بكسر عتبتهم الين اخذ نجوووووود...بدا قلبي يدق ..
ااااخ منك يا نجود!!!
استقبلني نواف بكل برووود..والله ياها البزر ودي الفه بكف..تقل ذابح له احد...
و جاء عمي وهلا ورحّب بي..دخلنا المجلس وسولفنا..عقبها استاذن نواف وطلع ..احسن اقلب وجهك ..ابركها ساعة..
فجأة انفتح الباب...
حسيت بشعاع من النور يضوي المكان...
دخلت بهدوء..حالمة رائعة ...
سلبت فكري هالانسانة..حسيت قلبي وقف للحظة..
رمشت بعيوني ..حسيت بكهرباء تسري بجسمي..
"فهد ..تكفى لاتكون تحلم من كثر ماتتمناها...
لا ..والله هذي هي نجود..سبحان من صورها..."...
أعاهدك بالله أبقى أحبك
أعاهدك باللي زرع ودك
أصون حبك
أوعدك ما أتخلى عنك
أوعدك ماأخيب ظنك
وأبقى أحبك
أنا عايش بس عشانك
ولا أرضى أبد بدالك
أنا أحبك
هذا قلبي كله حلالك
وروحي بعد تفدالك
والله أحبك
أعاهدك ما أنسى هواك
أعاهدك ما أبغى سواك
لأني أحبك
تاملتها وكاني خايف اني انسى تقاسيم وجهها الفاتنة...
نعومتها رقتها ..كله كوم وصوتها الهاادئ يوم قالت:"تفضل"..كوم ثاني..
شفت اكواب العصير تتراقص ..بين يديها ..
خفت تنكب عليّ بس تفداك يانجود..
قلت بسرعة..: " تسلمين " واخذت اقرب واحد...
أنت عمري لو فقدته ما بقى لعمري وجود
وين أروح بكل حبي وأنت لأوطانه أمان
مال حبك يا عيوني في طرف عيني جحود
لو نسيتك مابقى لي وسط هالعالم مكان
لوبرق شوقك ينادي جاوبة شوقي نجود
أنت كل الناس عندي يابعد كل الزمان
راقبتها وهي تجلس بجنب ابوها..اوووه والله اني حسدته..
تكفى قم وخلني مكانك..
مدري كم جلست اتاملها..جمالها غير طبيعي..
رقتها بياضها ..وشعرها الاسود الطويل..لا..لا بس ماني واصفها اكثر...
اغار عليها اخاف يقرا هالقصة شباب..
صحاني من احلامي صوت جوال عمي اللي رن..عمي شاف الرقم واستأذن ..
يالله لك الحمد..تمنيت ادري منهو اللي دق عشان احب راسه..
وبدون شعور قمت وجلست مكان عمي...حسيتها جفلت ولصقت ظهرها بالكنب..ياحليلها مرتبكة ويديها ترتجف..
ابتسمت وانا اقول: وشلونك يانجود؟؟
بهمس : طيبة..
سمعتها بس قلت: هاه؟؟؟
عادتها: طيبة..
رفعت صوتي : وش تقولين..
رفعت صوتها شوي وقالت: طيبــــــــــة..
قلت: لا الظاهر عمي غشني....بيزوجني طرماء..
فجأة رفعت عيونها تطالعني...لحظة...
ياويلي وش هالعيوووون..وش هالرموش وش هالسحر ..
توني اصدق الشعراء يومهم يتغزلون بالعيون..
هي استحت من نظراتي ونزلت راسها...بخجل...
فهد ..: نجود.. ..تكفين ..ارفعي راسك..
بس مارفعت راسها..قربت منها..
فهد: ارفعي راسك والا ترى برفعه بيدي...
نزت ورفعت راسها بخووف وهي تناظرني وتتنفس بسرعة...
ضحكت وقلت : توني اصدق ان الحريم مايجون الا بالعين الحمراء...
واخيراً..ابتسمت ..ااااااااااه ياربي ذبحتني هالابتسامة..
...اااه اااه الله يعينك ياقلبي...
احبه من اول وتالي زاد الحب فينـي....
عشقه سرى بداخل عروقي والوريـد ......
لحظه يطري علي نار الشوق تكويني......
كيف لا صار طاريه عن بالي ما يحيد .....
احبه واحـب انـه بحبـه يحتوينـي......
ابي حبه يكون لي من نوعـه فريـد ......
ابي اكون بدنيته دنياه واعطيه سنيني.....
وارخص له عمري وعيني وكل مايريد.....
***************
بنفس المكان والزمان ..ولكن ببحر من الاحزان
ترددت نفس الكلمات "...ااااه ...ااااه الله يعينك ياقلبي.."على لسان خلود.. بس شتان بين قلبه وقلبها...
كل دموعي اللي ذرفتها يوم طعني فهد...
ماتساوي دمعة من دموعي اليوم...
وانا اشوف نجود تلبس وتتكشخ والابتسامة شاقة حلقها...
تنهدت وبديت اشاهق ..
حطيت يديني على راسي...ياربيه ولمتى ياخلوووووووود...
ياليته كابوس واصحى...لكن للاسف شفته بعيوني...
حسيت بنار الغيرة تحررررررررررق جوفي...
فركت كبدي بالارض..وصحت ..
غرقت سجادتي بدموووعي..ياربي موتني وريحني..
خلالاص ..تساوت عندي ...
حلمي ..وانتهى..وحبي ..واكتوى..
سو اللي براسك ولاتذكر اسباب...
لاصرت بايعني توكل على الله...
مابيني وبينك مشاريه وعتاب...
شف دربك الي جيت منه تدله...
ماراح تغلبني لو الحب غلاب...
من حضرتك عشان قلبي تذله...
رح واعتبرني واحد اذنب وتاب...
ماني بثوب تلبسه ثم تمله...
مايجتمع بالحب صادق وكذاب...
رزقي على الله وانت رزقك على الله...
غصبن علي...لما رن الجرس..طفيت النور..
ووقفت بدريشتي اللي تطل على حوش الرجال..
شفته يدخل..وابتسامته ماتقل عن ابتسامتها..بدا قلبي يدق بقوووووووة
حطيت يدي على اثمي..اكتم صرخة الالم ..والقهر
حسيت بنفسي ..انقاد لحبل المشنقة..
تلمست رقبتي...بتموتين ياخلووود...
غمضت عيوووووووووني...بالم
كم تمنيت هالزيارة منك يافهد..واشوفها صارت لغيري..
"خاااااااااااااااين ...خاااااااااااينة ...خااااااااااينين..
اكرهكم ..اكرهكم ..ليش تسووون بي كذا ..ليه حراااااااام عليكم...وش سويت بكم..
ارحمووووني...ارحمو ضعفي وحبي..."
اون وريـــــــاح الــلــيـالـي تـــونِـــي""
والـبرد فـي جـوفي كـما الغار خاوي
مــاكـن لـــي عــقـل ولا قـلـب كـنـي ""
جــذعٍ وقـف فـي وجـه الأيـام ذاوي
وبـــي عــبـرة مـحـبـوسةٍ تـمـتـحني""
وفي عيني وحلقي وصدري شكاوي
وبــي مـن قـديم الـوقت جـرحٍ مـكني""
وبـي مـن جـديد ايـام وقـتي مـكاوي
إن قـلـت زانــت خـالـف الـوقت ظـني""
وإن قـلـت هـانـت عـاجـلتني بــلاوي
أجـــامـــل ايـــامـــي ولا جــامــلـنـي""
هـامـت بــي الـدنـيا هـيـام الـخـلاوي
الــوقــت جــايـر والـلّـيـال اسـهـرنـي""
والـحـزن مـا بـين الـضلوع مـتلاوي
أون وكــــلٍ يــحـسـب انــــي اغــنـي""
عـلـيل وكــلٍ يـحـسب انــي مــداوي
وبقمة حزني والمي وضعفي ..تذكرت عمتي هدى..
معقول حست باللي حسيته يوم تطلقت..
معقول حست بالغدر والالم والقهر ..زي مااحسه يطعنني الحين..
فجأة قررت ..قمت وغسلت وجهي..
ولبست وحطيت شدو اسود يخفي ورم جفوني الباكية وقلووس..
لفيت شعري وربطته بشباصة..ناظرت روحي بالمراية..
تاملت وجهي ..ليش وش ناقصني يوم انك ترفضني ..
وتفضلها علي.. والله اني ...خلاص..ماعاد ينفع هالحين ياخلود شئ..
تنهدت ..نزلت ..لقيت امي وخواتي ..طبعا باستثناء الخاينة..هذي مو اختي..
تكفين يااميرة قولي لهم ...لايلوموني..اللي يده بالنار مو زي اللي يده بالماء..
قلت وعبايتي على ذراعي: يمه ترى بطلع..
امي باستغراب: على وين بهالليل!!
خلود: بروح لبيت امي لولوة وبنام عندهم..
امي: ومن بيوديج..!!
قلت: شاكر..
امي: لاوالله ...بهالليل تبين تركبين مع شاكر بروحج...
قلت لها: لا طبعا ..ابنادي سيتي..
امي: لا دقي على اخوج...شوفي وينه ...يجي يوديج...
قلت لها : ماني منتظرة لما يتكرم نواف ويرد علي..
وناديت سيتي...وجت تركض ..
قلت لها تروح تلبس عبايتها..بسرعة..
لحقتني امي: خلود..وش طاري هالزيارة بتالي الليل...
خلود: بس اشتقت لامي ولعمتي هدى...توصين على شئ ..وحبيت راسها..
امي:سلامتج.. سلميلي عليهم وانتبهي..لروحج...
وطمنينا على امج سمعت انها تعبانة.. ان شاء الله بكرى نروح لها.....
بشاير: برووووح معها.. يمه..
امي: لا ..مافي رووحة..بكرى بنروح كلنا
بشاير بزعل:ليه...وش حيتها يمه ...
لفيت شيلتي...ولبست عبايتي ودقيت على شاكر..
وصلت لباب الحوش.. حسيت بأحد جاي من وراي ..
يمكنها سيتي ..لا ..من خفقات قلبي المجنون ..
عرفت من يكوون...حسيت بحرارة ويديني ارتجفت..
غصباً عني التفت ..شفت فهد ...
ارتبك وشكله بيرجع ..قلت بسرعة: مبرووووك يافهد..
فهد:..الله يبارك بك..عقبالك ..يا...خلود
لاتسالون عن احساسي يوم قالها ..
لا والمشكلة حاطة شدو اسود ..يعني وجهي صار رماااااااادي هالحين...
ركبت السيارة ..وانا اهز من الصياح فكرت اغير فكرتي وارجع للبيت ..
خلاص شوفته وكلمته سدت نفسي...بس قلت لا...
لو رجعت بشوفها وبمووووت الف مرة ...