باقي فرح :

تابع خلود <<طولتيها عااااااد ههههههههاي ******************************** ^ ^ ^ تقلبت بفراشي..والطق اللي على الباب..احسه بدماغي.. قلت: ميـــــــــــــــــــــــــن؟؟ سمعت صوت..بس ماتاكدت..مين!!! رجعت اغمض عيوني يوم شفت الساعة 11 الاربع...زين يعني مابعد اذن الظهر.. رجع الباب ينطق بقوووة اكبر.. لاشعوريا..قمت..وعيوني مغمضة..ماشوف اللي قدامي.. فتحت الباب.. قابلتني ابتسامتها...الداااااااااااااااافئة.. حطيت يدي على جبهتي..وفركتها ورجعت اناظر الارض..ثم اناظرها... رمشت بعيوني..لااكون احلم!!! فركت عيوني..تعرفون اللي يصير توه قايم من النوم... لا..ونايم وهو يصيح..وقايم على طق قوي!!! نجود: خلود!!!...ممكن ادخل!!! فتحت الباب على مصراعيه...وعيوني..معلقة بعيونها... دخلت..وريحة عطرها تداعب خشمي..وتوصل لاعماااقي.. سكرت الباب..وقفلته...ومسكت يدي..وجرتني لما جلستني على السرير وجلست.. فتحت اثمي..من الصدمة... ابتسمت..نجود: اسفة..ياخلود قومتك من النوم...بس..عندي كلام لازم اقوله قبل لااسافر!!!..والا ماتبين تودعيني!!! كاني توني ادركت ان نجود بتسافر لندن اليوم!!! امتلت عيوني دمووووع نجود: لا... ياخلود...بلاش دموووع تكفين..!!! خلود: نجـ.........ــــود... ضغطت على يديني وهي تقول: نعم..ياروح وقلب نجود هزيت راسي موب مصدقة..ودارت عيوني بارجاء غرفتي... لا...اكيد انا احلم...انا..احلم ان نجود...تجيني..وتقول لي هالكلام.. رجعني صوتها وهي تقول: خلود...مدري وشلون ابدا... خلود: ................ ناظرت نجود الارض..لفترة بعدين رفعت عيونها ...وناظرتني بكل امعااااااان..وقالت: شوفي ياخلود..انا صحيح انصدمت بالحقيقة يوم سمعتها..بس ارجوك لاتلوميني..لاتلوميني..انا بشر..انا عندي مشاعر تحملها اي بنت ليلة زواجها.."وسكتت تلعب بدبلتها..ثم رفعت راسها وواجهتني"..ولهالسبب طلعت من غير ماودعك ..امس بالفندق..كنت ضاااااااايقة منك..ضايقة بشكل..مقدر اوصفه بس ارجوك..تفهمي شعوري!!..يكفي انك خبيتي عني كل هالوقت..يكفي انك.. قاطعتها:كملي..انا مالومك..مالومك يانجود.... قالت بسرعة وكانها بتجدع هم الكلام: طلعت ..وتواجهت مع فهد..وعقبها دقيت عليك..بس لقيتك مغلقة جوالك... شهقت..وحطيت يدي على اثمي... هذا اللي خفت منه!!! هذا اخر شئ اتمنااااااااااااااه.. غمضت عيوني ..وسالت دمعة عاندتني.. شديت نجود على اصابعي وقالت: اسفة..بس ماكان قدامي..غير هالخيااااااااار.. فتحت عيوني..وقلت: وش قلتي له!!! نزلت نجود عيونها على الارض: كل شئ...كل شئ!!! الصدمة الجمتني!!! تيبس الدم بعروقي...فهد مادرى بحبي يوم كنت احبه...ودرى يوم صرت اكرهه..اكرهه..اكرهه يانجوووود..والله العظيم اكرهه نجود: ادري الموضوع صعب عليك...بس امس كان حالتي مايعلم بها الا الله..والرجل..ضغط علي..يبي يعرف..السبب ناظرتها وقلت: و...وش قال؟؟ ترددت نجود..وشالت عينها عن عيني..وهي تقول: موب مهم وش قال..بس.. خلود: نجود!!!..زي انه موب مهم اعرف وش قال زوجك..يوم درى اني كنت احبه..مهم انك تعرفين اني اكرهه الحين...اكرهه بقد ماحبيته بيوم من الايااااااااااااام نجود: لالالالا...تكفين ياخلود...لاتكرهينه..هو ولد عمك..مهما صار..وزوج اختك حسيت بقلبي ناااار..وانا اتخيل..فهد يقولها لنجود.. ارتجفت اطرافي والتفت عليها وكل خليه بجسمي تنطق بالالم احس بالاهااااااانة...والذل...لانه عرف ..عرف كل شئ!!! قلت: نجود..مايهم شعوري تجاه هالانسان...ابدا موب مهم...المهم شعورك تجاهي..ايه..ابي اعرف شعورك تجاهي الان!!!!نجود..تكفيين..انا مابي من هالدنيا الا فرحتك...اللي خربتها..بيديني ...بغباءي..بسذاجتي يوم حبيت انسان عمره مافكر فيني.. وقفت نجود..وحضنتني.. بقوووة على صدرها.. وقالت: وتشكين بغلاك عندي ياخلوووود!!!..انا مانهارت اعصابي الا من غلاك بقلبي..وغلاته...انتي اختي ..وصديقتي..ورفيقة دربي..واللي صار لاهو بيدك ولابيده..هو ماله ذنب..مايعرف باي شئ..خلود...تكفين لو موب علشانه..علشاني..حبي فهد ..زي ماتحبين فارس..وزياد..حبيه زي ولد عمك ورجل اختك.. وابعدت عني..وعيونها مليانة دمع نجود: ادري..كانت صدمة قوية لك..ادري كان صعب عليك..انه يتزوج اختك.. قاطعتها:لالالالالا...هذا اول..لكن موب الحين..نجود صدقيني..والله العظيم..كل شئ تبخر من قلبي..وكانه سحابة صيف...امطرتني هموم واحزان وتلاشت.. ابتسمت نجود: وانا زدت احزانك بموقفي السخيف امس..انا اسفة اسفة ياخلووود...والله انك ماتستاهلين ..بكرى بيجيك..نصيبك اللي ينسيك كل هالالم..صدقيني ياخلود..اتمنى لك الخير من كل قلبي.. حضنتها وانفجرت اصيييح: ساااااااااااامحيني ساااااااااامحيني يانجود...ماكان قصدي..والله العظيم ماقصدت ازعلك.. ناظرتني نجود: تدرين وش اكثر مازعلني...ليش..تخبين عني..وتقولين لهيفاء!!!! خلود: هيفاء..تعرف بكل شئ..لانها اخته..وصديقتي.. سالتني : ومن غيرها يعرف!! نزلت عيوني وقلت: عمتي هدى!! نجود: بـــــــــــــــــــس؟؟؟ رفعت عيوني: والله العظيم بس..والحين انتي وفهد.. ضحكت نجود..بكل عذوبه وقالت: لا...ولايهمك ...سرك ببير..واصلا..حنا بنفتح صفحة جديدة..والا وش رايك!! سحبت نفس طوووويل..وقلت: يااااااااااااااليت... حضنتها وقلت: ساااااااامحيني..سااااااااامحيني.. نجود: والله العظيم مابقلبي عليك الا كل خير.. تنهدت بارتيااااااااااااااح.. وجدعت روحي على الكرسي..ومديت لها الخاطرة اللي كتبتها امس.. وقلت :تفضلي..كتبتها بدمووعي امس.. نجود: والله؟؟ اخذتها..وقراتها..وامتلت عيونها دمع.. مدت يدها واخذت عطري..ورشت منه على الورقة..وطوتها ودستها بشنطتها.. وقربت مني وحضنتني ..واختلطت دموعي بدموعها نجود: يابعد عمري ياختي..والله ماتستاهلين خلود: ااااااه...خليه على ربك.. نجود:تدرين ..بكرى ..بقراها..عليك..وبنضحك لما نتذكر هاللحظات .. خلود: الله العالم..وش يخبي لنا بكرى.. ابتسمت نجود..ابتسامة ذات معنى وقالت: كل خير..كل خير..خصوصا اننا كلنا بنجتمع بالشرقية باذن الله.. ناظرتها بتشكيك: بنجتمع بالشرقية!! ناظرتني باتهام ..وابتسمت: يعني يقالك مستحية!!! قلت: وش متسحية منه!! نجود: يعني ماتعرفين ان سلطان ولد خالي ابراهيم خاطبك!!! **************** نهاية الفصل الثاني من الحلقة الثانية والعشرون

تابع خلود <<طولتيها عااااااد...

باقي فرح :

.•:*¨`*:•. الحلقة الثالثة والعشرون .•:*¨`*:•. ******************* هدى ******************* فتحت باب الفرن...وطلعت صينية المكرونة بالبشاميل.. حطيتها على الطاولة...ورفعت يدي اشوف كم الساعة..ابشوف يمديني اخذ شور..قبل لايجي..مشاري..من دوامه.. ماباقي الا ربع ساعة...لا..مايمديني.. رشيت وجه الصينية ..جبنة موزريلا..وسمعت صوت التلفون يرن..رجعت الصينية للفرن..وطلعت للصالة وانا امسح يديني بالفوطة ..ويوم وصلت التلفون..سكت.. دخلت غرفتي..وبدلت ملابسي..وحطيت عطر خفيف..شريته من نكتار قبل امس..يجننننن... ويوم سمعت باب البيت ينفتح...ركضت..ارتب شعري..واحط قلوس.. طلعت والابتسامة ترتسم على شفاي.. تلاقت عيوننا....سحبت نفس طوووويل..مدري..وش هالاحساس اللي يسري بعروقي..الغريب ان مشاعر المحبة اللي كانت تجري بعروقي لخالد...غير هالمشاعر اللي تسري بعروقي الان ..بمجرد شوفه مشاااااااااااااري..ياترى..وين الحب!!! معقول !!..معقول..تكون مشاعري الان انضج..واعمق..مماكانت عليه قبل سنة!!!..يالله...سبحانك..وشلون تغير الحال من حال الى حال.. تاملته..وهو يشيل شماغه..ويعلقه.. هدى: مساك الله بالخير.. رفع عيونه..وناظرني..وكانه اول..مرة يدرك اني موجودة ببيته.. مدري ليه انقبض قلبي..من نظراته ..اللي شملتني بكل عمق.. دخل يدينه..بشعره..بفوضوية..وزفر..بعمق.. تسارعت دقات قلبي..وتلاحقت انفاسي.. لايكون عنده خبر عن امي..ومحتار وشلون يقول لي... حطيت يدي..على كتفه وقلت بقلق: مشااااااااري...عسى ماشر!!! ناظرني..وقال: سلامتك ياحبيبتي... هدى: م..مـــ....مــــشاري...وش بك!!! ابتسم بكسل: جوعااااااااااااان...حطي لي الغداء!!! هدى: الغداء جاهز..بس.. وقف وهو يمسك يدي..ويجرني وراه..للمطبخ... مشاري: الله...وش هالريحة!!!...اقول ربي رزقني طباخة!!! سحبت يدي..وواجهته..وقلت: مشاري..وش صاير!!..امي به شئ؟؟؟ ناظرني بحيرة وهو يقول: امك!!!...ليش سامعة شئ!!! انحبست انفاسي.."سامعة شئ"..وشلون ؟؟...لا... تجمعت الدموع بعيوني وقلت: وش به امي..يامشاري..تكفى قلي..تكفى!!"وانا اهز يدينه بكل قوتي" مسك كتوفي وهو يقول: امك طيبة...انا ماكلمت فيصل..عقب يوم حنا بجدة..وماسمعت الا كل خير.. ناظرته برجاء..وتوسل..وشفايفي تهتز: قل والله؟؟؟ سحب يده مني وهو يقول: ابكذب عليك يعني!!! هدى: اجل وش بك!!! مشى خطوتين ...وعطاني ظهره..وفتح الثلاجة..وهو يقول: مابي شئ.. هدى: انا موب غبية!!..انا عارفة انه فيه شئ!! التفت علي..وعلبة العصير بيده..يرجها: ايه فيه شئ..بس ..مابوه داعي تشغلين بالك..ممكن تحطين لي الغداء.. طلعت الصينية..والصيحة ترقى بصدري وتنزل... مدري..احس بضيق..من كلامه!!..طيب..حتى لو ماكانت امي..يحق لي..اعرف وش مضيق صدره..موب انا زوجته!!!.. حطيت الصحون على الطاولة... ورحت اجيب الملاعق..وانا ماشوف الدنيا ..من دمووعي..اللي اداريها لاتنزل.. سمعت صوت التلفون..فرحت..خليني اطلع قبل لاتفضحني..هالدموووع.. طلعت اركض... رفعت السماعة..وانا امسح دمعة نزلت... هدى:الووووووووووووو ........................... هدى: الووووووووووووووو.. طوووط طووط طووط ناظرت السماعة عقب ماقلبتها باستياء بين يديني... ورجعتها لمكانها..ناظرت وجهي بالمراية ... واخفيت معالم دمووووعي.. بعدما استقريت على الطاولة.. مديت يدي..واخذت صحن مشاري... مشاري: من اللي متصل؟؟ هدى: سكرها!!!.. رفع مشاري..عيونه..وتسند على الطاولة بمرفقيه..وقال: ليش؟؟ هدى: وانا وش دراني...اربي خلق الله؟؟ مشاري: اقصد..ليش..تكلمتي..والا كنتي ساكتة وماسمعك!! حطيت الصحن قدامه وقلت: قلت الوووو...مرتين... ضاقت عيون مشاري..وهو يقول: اااااااه.. ^ ^ ^ احس بشوووق للغالية.. ياما حلمت بها..وقمت وانا ماشبعت من شوفتها.. مع انه لها عشر ايام من سافرت..بس والله احسها عشر سنين.. نقزت واخذت جوالي وناظرت ساعتي..زين الحين عندهم العصر.. دقيت على جوال فيصل بامريكا.. رد علي على طووول فيصل: هلا والله .. هدى: السلام عليكم فيصل: وعليكم السلام..حيا الله العروووس هدى: خلاص..صرت قديمة..وشلونك ..ووشلون امي!! فيصل: بخير..بخير..ياهدى هدى: صدق والله؟.؟ وشلونها..طمني عليها.. فيصل: والله طيبة..بس..تنشد عنك دااااااااااايم.. امتلت عيوني دمع..وخنقتني العبرة..رفعت عيوني اللي احرقتها حرارة دموووعي.. وقلت بصوت مخنوق: و...و...والله..والله...ماغابت عن بالي لحظة.. فيصل: الله يرزقنا برها ورضاها...وشلون مشاري.. مسحت عيوني..وقلت: طيب.. فيصل: هاه..مانتب جايين تاخذون شهر عسل بامريكا!!! هدى: الله يدمرها..ويحفظكم وكل المسلمين... فيصل: امييين..بس اوووص..لايصير الخط مراقب.. هدى: اقول..فيصل..ودي اكلم امي.. فيصل: والله انا برا المستشفى..لارجعت دقيت عليك.. هدى: الله يجزاك خير.. فيصل: توصين على شئ؟؟ هدى: سلامتك...انتبه لنفسك..وانتبه لامي..الله يردكم سالمين غانمين.. فيصل: جزاك الله خير..سلميلي على مشاري..بامان الله.. من قفلتها من فيصل ..وانا احس بشئ يخنقني.. صحيح فيصل طمني على امي..بس قولته انها تنشد عني..هزت رووووحي..يابعد قلبي يايمه.. غمضت عيوني..وانا اذكر كلامها..وهواشها لي..اذكر..نصايحها..وضحكاتها..كل شئ..يذكرني بها.. الله يخليها لنا يااااااااااااااااااااااااااااااارب ^ ^ ^ تقلبت بفراشي..ماجاني النوم.. استلقيت على ظهري...ودقات الساعة..يتردد صداها...بروحي.. مديت يديني..لقيت مكان مشاري..خاااااااااااااوي.. تسندت على مرفقي..وفتحت الاباجورة..اللي جنبي.. غمضت يوم انتشر النور بعيوني.. فتحت عيوني بشويش..وناظرت الساعة.. شهقت يوم شفتها ثلاث..الفجر!!... وين مشااااااااااري!! لبست روبي...ولفيته علىّ..بكل احكام.. فتحت باب غرفتي..وطلعت.. طليت من الدرابزين..وكاني سمعت همهمة.. نزلت بشويش..على اطراف اصابعي.. وصلت الصالة..لقيتها فاااااااااااااااااااااضية.. وصلني الصوت بشكل اوضح من جهه مجلس الرجال.. مشيت بشويش..حتى وصلني صوته بكل وضوح.. تسندت بجسمي على الجدار.. وكلماته..تتخلل..مسامعي.. مشاري: والله العظيم...اني احبك اموووت بك...صدقيني..حبك بقلبي يزيد..والشوق..محرق قلبي.. "حطيت يدي على اثمي..وارتجفت اطرافي.." مشاري: ومن قال؟؟؟ والله اني احلم بك...ليل..ونهاااار...ماغبتي عن بالي لحظة.. "غمضت عيوني..ورصيت راسي..على الجدار البارد..اخفف حرارة دمووووعي" مشاري:افهميني...انا محتاجكم..محتاجك محتاج بناتي..احس بفرااااااغ بغيابك..عفراء..مكانك..مافيه غيرك..يملاه..عفراء..جربيني..صدقيني..والله ماراح اقصر معك.. انا ابيك..ابيــــــــــــــــــك...ياعفراء..وحشتيني..و حشتني حياتي..معك..عفراء تكفييين حني على قلبيّ.. "صعب..صعب اوصف شعوووري ..والسكاكين تنغرز بقلبي..وروحي..وفؤادي..صعب..اوصف شعور الغيرة اللي اشتعلت بكل ذرة بكياااااااااااااااني.. حقك ومن حقك تحدد مصيرك مانته على حبي مكلف وملزوم ان كان هجراني يريح ضميرك أناأعتبر ماصارلي منك مقسوم الحظ ألي جابك يجيب غيرك وأنا أدري أن الشي لايمكن يدوم تمسكت بالجدار..قبل لاانهااااااااار" مشاري: انا قلت لك..الف مرة..زواجي..بها "حطيت يديني على اذاني...خفت من المصيبة..خفت من الصاعقة اللي بيقولها مشاري لها..ليش؟؟ ليش...تزوجني!!!! اكيد رحمة!!!...لا...اكيد...كانوا على خلاف..وصرت انا عصا الجلاد...لا...لا...ليش...ليش...تزوجني!!!...لا يكون فيصل ...اهداني له!!!..كل شئ..كل شئ..ممكن..بس..الاهم اني تزوجته!!!..وياليتني..وياليتني..حتى ماحس بهالنااااااااار اللي احس بها الحين..يحس بالفراغ معي!!!...يحتاجها!!..يحلم بها ليل نهار..ماتغيب عن باله ..حتى معي!!!" حرارة الدموووع اللي احرقت جفوني... اجبرتني..ابعد..واهرب من هالجحيم... ياليتني نمت..ولا سمعت يالتني لو مانمت..جلست بغرفتي...ومانزلت... ياليتني..عشت على امل...ولا انصدم بهالحقيقة!! وقفت ..واطلقت لرجليني العناااااااان...والالم اللي بقلبي..يفتت ضلووووعي..وانا اركض..والدموووع تملى عيوني.. ماشوف اللي قدامي..صدمت بتحفة خزف بوجههي.. وطاحت على الرخاااااااااام..مدوووية صوتها بارجاااااااااء البيت... شهقت..وكملت طريقي.. وانا اصعد الدرج..وصلني صوته يناديني...هــــــــــــــــــــدى.. دخلت غرفتي...وجلست على السرير... رفعت يديني..وشفتها تتنافض.. والبرودة تسري بعروقي...حتى جمد الدم...يوم انفتح الباب..بكل قوة..وتلاقت عيوني بعيونه وقفت وانا اصرررررررررررخ "ولا.... كلمــــــــــــــــــــــــــــــــــــــــة"

.•:*¨`*:•. الحلقة الثالثة والعشرون...

باقي فرح :

************ خلود ************ فضيعـه لعبـه الدنيا .. شنيعـه صدمـه الإنسان !! خـــصوصًا لا تلقاها من أقرب وأصدق إنسان !! التفت على امي..بعدما سكرت نجود الباب... شفتها تتمسك بالدرابزين..حتى طاحت على العتبة تصييييييييييح... ركضت لها..وحضنتها..على صدري... بللت دموعها...روحي..وقلبي.. حسيت بشهقاتها تتخلل اعماااااااااااااااقي... غمضت عيوني..ومرت لحظة يوم خميت نجود..وانفجرنا نصييييح... ااااااااااه...كل شئ يهووون الا دمعة امي.. حضنت وجهها بكفوفي..وابتسمت..والدموع تبلل وجنتي.. خلود: يمــــــــــــــــه... ماردت علي..الا بدمعة رفعت راسها ..تحاول تداريها... مسكت يدها ..وقبلتها..وانا اقول: يمه..وليه تصيحين!!!! هزت راسها..وحطت يدينها على جبتها.. وشهقت وهي تقول: غاليااااااااااااات...غالياااااااااااااات يابناتي... خلود: وانتي اغلى يايمه...وترى دمعتك حيل غالية.. اسندت امي راسها على الدرابزين..وقالت: اااااه...البارح قدام عيني..تلعبن..وتضحكن..واليوم.."وانفجرت تصيح" جلست جنبها ..وحضنتها وقلت: واليوم؟؟ رفعت عيونها وناظرتني: واليوم..تغيبن عن ناظري..وش دنيتي بدونكن!!! خلود: الله يرزقنا رضاك يالغالية...هذانا عندك..كان وحدة راحت باقي عندك ثلاث... حطت امي يديها على وجهها..وانفجرت تصيح... امي: يامسرع..مايفضى البيت علي!!! وصلنا صوت مشاعل وهي تقول: الله ومتى يجي ذاك اليوم يايمه!! التفت عليها..لقيتها واقفة باول الدرج..وعيونها حمراء.. ابتسمت وقلت: الله كل ذي دموووع عشان نجووود!!! نزلت وهي تقول: لا..اجل عشان فهيدان!!!... مطيت شفايفي وانا اقول: فاضية... نزلت وتربعت قدام امي..وقالت: ياليتني فاضية...الا والله شحوم ولحوم.."وجرت طرف جلابية امي"...يمه..يمه... رفعت امي راسها ..اللي حاطته بين يدينها.. مشاعل: يمه...ودي اروح لهنوف...ضايق صدري..طفشااااااااااااااااااااانة امي:رايقة والله... مو وقتج.. مشاعل: تو تقولين..مسرع البيت بيفضى..ترى بتتحسفين اذا فضى بتقولين..ياليتني..ماعييت على شعولة.. وقفت امي..وهي تقول: شعولة...وخري عني .. مشاعل: ترى برووووح...مع شاكر..اذا ودى خالاتي للمطار... امي: بدال هالسوعان...روحي شوفي اخوج..خاس..من النوووم...روحي صحيه يصلي الظهر... نقزت مشاعل: عسى تبيني اطلع بهالقايلة اقوووم..نوافوه... امي: وخير ياطير... مشاعل: سوري..يمه...مانيب رايحة...قولي لبشاير... امي: اعرف اقول لبشاير...يالله قومي...وخلي عنج ..هــ قاطعتها مشاعل: والله ماااارروح... امي: مشاعل؟؟؟؟؟؟؟؟ مشاعل: يمه..مايستاهل ولدك..هالاثول..امس مفشلني قدام فوز بكارفور..."وقلدت صوت نواف"..امشي قدامي يالبرميل.. امي: دواج...من قالج..اصلا تروحين لكارفور..هاه؟؟؟ وقفت وقلت: خلاص...انا بروح اقومه..بس فكينا من هاللسان... لبست شبشبي..ورحت للملحق..اصلا..مشاعل مسوية لنواف حظر تجول..عشان بنات خالي نايمات عندنا... وعلى الساعة 11 جاء سلطان واخذهن...لانهم اليوم بيرجعون للدمام.. وصلت باب الملحق...طقيته...وطقيته... خلود: نوااااااااااااااااااااااااااف... ماسمعت الا صوت المكيف.. فتحت الباب..ولميت كتوفي من البرد..ااااااااااح..حشى ولا القطب الشمالي... سكرت المكيف...وجريت اللحاف عن نواف... نواف: اقلبي وجهك... خلود: قم صل الظهر...الساعة 12 ونص... نقز..وقال: وشوووووووو...كم الساعة!!! رديت باستغراب: 12 ونص... وقف بسرعة..وقال: راحت نجود!!!!!!!! خلود: توها طالعة من نص ساعة... نواف: ومتى بتروح للمطار خلود: خلاص...راحت.. التفت عليّ..وقال بعصبية: يعني انا طرطور عندكم!!..مافيه احد قومني اودعها...لهالدرجة مالي قيمة..وجودي زي عدمه!!!! خلود: الله يهديك..ومن قال...بس كنا لاهين مع نجود.. طلع وصفق بوجههي باب الحمام.. فتح باب الحمام ...شكله متوضي..ويمسح وجهه بالفوطة.. خلود: بتروح للمطار؟؟ نواف: عندك مااااااااااااانع!!!.. خلود: ودي اروح معك.. رمى الفوطة على الكنب..وقال: ليش..ماودعتيها... جلست على الكنب..وتجمعت الدموووع بعيوني..وقلت: ودي اشوفها..ودي اكون اخر..من يودعها... نواف..وهو يسكر ازارير ثوبه: الله الله على الحنية..ومن متى ؟؟ خلود: نوااااااااااااااااااف!!! نواف: خلاص..بسرعة البسي عباتك...تراي بطلع الحين... ^ ^ ^ بالسيارة...التفت على نواف..وقلت: ممكن تسكر المسجل.. نواف: وشووووو خلود: طف هالاغاني تكفى!!! مد يده..وسكر المسجل... خلود: ممكن اكلمك..بموضوع خااااااص... نواف: تفضلي.. خلود:نواف.. الى متى...علاقتك بابوي.. قاطعني: سكري الموضوع..لو سمحتي.. خلود: نواف..ترى اللي تسويه بابوي.. قاطعني من جديد: قلتيها ابوك...انتي...موب انا... خلود: وش هالخرابيط!!! نواف: اسالي ابوك... خلود: انت ماتنسى...ماتسامح...قلبك..لهالدرجة قاسي!!! نواف: مدري..انتي توصفين قلبي..والا قلب ابوك... خلود: ابوي..اوابوك...محتاجك..خلاص..يانواف.. نواف: اسف...انا ماعندي ابو.. خلود: والى متى!!!...تستمر علاقتكم بهالشكل نواف: لاتخافين.. موب مطولة... خلود بفرح:صدق..والله؟؟.. نواف: لاني قررت استقر بجدة.. صرخت به: جدة؟؟؟؟؟؟؟ هز نواف راسه بالايجاب.. خلود: وليييييييييييييش... تسند نواف..على المرتبة وقال: ابي ارتاااااااااااااح منكم...تعبت ...والله تعبت..منكم..ومن حياتي بينكم.. خلود: نواف..منتب صاحي..!!..والله مانتب صاحي.. نواف: ومن زمااااااااان...ابي انساكم..وتنسوني..تعبتكم..وتعبتوني.. خلود: وش هالكلام!!!! انت وشلون تفكر!!!مافكرت بامي....وابوي..وخواتي..لمين تتركنا يانواف نواف: لابوك!!! خلود بياس يعصف بروحي:وش عندك بجدة...وش تسوي..هناك... نواف: بروح ابدا...حيااااااااتي هناك...بلا ابو يغث قلبي...بلا ام..تحملني كل مسؤلياتها...بلا خوات..اشيل همهن..وانا بحد ذاتي هم على قلوبهن.. خلود افهميني..محتاااااااج اغيب عنكم..والله محتااااااااااااااج... هزيت راسي..موب مستوعبة اي شئ.. حطيت يديني على قلبي...اللي خفقاته هزت اركااااااااااني... ذكرت كلمة امي"مسرع مايفضى البيت" ياويلي عليك يايمه.. غمضت عيوني..وضاقت بي الدنيا...نجود..والحين نواف... لالالالالالالالالا.. شهقت..وانفجرت اصييييييييح.. واصيييييييييييييييييح.. ونواف ساااااااااااااكت... نواف: شفتي!!!...شفتي..وشلون محمليني..فوق ماتحمل...شفتي..وشلون تتحكمون بحياتي..تبوني اصير على كيفكم..تماما زي اللعبة بيديكم..شوفي احمد ..قال لاهله..ولاواحد ..وقف بوجهه..كلهم احترموا قراره..لانه رجال..وانا..وانا للحين بنظركم بزر..للحين اخذ مصروفي من امي..والاذن من ابوي.. شفتي!!!..وتبوني..اكمل حياتي معكم.. "وارتفع صوته وهو يقول" ارحموووووووووووني...الله يرحمكم... حطيت اصابعي على اذاني..وقلت: بــــــــــــــــــــــــس..بس يانواف..ياسفاب فرحتنا بك.... حطيت يديني على وجههي..وضاقت روحي..بالامي..وجرووووحي.. ^ ^ ^ دخلت صالة المغادرة الدولية..وجالت انظارنا...ندور نجود..وفهد.. نواف: شوفيهم..هناك.. تبعته..حتى طاحت عيوني على فارس..وفهد..واقفين.. نواف: وين اختي!!!! فارس: سلم اول.. نواف: انت لاحقين عليك...وين نجود يافهد... فهد وهو يقلب الجوازات بين يديه: بدوره المياة..هالحين بتجي.. ورفع عيونه..وتلاقت عيوننا... تدرون..وش شعوري!!! احس بالاهانة بالالم!!! لا..اللي احس بوه فوووووق الالم... احس بالندم.. لا..يطعن قلبي الم..اقوى من الندم.. تعلقت عيوننا.. صحيح..خلالالالاص..ماعاد للكلام اي معنى... لكن..تبقى ذكرى الامس..تدمي جراح قلبي... مدري منين جتني الشجاعة وقلت: الف مبروووك..يافهد... دس الجوازات بشنطته..ورفع راسه..وابتسامه كانت سابقا تصيبني بمقتل..بس موب الحين..وقال: الله يبارك بك..وشلونك ياخلود... التفت على نواف..لقيته..يمشي مع فارس..وهو يدف عربية الشناط.. حسيت وقفتي مع فهد غلط... رجع يقول: وشلونك ياخلود.. قلت بصوت واطي: بخير... فهد: ان شاء الله دوووم...خلود...ان..انـــــا... قاطعته وقلت: لااوصيك بنجود يافهد.. فهد: بعيوني..نجود بعيوني... لفيت..بروح لانتظار السيدات..حتى تجي نجود... سمعته يناديني: خلووووووووووووود... وقفت..عقب مامشيت خطوتين... قرب ..وقال: خلود..انا...انا... خلود: انت وشو.. فهد وهو يناظر الارض: خلود...انا...جدا..اسف...على اللي صار.. قلت بسرعة: ماصار الا الخير.. دس يدينه بجيب بنطلونه وقال: صدقيني.. خلود: بتتاخر نجود؟؟وين الحمامات؟؟ تعلقت عيوني..بعيونه العسلية... فهد..وشكله متردد: اتمنى اللي صار..ماياثر على علاقتك بنجود..ترى مالها ذنب...تكفييين ياخلود.. خلود: وعندك شك!!!! لوماكنت راضية..كان هالامر ماتم!!! سعادة اختي هي سعادتي..واختي فوق اي شئ..عندي..تاكد يافهد..انك بحسبة اخوي..وزوج اختي...لااكثر ..ويمكن اقل.. ومشيت بخطووووووووات..واسعة..وجدعت روحي على اقرب كرسي..وامتلت عيوني دمووووع...غريبة قصة الدمعة!!! افرح..وتبكيني..احزن ..وتبكيني...وبين الفرح والحزن الف معنى ومعنى... حسيت بيد تهز كتفي...رفعت راسي..وتلاقت عيوني بعيونها... نجود: قال لي فهد..انك هنا...بس والله ماصدقت.. حضنتها..وانفجرت اصييييييييييييييح... ارتفع صوت صياااااااااااااحي..والناس قامت تناظرنا... ..احس..بلوعة فراقها..تمزق رووووحي... مرت صورة نواف..قدامي..وتحول صياحي لشهااااااااااااااااااق... فتحت اثمي..بقول..بتكلم..عجزت..هاجمتني..عبراتي..وخنقتني. .مسكت يدها وجلستها جنبي.. ماكانت حال نجود...احسن مني.. اقبل نواف..ودارت انظاري...بين اخوي..واختي... لايكون لنا موعد مع الفراااااااااااااااق!!! حطيت يدي على اثمي..وشهقت..وانا اشوف..نجود بحضن نواااااااااااااف.. نواااف: افا...يانجود...تجين للبيت وتطلعين..ماودعتين...يمكن ترجعين..وماتلقينن!!! نجود: والله قالوا لي انك نيم... نواف: والنيم..مايقوم!!! نجود: ساااااااااااامحني يابو سعود...ساااااااااامحني..والله انه ضايعتن الطاسة... نواف: مانيب مسامحك..الا اذا سميتي اول ولد..على ّ.. فهد من ورى نواف:ووووع...مابقى الا اصير ابو نوااف.. نواف: يحصل لك..اصلا؟؟ فهد: عسى مايحصل لي.. نواف: عاد لااوصيك بنجود... فهد: ذبحتوني..عند هالنجود...يحول انا...ولااحد يوصي نجود عليّ...بعد انا بتغرب..موب بس هي.. وقفت وقلت: نجود..الله الله بفهد..خلينا نسمع عنكم كل خير.. مدري هو فعلا..يراقبني..والا بس بخيالاتي.. ودوى بالارجاااااااااء...الاعلان..عن الرحلة المتجهه الى لندن هيثرو... تمسكت يديني..بيدينها..وهمست باذني: الله الله بامي..وابوي..ومشاعل..وبشاير..ونواف..ونواف..ياخلود. . خنقتني العبرة..وكانها حاسة بمصيبة نواف..هزيت راسي..وقلت: ابشري.. نجود: خلود..اقولها للمرة الاخيرة..سامحيني..سامحيني..ياغلى اخت بهالدنيا... خلود: يابعدي انتي.. نجود: ولاتعرسين الا...اذا رجعت!!!! عشان ارد لك معروفك معي.. خلود: مابيننا معروف..يالله بامااااااااان الله...استودع الله دينك..وخواتيم اعمالك..وحللينا..حللينا يانجود.. عرفت من سكوتها...انها تصييييييييييييح.. عانقتها..عناااااااقا طويلا..وكاني ابي اخزن شئ من ذكراها للايام الجااااااااية..وقبلاتي..تنقل..اهاتي..وعبراتي..ورغم ا عني وعنها..انفصلت ايادينا..وعطتني ظهرها وتوارت عن انظاااااري..شيئا فشيئا..حتى ابتلعتها جموع المسافرين..كنجم..بدا بالافول..او خنق شعاعه..ركام من السحااااااب..وقد سحت دموعها ودموعي على الخدود.. التفت..ودورت نواف..تلفت..ماشوف له اثر... يمين...يسار..وين راح الولد!!! لايكون ركب طيارة وطار لجدة.... سحبت نفس..طوووووويل..انكسرت رقبتي..وانا اتلفت..ادوره.. طلعت جوالي ودقيت عليه... نواف: هلا....لحظة ...لحظة... خلود: وينك؟؟؟؟ نواف: بمركز مرور المطار...اقول خلود..ادق عليك بعدين.. خلود: لحظة..وش تسوي بالمرور.. نواف: عيال اللذين سحبوا سيارتي..مامداني..اوقفها الا..هم ساحبينها الله يسحب مصارينهم... خلود: طيب ومتى بتطلعها...؟؟ نواف: انا ادري عنه..هالشرطي..يالله يرد علي من طرف خشمه.. خلود: طيب..والسواة..؟؟؟ نواف: ارجعي مع فارس.... خلود: فارس؟؟؟منتب صاحي...ادق على ابووي؟؟؟ نواف: ياويلك...مانيب ناقصن بلاوي ابوك بعد!!!.. خلود: طيب..ادق على شاكر!!! نواف: يابنت الحلال..فارس..موجود ليش ماتروحين معه..توي داقن عليه..وقلت له يرجعك معه؟؟؟ خلود: لا..والله...تبين اركب معه بلحالي؟؟ نواف: وبتدقين على شاكر..وترجعين معه لحالك؟؟؟ مير هذا ولد عمك.. خلود: ادري انه غلط اركب لحالي مع شاكر..بس ماسطي اركب مع فارس لحالي..تعال رجعني بليموزين وارجع لسيارتك.. زفر نواف..بعصبية: والله انك علة..اضرب مشوار لاخر الدنيا بس عشانك تستحين...والله حياء مريخ.. خلود: نواااااااااف؟؟ماعلي منك..انت جايبن انت ترجعن... نواف: خلود..تراه واصله معي لهنا...لايجيك شئ مايرضيك...روحي دوري فارس قبل لايطس ويخليك..وتنطقين خلود: وش اقول له؟؟؟ نواف: اقول اقلبي وجهك...سوت من الحبة قبة...مع السلامة وصكها بوجههي!!!! قلبت الجوال بين يديني.....زاد الله يهديك يانواف..الا لازم توقف باللي ممنوع الوقوف فيه!!! خليني ادق على شاكر..ياربيه..بس اكيد امي بتسال عن نواف..وابوي لو درى..ونواف قايلن لي ياويلي..اقول له!!! دسيت جوالي بشنطتي..وتلفت..الناس رايحة جاية..والاعلانات..تصيح بالارجااااء..حسيت بالضياااااااااااااع... جلست على اقرب كرسي...محتارة ..مدري وش اسوي!!! حطيت يديني على وجهي..وكلمات نواف تتردد بخاااااااااطري.."ابي انساكم وانسوني" غمضت عيووووني..ومر شريط المااااااااااضي بذكرياته..قدام عيوني..صحيح كان عمري خمس سنين يوم ينولد نواف..بس للحين اذكر فرحة ابوي اللي ماوسعتها الدنيااااا..اذكر..يوم عمر نواف اربع سنين..وابوي يلبسه شماغه ويحضنه ويقول.."هلا بابوسعود...هلا بابوي.." ذكرت يوم كان بثاني ابتدائي ..وتضارب مع ولد جيراننا ..,دخل ينزف...وشلون ابوي..ارتاااع عليه...وطار بوه للمستشفى.. وصار يخاف عليه..ويمنعنه من الشارع!!!! والحين التاريخ يعيد نفسه...لكن نواف..كبر..وكبر حبه بقلب ابوي وخوفه عليه!!!امتلت عيوني دموووع..وانا اذكر ذيك الليلة اللي مانام فيها ابوي..يحاتيه!!!! سمعت صوت: انتي خلود؟؟؟ رفعت راسي..ويالله ميزت وجه فارس من بين دمووعي: ايه.. فارس: قالك نواف ؟؟؟ هزيت راسي ..بالايجاب.. نواف!!!.. ارتجف قلبي..وارتعشت اطرافي..نواف..وش ناوي تسوي بنا!!! رجع فارس يقول: خلود؟؟؟؟ خلود: هاه.. فارس: نمشي؟؟؟ هزيت راسي..بدون تفكير...يعني ...لا.. فارس: ليش؟؟ عسى ماشر... غصبن عني..سؤاله..فجر ينابيع الدمووع الجارية بمقلتي..حطيت يديني على اثمي..ابي اكتم صوووت صيااااااااااحي.. ابي اكتم...الامي..وهمومي.. فارس: خلود...؟؟ وش صاير؟؟ نواف فيه شئ؟؟ هزيت راسي...بالنفي.. فارس: اجل؟؟ ...نمشي؟؟ قلت ببط: الله يحفظك... فارس: يعني؟؟ مانتيب ماشية معي؟؟ هزيت راسي...لا.. فارس: لييييييييش؟؟؟ رفعت عيوني المليانة دمع: بنتظر نواف... فارس: بيتاخر..تطول اجراءاتهم..ونواف موصيني ارجعك.. قلت وانا ادس يدي تحت غطوتي امسح دموعي: مشكور ماقصرت....بس انا بنتظره.. فارس: ماتبين ترجعين معي؟؟؟ هزيت راسي ...لا فارس: وليش؟؟ خايفة؟؟ خلود: لا...بس....بس... فارس: بس ؟؟ وشو.. خلود: مقدر.. فارس: ماتقدرين؟؟ وليش ماتقدرين... وقفت وانا اقول: معليش فارس..انا اسفة قطعتك..بس..مانيب راجعة..معك...بنتظر..نواف..والا بدق على شاكر.. حسيت نظراته..بتاكلني..وحسيت بالحرارة...تحرق عروقي.. شكلي اتوهم..بس يوم رفعت عيوني ..وتعلقت بعيونه.. قال بلامقدمات: ليش؟؟خايفة...يافرح!!!

************ خلود ************ فضيعـه لعبـه الدنيا .. شنيعـه صدمـه الإنسان !! خـــصوصًا...

باقي فرح :

************ عفراء ************ لاتتأسف .. مــا أبي منك اعتذار أبيك ترد أيام عمري مثل ماضيعتها أبي أرجع مثل ماكنت (عفراء) شمعة الدار اللي من عرفتك ( إنت ) انطفى نورها قلبت التقرير بيديني..غمضت عيوني..واسندت راسي على الجدار..وجبال من الهموم..تثقل قلبي.. وانا ناقصة هموم...عشان اكون حامل؟؟؟ حاااااااااامل!!!... انا صحيح حامل..هموم..والام...وطعون بقلبي..كاااااااافي..والله كااااااااااافي..مابي..احمل..باحشائي..جنين ..بيعيش محروم.. يكفي سديم...ورسيل.. جلست عزيزة جنبي..وقالت: هاه...طلعت نتيجة التحليل؟؟ مديت لها..الورقة..بكل الم..وبكل صمت.. قرتها عزيزة..وحضنتني: مبروووووووووك...الف مبروووووك.. الله يتمم لك بخير..يارب.. رفعت راسي..واهتزت شفايفي: وعلى ايش تباركين لي!!!..على هم بيثقل كاهلي..فوق همومي.. عزيزة: يابنت الحلال..احمدي ربك..على هالنعمة.. عفراء: وش ذنبه يعيش بدون اب؟؟؟ عزيزة: الله يخلي له ابوه.... عفراء: قصدك...اللي كان ابوه.. عزيزة: استغفر الله..عفراء..عمري ماتوقعت هالكلام يطلع منك..صحيح الوحدة تنجرح..وتتعذب لااعرس رجلها... وقفت وقلت: تكفيييين...ياعزيزة...تراي شبعت من محاضراتك..دقي على محمد يجي ياخذنا...نسيت جوالي بالبيت ^ ^ ^ دخلت غرفتي..ورميت عبايتي..على السرير.. حضنت وساااااااادتي..وانفجرت اصييييح..اصييييييح.. ذكرت..يوم كنت ابشر مشاري..بحملي..ذكرت..فرحته..وضحكاته..ذكرت..تدلليله لي..لاتتحركين..ولاتسوين..ولاتشيلين ولاتحطين...بس ارتاااااااااااحي...وطعنتني هالذكرى.. اااه..مشتاقة لمشاري الاول...اظلمت دنياي عقبك يابو سديم.. كسفت شمس روحي..وذبلت ازهار فرحتي..بدونك.. تقلبت..على فراشي..مديت يدي..وسحبت الجوال.. تخيلت نفسي ادق عليه..وابشره "انا حاااااااااامل...حااااااااامل...يامشاري..فيه ضيف ثالث جاي بالطريق" مجرد..تخيلي لردة فعله...خلتني انفجر..اصييييييييح... فتحت جوالي..ولقيت ثلاث رسايل واردة.. فتحت الاولى.. يا صبح طمّني عسى قلبه بخير .يا صـبح جب منه الخبر والبشاير للشوق لذعه .. والوله طعنته غير وفي القلب ماباقي فضـا للخساير يا صبح قله كلمة دون تقصير : " قطع الوصل قطع الحشا والضماير" ااااااه...نفسي اصدق..هالكلام..بس..جروح قلبي..عميقة..يامشاري..بعمق ماحبيتك بيوم من الاياااااااااااام.. ضغطت على الثانية.. أغيـب لـكـن مـاغدرتـك ولاخـنـت..! أبـعــد ولازلـت آتحـمـل وصـابر..! ماغيرتني غيـبتي ومــا تلـونـت..! لازلت أشواقي على منت خابــر..! باقي على عهد الغلا ماتهاونـت..! لوينكسر من خاطري ألف خاطر..! ومازاد نار قلبي الا حطب.. ااااااااااه..وينك..وينك..تشوف..قلبي..وش صار بعدك!!! وفتحت الاخيرة ماراح تحس فيني إلا لا وقفت عند قبري وتقول هذا اللي بالأمس كان يموت فيني قبر؟؟انا اللي حفرت قبري..ووسدت فيه قلبي ؟؟يامشاااااااااري... ..من يوم..ما بعتني..وبعت حبنا وسعادتنا.. هزتني رسايله...وليش الحين؟؟ عشاااااااني محتاجتك!!!..عشاااااااان بعدك عذبني.. عشاااااااان...صبري نفد..عشان..جفاااااااك ذبحني.. كتبت هالرسالة وارسلتها بدون ادنى تفكييييييييييييييير مابي سؤالك عني اليوم ماابغاك ماريد قلبك دام هذي خطاويك عفت الهوى من بعد ماشفت دنياك عفت الليالي كلها في تجافيك والله أحبك وصعب القلب ينساك لكن عزة نفسي تقول مابيك ضيعت قلبن حالفن مايخليك والحين مابي يمرني طيف ذكراك حبي رفعك ولازم انه يوطيـــك .. وقفلت جوالي ورميته بالدرج...بللت وسادتي ..دموووعي.. احس اني محتاااااارة..لازال قلبي..يحبه..ولكن خاطري واقف عليه..كلما فكرت انسى..واسامحه..يعذبني..احساس الغيرة..وانه جاب من تشاركني فيه..اااااه..ليتك تفهم مشاعري يامشاري.. غمضت عيوني..وشريط ذكرياتنا..يمر..بكل لحظاته الحلوة..قداااااااامي..شهقت...وشديت المخدة على صدري..وانا اصرخ ااااااااهاتي..احبه..واحبه..بس..جرحي..للحين ينززززف.. ^ ^ ^ نزلت ولقيت اهلي..جالسين بالحوش.. جتني رسيل..تركض..وحضنتني..وهي تقول: ماما..ماما دت.. جلستها بحضني..وقامت عزيزة تجيب لي..فنجال.. امي: مبرووك..يابنيتي.. قلت بهدوء: الله يبارك بعمرك.. نوف: وش عليه مبروووك.. امي: قومي..جيبي..الكيس اللي عند سجادتي... نوف..وهو توقف: وش عندكم!!..ادري انه تصريفه... امي: نوف..الله يصلحك..وش انا اقول.. نوف: سمي يمه..هذاني بروح...بس تراني برجع... ويوم دخلت نوف البيت.. التفت علي امي: عفراء.. قاطعتها..وانا ارص رسيل على صدري: يمه ...والله ادري وش بتقولين..ولاودي اردك..بس مقدر..مقدر يايمه.. امي: الرجال..اتصل على ابوووك...وكلمه..وابوك..ملزم ترجعين.. عفراء: يمــــــــــه...قلت..لكم..مانيب راجعة له.. امي: الحين..انتي حامل..يعني..كثروا عيالك..ومالك الا بيتك.. عفراء: يعني تضايقتوا مني؟؟ امي: وربي ماتضايقنا..والله العظيم..يابنيتي..الود ودي..باللي يريحك..بس..ابوك..يقول..انه فشل من كثر مايدق عليه مشاري.. عفراء: قلت لكم..ماعاد بيني وبين الرجال..شئ..خلالالالالاص.. امي: والله مدري....وش اقوول..اللي بخاطري وقلته..وانتي براحتك.. ناظرتها: يعني ابوي..يهمه مشاري..ولاتهمه بنته!!! امي: موب هذا قصده.. عفراء: اجل..وش قصده؟؟ امي: يقول..الرجال..ماسوى شئ..يستاهل اللي سويتيه؟؟ يعني لو غلطان عليك..والاظالمك..والا مقصر معك..ابوك اول من بيوقف معك..بس..الرجال..اعرس..وهذا شرع ربي.. تنهدت..وتجمعت الدمووع بعيوني..وقلت: شرع ربي وشرع ربي..حتى الطلاق شرع ربي.. انفتح باب الشارع..ودخل العصا..وعقبه..دخل ابوي.. وقفت امي..وهي تقول: هلا..هلا والله بابو عبدالله.. غمضت عيوني...عقب كل اللي سواه بها..ولازالت تهلي به!!! اااااااه..ياربي..انا مجنونة..والا قلبي غير قلوب الحريم.. دخل ابوي..يرتكز على عصاه..ومشى لما وصل عندنا... وجلس..بصعوبة..عشان هالروماتيزم..الله يشفيه ياااارب.. جابت امي المركى له..وصبت له..فنجال قهوة.. عفراء: مساك الله بالخير...يايبه.. ابوي: هلا..هلا..ببنيتي..وشلونتس...مامدحتس امتس هاليومين... نزلت عيوني وانا اقول: ابد..شوي صدااااع..والحمد لله.. ابوي: سلامتس..ماتشوفين شر..اغديتس.. ولهانة على ابو سديم.. وحط الفنجال على الارض...عرفت ان ساعة الصفر قد حاااااااااانت.. كمل ابوي كلامه: شوفي يابنيتي..الرجال..له اسبوع..وهو يدق علي..يبيني اكلمتس..ترجعين له..ولبيتس..هاه وش قلتي.. قلت..وانا اواسي طرف بلوزتي: مالك لوى..يبه..بس انا قلت لامي..رايّ.. ابوي: وانا ابي اسمعه منتس هالحين.. عفراء: يبه..ماودي ارد لك..طلب..بس..مقدر..مقدر.. ابوي: وشلون ماتقدرين.. عفراء: مقدر ارجع له.. ابوي: وليه؟؟ لاانتي اول..ولا اخر من يعرس عليه رجله.. عفراء: عاااااااد..غيري يقدر..بس انا مقدر.. ابوي: يابنيتي..ترى هذا ابليس..يوسوس لتس..يقول..يحول..مابوه الا انتي..وانه ظلمتس وخدعتس..بس هذا شرع ربي..والرسول صلى الله عليه وسلم..عدد..والصحابة ..هذي سنة ربي..والظلم..اللي انتي تسوينه..بنفتس..وببناتتس.. عفراء: يبه تكفى..كان لي خاطرن عندك...لاتجيب لي سيره هالموضوع ابوي: حنا محنب مطولين لتس..واخوانتس وخواتس..كلن بيلهى بحياته..والمرة مالها الا بيتها وعيالها...والرجال..يحلف..انه موب مقصر معتس..وانتس بتصيرين معززة مكرمة ببيتس وعلى بناتس.. سكتت مارديت..حسيت بالعبرة ترقى بصدري وتنزل.. ابوي: هاه وش قلتي.. خنقتني العبرة...عجزت اتكلم..وامتلت عيوني دمع... ابوي: عفراء...وراتس ماتردين.. وقفت وقلت: اسفة يايبه..مابيني وبين ابو سديم الا الطلاق...بيطلقني..والا..رجعة مانيب راجعة.. ودخلت البيت..وركضت لغرفتي.. سكرت بابها..وانا ارتجف..جلست على سريري..ولميت راسي بين كفوفي..احس بلوعة..وبغثياااااااااان..وبخفقات قلبي.. تهز روحي...انسدحت..انفتح الباب..ودخلت سديم.. ومن غير ماتلتفت لمي..فتحت الدولاب وهي تقول:يمه...وين عباااااااااتي..بنلعب حريم ..انا وغلا..بس رسيل تخرب علينا ماتعرف تلعب.. غصبن عني فااااااااااضت عيوووني...واهتزت شفاااااااايفي.. طال الصمت..وسديم..تدور عباتها.. ويوم يئست تلقاها التفت عليّ..مامداني اخبي دموووعي.. عيونها اللي تعلقت باحزاني..والامي..طعنتني!!! كانت بيدها عروسة..وبلمحة بصر..طاحت من يدها.. ومشت خطوات...لحد ماوقفت جنبي.. جلست على حيلي..حاولت ابتسم..اخفف من الالم المرسوم بملامحها الطفولية..ياربيه..وش ذنبها...توها صغيرة على الحزن والالم!!! سديم: يمه!!!...وراك تصيحين!!! قلت وانا ابتسم..ودموعي تسح على خدي: تعبانة شوي...ياماما.. امتلت عيونها دمووع وقالت: روحي الطبيب.. هزيت راسي..وانا ارفع راسي..واقول بخاطري..وين الطبيب اللي يداوي جرووحي..خلاص..ماعاد للجروح مداوي عقبك يامشاري.. سديم: يمـــــــــه!!! تسمعينن!!! عفراء: ايه..ان شاء الله اروح للطبيب.. وغمضت عيوووووووني.. شفت العالم ..من حولي اظلم..موحش..كئيب.. تنهدت..ودقات قلبي..تتسارع.. فتحت عيوني..لتفاجا بعيون صغيرتي وقد امتلت دمعاً.. قربتها مني وحضنتها.. بست شعرها..ومسحت عليه بيديني.. وقلت: ليييش!!...ليش تصيحين..ياروح امك.. سديم: خااااااااااااايفة!!! احطت وجهها البرئ..بيديني..وقلت: منين خايفة!!! شهقت..وتعلقت يدينها برقبتي..وقالت بصوت مخنوق: اخاف تموتين..ومايصير عندي ام..ولا...ابو.. انحبست انفاااااااااااااسي..انصدمت بتفكيرها!!! ماعندك ابو!!! ابتسمت..والالم يعصر روحي:لا ان شاء الله مااموت واخليكم..بعدين من قال ..ان ماعندك ابو!!..الا عندك..وابو يحبك..و.. قاطعتني:لا...مايحبنا..!!.. ماجاء ياخذنا...قال بيجي وماجاء.. رجعت احضنها وضميري يانبني..بشكل ماتتصورونه.. فاضت روحي بالالام..صحيح مشاعري..مجروحة..بس مشاعر صغيرتي..رشت الملح على جروحي.. قلت: بيجي..بيجي..ان شاء الله.. سديم: ومتى!!...ابطى ماجاء.. قلت: ان شاء الله..يجي..

************ عفراء ************ لاتتأسف .. مــا أبي منك اعتذار أبيك ترد أيام عمري مثل...

باقي فرح :

*********** خلود *********** جرت يدي هيفاء...وماوقفت الا وحنا بوسط غرفتها... قالت وهي تسكر الباب..وتقفله: قولي لي..من طقطق للسلام عليكم...وش صااااااااااار شلت شيلتي..وعلقتها..وجلست على سريرها.. جلست جنبي.. هيفاء: قولي لي..وش قالك فارس بالسيارة؟؟؟ هزيت كتوفي وقلت: ماقال شئ..وش تبينه يقول!!! ضحكت وهي تقول:والله مانتيب سهلة..وشلون ركبتي..معه؟؟ خلود: عاد ركبت...الظروف وماتسوي.. هيفاء..وعيونه تلمع بخبث:اكيد... ماقال لك شئ؟؟ لويت شفايفي: زي اييييش؟؟ ابتسمت وقالت: منا..والا مناك.. خلود: انتي تتكلمين بالالغاز...اصلا طوال الطريق ساكتين..بس يوم دقيتي عليه..وقال لك..اني معه..وقلتي جيبها معك.. التفت علي..وقال..هيفاء..ملزمة تجييين..وش قلتي؟؟ هيفاء: وانتي على طول وافقتي.."وغمزت بعينها"... لهالدرجة فارس ياثر عليك بسرعة..وانا لي شهر اشحدك تجيننا.. سحبت يدي من يدها..وتسارعت دقات قلبي.. مدري ليه..اسلوب هيفاء..ذكرني يوم كانت تعلق علي بفهد..وشلون علقتني بوهم..وخلتني اصدقه!!! التفت عليه وقلت بنبرة جامدة: بيني وبينك..استحيت اعنيه مشوار لبيتنا..والحين بدق على شاكر يجي ياخذني.. هيفاء: هو!!! زعلتي ؟؟ وقفت ..ناظرتها..وتنهدت..بعدين ناظرت الارض..وقلت: لا..ازعل من كل الناس الا انتي..بس..اسلوبك..غريب..وانتي تتكلمين عن اخوك!!! ابتسمت..وقالت: ياخبر اليوم بقروش ..بكرى يصير بلاش.. خلود: تراك مصختيها!!!..تكلمي..وش عند..."وسكتت..وكان احد صفقني كف..ذكرت يوم قال خايفة يافرح!!!!!" قلت بارتباك:اقول هيفاء...فارس يقرا الجرايد؟؟ هيفاء: الا قولي يذاكرها موب بس يقراها..بس ليش تسالين!!! تمسكت بيدها..لقيتها دافية..حسيت رجليني خاااااااااارت.. جلست..ورجفة خفيفة تسري بعروقي.. ناظرتني هيفاء:وش بك؟؟ ليش تسالين!!! خلود: طيب تتوقعين يقرا لباقي فرح!!! ابتسمت وقالت: مدري...يمكن ويمكن لا!!! خلود: يامصلك..قولي لي ؟؟؟؟ هيفاء: ليش!!!! هزيت راسي..وقلت: بس بعرف!!! هيفاء: سوري..قولي لي ليش تسالين..واقول لك.. قلت: اقول الله لايجدعنا لك يااااااااارب...لاتقولين لي ابد.. هيفاء: ليش تسالين ؟؟ هو ..جاب طاري باقي فرح!!! هزيت راسي ...بالنفي.. وقلت: غيري الموضوع تكفيين.. وتابعت: الا تعالي..وينك..بتخلص العطلة..وانتي ماعرستي!!!.. هيفاء: اعرس؟؟ ليش..وانا انخطبت عشان اعرس؟؟ خلود: وسلمان؟؟؟ انفجرت هيفاء تضحك: هههههههههههههاي..وينك عايشتن بوه ياخلود؟؟ خلود: ببيتنا...ليش؟؟؟ وقفت هيفاء..وفتحت الثلاجة..وطلعت علبتين بيبسي..ومدت وحدة لي وقالت: خلاص..تفركشنا!! فتحت اثمي..ورمشت بعيوني باندهاااش: وليــــــــــــــش؟؟؟ لاتقولين عشان كلام مشاعل!!! جلست هيفاء ..ومددت رجلينها على السرير..وقالت عقب ماشربت نصف العلبة:لا...مشاعل..وامور ثانية..خلتني ارفض!!! خلود: وشي هالامور!!! هيفاء: مدري..وش اقول لك..تدرين امس وحنا راجعين من العرس..ركبت مع فارس..وقالي كلام..خلاني اقطع الشك باليقين!! خلود: كلام..عن سلمان!!..طيب هو يعرفه من زمان ليش كان ساكت طول الوقت...!!وتوه يقولك الكلام!! هيفاء: لانهم تصارحوا... خلود: مافهمت.. هيفاء: امس..قال فارس لسلمان انه نوى يخطب.. خلود: والله ؟؟؟ مبرووووك... ابتسمت هيفاء..بشكل غريب وقالت: ماتدرين منهي سعيدة الحظ.. رفعت كتوفي وقلت: وش دراني..تراه قايلن لسلمان موب لي.."وانتبهت انها تعني يوم كنت بالسيارة معه" ..لا...لآ..ماقال لي شئ..خبلة انتي؟؟ وش دخلني يقول لي!!!.. هيفاء: من تتوقعين!!! خلود بتشكيك: منيرة!!!! هيفاء: ووووووووووووع!!! ابتسمت..وقلت: هذي وهي اخت سلمان!!!! هيفاء: تكفييين..خليني اكمل لك السالفة..يقول لي فارس..يوم قلت لسلمان اني ناوي اخطب..فلانة...قال..واختي!!..يقصد منيرة!! قاطعتها: صدق؟؟ ومنيرة!!! هيفاء: لايسمعك فارس.. يذبحك..!!..اقول لك..قال له فارس..اختك الله يوفقه مع غيري..هنا انفضح سلمان..وقال..ليش؟؟ماكنا ناويين نتبادل الخوات..يعني سلمان ماخطبني الا لانه متفق مع فارس..يوم هم بزران كل واحد بياخذ اخت الثاني..وفارس..قال..انه ماكان يتوقع سلمان اخذ كلامهم جد..وقال فكري..ترى احتمال سلمان مايبيك بقدر ماهو ..بيوفي بكلامه!! خلود: من صدقك!!..وانتي خبلة تصدقين فارس!!..ترى هذا عرس..موب لعبة..ماتوقع سلمان بيخطب وحدة مايبيها ..بس لانه بزر قال..بيتبادل مع اخوها!!! هيفاء: عاد هذا اللي صااااااااار.. خلود: اسمحيلي هيفاء..توقعتك اعقل..من كذا..وبعدين انا بفهم اخوك..وشلون يفكر!!!..يعني مايقدر يساله..!!..اصدقاء طول اعمارهم..وبالاخير.. قاطعتني: انتي..وراك تدافعين عن سلمان ...لايصير حاطتن عينك عليه!!! خلود: هههههههههههههه...حاطتن عيني عليه..واشجعك توافقين عليه!!..نو ..نو...طول عمري مافكرت بسلمان..لاني ادري انك نصيبه ان شاء الله.. هيفاء..حطت يدها على خصرها: لا..والله؟؟ خلود: والله....نسيت يوم حنا بزران...تذكرين يوم يشري لك بيبسي..وماشرا لي..تذكرين..يوم يضربن..وانتي ماضربك.. هيفاء: خلووود؟؟ هذا يوم حنا بزران.. خلود: والبزران يكبرون... هيفاء: صحيح يكبرون...بس مشاعرهم تختلف.. خلود: يمكن..بس..انصحك...لاتاخذين كلام..فارس..وتاكدي..اكثر..قبل لاتظلمين..الولد..بقرارك.. هيفاء: لهالدرجة خايفة عليه...الله يجعله من نصيبك... انسدحت على السرير..وتمغطت..وقلت: لا..شكل نصيبي جاااي بالطريق.. هيفاء..باندهااااش..وببط: وشووووووووووو ضحكت على شكل عيونها..المفتوحة على الاخر..وقلت: يالله وافقي على سلمان عشان نتجهز سوى!!! جلست جنبي..وجرت يدي لما جلستني..والذهول للحين مرسوم بوجهها..بشكل مضحك: نتجهز؟؟ من صدقك تتكلمين؟؟ انخطبتي... ابتسمت بخجل..وقلت: رسميا..لا..بس..قالت لي نجود اليوم الصبح.. شفت ابتسامة الارتياااااااااااح...ترتسم على وجهها... وانفجرت تضحك..وقالت: اااه..ياحليله نجود..ماسرع ماصارت من عايلتنا..بس غريبة..يعني فهد بعد يدري..بسالفة الخطبة!!! قطبت جبيني..وقلت:فهد؟؟..لا..ماتوقع يدري..شكل امي قايلتن لها.. هزت هيفاء راسها..وقالت: امك؟؟ وشلوون؟؟ موب تقولين موب رسميا.. خلود: الا..هم خطبوا..بس..ماكلمتني امي رسميا.. هيفاء..بحيرة حيرتني: منهم اللي خطبوا؟؟؟ ابتسمت وقلت: خوالي.. شهقت..وحطت يدها على اثمها..وقالت: خوالك؟؟ لميييييين؟؟ نزلت عيوني على الارض..وقلت: لسلطان..ولد خالي ابراهيم.. خبت وجهها بيدينها..وقالت:لا...لا...مستحيل...مستحيل ياخلود!!! وشو المستحيل!!! خلود: ليش مستحيل؟؟ تبيني..اقضي عمري اندب حظي العاثر مع اخووووك..:22: شالت يدينها..وشفت عيونها مليانة دمووع.. ارتعت من شكلها..واسرعت..اقول:ترى...مابعد صااااااار شئ؟؟ ليش...ليش هالدمووووع.."ويوم شفتها ساكتة كملت"..ادري..صعب اترك الريااااااااض..واتركك..واترك عمومتي..بس..الحياة فرص..ومهما طال الزمن والا قصر..هذا مصير كل بنت..وبكرى انتي يجيك نصيبك..مع سلمان..والا غيره.. وقفت..واخذت منديل..تمسح دموعها..اللي على خدودها تسح.. وفجاة..حضنتني..وانفجرررررت تصيح.. وقالت: والله تمنيتك..لاخوووي...بس..النصيب..فوق كل شئ.. "تنهدت..رجعنا على طاري ياللي..رجعنا على فهد..ياحليلها..ماتدري انه درى..بجنوني..وخبااااااالي" شديت يديني..وقلت: ادعي لي بالتوفيق..والخيرة فيما اختاره الله... وتنهدت بداخلي..ونعم بالله

*********** خلود *********** جرت يدي هيفاء...وماوقفت الا وحنا بوسط غرفتها... قالت وهي...