كوبونات الراقية تسجيل الدخول

باقي فرح
باقي فرح •
ههههههههههههه

ابشركم نزل جزء جديد

وردودكم وناااااااااااااسة صدق الله يجزاكم خير
باقي فرح
باقي فرح •
.•:*¨`*:•. الحلقة الخامسة والعشرون .•:*¨`*:•.

****************
خلود

****************

" طلقك!!!"

لا...االوووووو..الوووووو..هدى وينك!! ...تسمعينن!!
لكن ماوصلني الا صوت الخط..طوووط..طوووط..
سكرتها بوجههي!!

رجعت اتصل عليها...وامي ومشاعل مارحموني..
"وش به هدى!!..تطلقت؟؟ انتي وش تقولين.."

قلت : مدري..
امي: وش بها..وش قالت لج؟؟
قلت: سكرتها...سمعتها تقول..طالق..بس..وعقبها غاب صوتها...
امي: فال الله ولا فالج...يمكن ماسمعتيها زين..يمكن تقول طارق!!..
مشاعل: بس وش بوه طارق..!!
قلت: تكفون اسكتوا...خلوني اكلمها...

بس للاسف..من سكرتها ...وانا ادق..على جوالها...وعلى البيت ولا احد يرد!! ياليتني..اعرف رقم مشاري..كان دقيت عليه!!

دخلنا الاستراحة..وقابلتني..ذكريات ولحظات..هاجمتني مشاعر دفنتها بين جدرانها..وبين نخيلها..وذرات ترابها..
جالت انظاري..شمس العصر..معطيتها منظر..مبهج رااااائع...لولا..انشغال بالي على هدى..كان..احساسي غير!!!

^
^
^
كنت واقفة عند المغسلة بتوضى اصلي المغرب..وجوالي بيدي..وهو يدق على هدى ..بس..للاسف..ماترد..!!
ضربت هيفاء..كتفي..فزيت .قلت: بسم الله..!!
ابتسمت وقالت: اللي اخذ عقلك يتهنا بوه...من تدقين عليه؟؟"وغمزت بعينها..فهمت انها تقصد سلطان!!!.."
خلود: عندك مانع!!!
هيفاء: ايه..حرام تكلمينه...لما تتملكين!!
خلود: اللي يسمعك...يقول..وافقت عليه!!!
ناظرتني نظرات غريبة..وقالت: للحين مترددة!!!
تنهدت وقلت: والله مدري..بعدين..انا الحين مانيب بسلطان..انا بهدى ياهيفااااااااء.."وغمضت عيوني!!!"
سالتني باهتمام: هدى!!..وراه..مهيب جاية للاستراحة بعد!! لاذي مصختها من اعرست سفهتنا صدز..
هزيت راسي يعني...لا..وناظرت الارض وانا افكر..ياربيه وراها ماترد..
هيفاء: وليش؟؟ موب انا موصيتك تدقين عليها..!!
رفعت عيوني..وقلت: الا دقيت عليه...بس...بس..

"واحترت ياربي ماودي اقول شئ..وانا منيب متاكدة...انا سمعتها تقول طالق..بس..والله مافهمت كلمة..لانها كانت تصيح..وتتكلم كلمات متقطعة من بين شهقاتها..وعبراتها..غمضت عيوني..وانا احس بيد تعصر قلبي.."

هيفاء: بس وشو؟؟ خلود..وش بك!!
فتحت البزبوز..ومديت يدي اتوضا..وقلت: مدري..كلمتني وكان صوتها موب زين..و...و...
هيفاء: انتي تتكلمين بالقطارة ..وراه مهيب جاية؟
خلصت متوضية..رفعت اصبعي اتشهد..وقلت: اسمعي..انا مدري..وش السالفة..كانت تصيح..
" وجيت بقول..انها تقول طالق..بس عجزت تطلع من لساني.."
قاطعتني: تصيح!!! وراه وش به..
خلود: والله مدري..صكت السماعة بوجهي..ومن العصر وانا احاول ادق عليه ماترد..
حطت هيفاء يدها على خدها وقالت: الله يستر بس..ياربي ..وش السواة!! دقيتي على البيت..!!
خلود: كسرت التلفون...ولاترد!!..والله اني خايفتن عليه..
هيفاء: ان شاء الله تصير طالعة مع مشاري..وناسية جوالها..

"ماتوقع انها طالعه..لانها كانت تصيح..بمرارة..و مرررة متضايقة..وش سالفة الطلاق؟؟ احسبها مرتاحة مع مشاري..ياربي وش صار بينهم!!..لا..ياربي ..الطف بحالها يارب"

هيفاء: خلود..وش رايك نروح لها!!!
صدق..مالنا الا...نروح برجلينا له..
خلود: شورك وهداية الله...
^
^
^
طلعت امي الفناجيل..وهي تقول: انتي ينيتي!!..وش يوديج لبيت الرجال؟؟
خلود: بشوف هدى!!!
امي: اكيد طيبة..ماعتذرت الا انها مشغولة...المرة خلاص تزوجت..موفاضية لج..
خلود: لا...والله بها شئ..عارفتها ..!! يمه تكفييين بروح انا وهيفاء..مع شاكر..وبنتطمن عليها وبنرجع بسرعة..قبل لاياذن العشاء..
هزت راسها يعني .....لا...
قلت: يمه طلبتك..يمه..واللي يسلم عمرك..والله قلبي قارصن..
امي: تعوذي من بليس..انتي وش بلاج!!
قلت: يمه..طلبتك..طلبتك..يايمه..
تنهدت امي: تروحين مع شاكر لا!!!...شوفي نواف..يوديج..
احتجيت وقلت: ومنين اجيب نواف!!! تلاقينه باقصى الثمامة..يمه والله ماطول نص ساعة وراجعة...
امي: قلت لج..شاكر..مايوديج ...اذا نواف..والا ابوج..الله يساعدج...
وطلعت من المطبخ وهي تشيل القهوة..
دخلت عليّ..هيفاء..وقلتها وش صار..
قالت: بسيطة...فارس موجود..خليني ادق عليه...
^
^
^
ركبت..سيارة فارس..ورى هيفاء..وانا احس دقات قلبي..تهز اطرافي..ذكرت..يوم اركب معه لحالي..وحنا راجعين من المطار..ياطولها ذيك الرجعة!!!..بس بمجرد ماسمعت اسم هدى..رجعت لواقعي..
فارس: الحين وش القصة!! هدى عازمتكن!!!
هيفاء:لا...بنروح شوي..وبنرجع!!!
فارس: وليش؟؟
هيفاء: بنتطمن عليه...
فارس: ليش تعبانة؟؟
هيفاء: يمكن...

ماسمعت عقبها..كلامهم..
غبت في عالمي الخااااااااااااااص..
تزاحمت بذاكرتي..مواقف..وذكريات مع هدى!!!
لكن..افكاري..وقفت..بس لما مرت صورة امي لولوة..قدام ناظري..
ارتعشت شفايفي..وغصت بي العبرة..شوق ووله..خوف..والم..
ياربي لايصير بهدى شئ!!..وتتعب امي زوووود..
ياربي..انك ترحمنا...حنا ماصدقنا تزوجت..وطلعت ..من عزلتها اللي نسجتها بخيوط ذكراها مع خالد..لكن الظاهر..كنا غلطانين ..هدى عمرها ماراح تنساه...بس وشلون انا نسيت فهد!!!
ليش هي ماتنساه..يعني عقب كل هاللي صار..وللحين تبقى على مشاعرها له...ياترى اي اخلاص..واي تضحيات..يقدمها المحب لحبيبه!!!

توني استوعب ااننا وصلنا...يوم انفتح الباب..وهيفاء تاشر بيدينها..
هيفاء: يعني لازم افتح لك الباب!!..
نزلت..بسرعة وقلت: ماشاء الله بسرعة وصلنا..
هيفاء: ههههههههاي..كل ذي..هواجيس !!..لنا ساعة واصلين..بس يوم شفتك جالسة؟؟...قلت..يمكن تقول لفارس كلام..وماتبيني اسمع!!
فتحت عيوني..انهبلت ذي...
قلت: مانتيب صاحية..وش فارسه..بعد!!..يالله رني الجرس..
رنت هيفاء الجرس..وهي تقول: وش هالسجة.. فارس يكلمك وماتردين!! لاتقولين تهوجسين بسليطين!!!
خلود: فارس يكلمني!!
هيفاء: يحول اخوي له ساعة..وشلونك ياخلود؟؟ وش اخباركم..وانتي معطيته الرابع..


ضحكت...بصوت عالي..ووقفت ..يوم انفتح الباب..وطاحت عيوننا على مشاري..واقف يناظرنا بذهول..واستغراب..

وبنفس اللحظة رن جوالي..
ومن تتوقعونه!!!


عمي فيصل!!!

ياترى وش تخبي لنا الاقدار...
باقي فرح
باقي فرح •
*********************
هدى

********************

لا كل من حبيت في هالدنيا حبيبك ...
ولا كل من وآساك لجروحك دواك
ناس تحبّك وهمّها تكسب رضاك ...
وناس تودها وردها "الله معاك"
يوم يزورك الفرح ويحضن هواك ...
ويوم تحس ان الحزن ماله سواك


مليت من حبسة البيت..وجدرانه الكئيبة وهدوؤه القاتل..
طلعت..وجلست على عتبة الباب...
تاملت الحووووش..شفت الورود..تتراقص..قدامي..كلما هبت نسمات العليل..
كان احساسي بيكون افضل..

لو ان اللي بيننا ماصااااااااااار..بس عاد وش تنفع لو!!!

لنا اسبوع وثلاثة ايام..وحنا على هالوضع...
مشاري..موب راضي يسمعني ويفهم موقفي..وانا مانيب متقبلة فكرة اني اتطلق مرة ثانية!! حسيت بوخزة بقلبي يوم فكرت بحالي لو تطلقت!!!
بانتهي خلاص...اذا طلاقي الاول غيرني ودهورني لما صرت بهالحال اجل وش حالي وانا ارجع لبيت اهلي ..بطلاق ثاني بعد شهرين بس!!
يعني حتى اقصر من زواجي الاول!!!
معقول انا من بين نساء العالمين...اللي مانجحت ببناء حياة زوجية موفقة!! ياربي وين الخلل!! بي والا بظروفي والا باللي ارتبطت بهم!!

يمكن بتستغربون...لكن والله ان حب مشاري يتغلغل باعماااقي بكل ثبات!!وله معزة بقلبي..ماكتشفت وجودها الا يوم زعل عليّ..
عرفت انه غاااالي..وحيل غااالي..ووشلون مايصير وهو اللي
لقيته بقمة ضعفي يمسح دمعتي ويحتوي احزاني...
كان نعم الزوج...والرفيق ..والصديق..لكن ..دوام الحال من المحال..
يمكن مكتوب..لسعادتي تموت قبل لاتنولد..
لكن انا لازم ماستسلم..زي ماستسلمت المرة الاولى!!
لازم..احاول..واحاول كل جهدي..اني اصلح اللي خربته بيدي..ايه..ادري انه صعب وصعب جدا...بس موب مستحيل..لاني اعرف اي قلب يحمله مشاري!! ابتسمت بداخلي لهالفكرة!! وعجبتني طريقة تفكيري..
نقزت..ومديت يدي..وقطفت وردة جوري حمرااااء..

ودخلت البيت ..ودقات قلبي المتفائلة تشيعني..
طقيت غرفة مشاري..وطقيتها..بس مارد!!...شكله طالع...
دخلت غرفتي...وانسدحت على سريري افكر..وافكر!!..
وشلون اعتذر منه...وشلون اخليه يسامحني!!!
اذا تكلمنا وجه لوجه..اخاف..اغلط زود...كلما جاب طاري عفراء...
ياربيه وش اسوي..؟؟ ارسل له مسج!! بس ماراح يعبر عن اللي بقلبي..وهالوردة وشلون ارسلها معه..

نقزت ...يوم خطرت براسي فكرة..
واسرعت اجيب ورقة..ومسكت القلم..وبسرعة كتبت قبل لاتتطاير الافكار من راسي..

(( زوجي الحبيب..
زوجي الغالي...
زوجي الزعلان عليّ..

مشاري

تراي ماعرف اصفصف الكلام..وانمق العبارات..حدي كلمتين..واموت على بال ماكتبها..
لكن مشاعري هي اللي بتكتب هالسطور..حبرها دموعي..وقلمها..حزني..واوراقها...ندمي..واعذاري..
..قبل اي شئ اقسم بالله العظيم..اني احبك..احبك يامشاري..ولولا هالحب وهالمشاعر اللي اكنها بصدري لك..مااحرقتن نيران الغيرة..يوم سمعتك تجيب طاريها..
مشاري..انت يمكن تحس بالنار اللي احسها..لكن الفرق بيني وبينك كبير..انت وشلون تغار من شخص طلقني وعافني بعد ثلاث شهور بس من زواجنا!! انت وشلون تغار من شخص انقطعت علاقاتنا من سنة !! وللابد!!..انت وشلون تغار..من شخص حتى لو بغيت اتواصل معه ماقدرت لاني على ذمة رجل اخر..ولاني اخاف الله قبل اي شئ..مشاري تكفى فكر منطقياً..بينما انا..ورغم اني تزوجتك وانا ادري انه تشاركني فيك امراة اخرى..الا اني اغار منها لانها لاتزال زوجتك..وام بناتك..يعني اللي بينكم حي..لكن اللي بيني وبين خالد مات ومن زماااان!! وشلون تقارن الحي بالميت!! وشلون يامشاري!!
والكلام اللي قلته!! معقول تصدق انه طالع من قلبي!! وليش الحين اقوله لك..ليش موب من اول ماتزوجنا قبل شهرين!! انا..الا من حرتي اللي بقلبي..الا من نار الغيرة اللي تحرق روحي..قلتها ..والغضب والالم كان معميني..تدري ليش الرسول صلى الله عليه وسلم يقول"ليس الشديد بالصرعة..انما الشديد الذي يملك نفسه عند الغضب"..لانه قليل اللي يملكون هالشدة لما يغضبون!! فمابالك..بانثى ضعيفة..مجروحة..خائفة ..تائهة..ويائسة!!
ارجوك يامشاري..اذا اليوم يمر علي كانه سنة بطوله..وانا اموت الف موته..وانجرح الف جرح..من هجرك..وبعدك!! اجل وشلون لو انفصلنا!! تكفى رجع ذاكرتك لقبل مانروح المطعم!! وخلينا نبدا..واوعدك زي ماوعدتك ولازلت على وعدي اني افتح معك صفحة جديدة!!!
مشاري تكفى واللي يرحم والدينك..سامحني..سامحني..امنحني فرصة..اثبت لك صدق نيتي!! وان خالد ماعاد يعني لي شئ!!
والله اني محيته من خااااطري!! هذا الخاطر اللي بديت تستحوذ عليه!! بكل اقتدار..وانت والله به جدير!! ادري حروفي متلاطمة..ومشاعري ثائرة..بس عذري انها طلعت من روحي واتمنى توصل لروحك!!!
مشاري..اذا الخالق..صاحب الافضال والنعم..يغفرللمخلوق..خطيئته..ليش المخلوق..مايغفر للمخلوق مثله زلته!!..مشاري طلبتك..تقبل اعتذاري وندمي..وهذي وردة ..اهديك اياه..وابيها منك مرسول اذا رضيت علي..وقبلت اعتذاري..لكن...لو..مارسلتها لي..بعرف ان اللي بيننا مكتوب عليه ينتهي مهما كانت رغبتنا بالاستمرار...!!
اختم سطوري..بشئ يجول بخاطري..رغم غيرتي..ورغم تعاستي..مستعدة اكلم ام سديم بنفسي..واترجاها ترجع لك..اذا كان هالشئ بيرضيك عني..والله اني صادقة..ترى امتلت عيوني دموووع بس وانا اتخيل نفسي اسوي هالشئ بس عشان خاطرك ..وخاطر اللي تبيه ..يهون كل شئ..ولاجل عين تكرم مدينة..
انتظرك..وانتظر..ماتخبي لي الايام منك!!!


محبتك..وباخلاص

..هدى..)))



في هجرك صار لي شي كثير..قصتي قصه وكيف ابدا بها..
طال ليل كان بعيوني قصير.. وكل ذكرى دق فكري بابها..
وصفي صار بزعلك خطير..والليالي ماحسبت حسابها..
ياحبيبي اقبل مني المعاذير.. يامناة الروح وأغلى أحبابها..

ثنيت الورقة بسرعة..خفت ارجع اقراها..واتراجع عن كلامي..
وركضت لغرفته..فتحتها..لقيتها ظلمى..ولعت اللمبات..ورحت لسريره..
حطيت الورقه اللي رشيتها بعطري..وثبتها والوردة فوقها..على وسادته..
وطلعت..ودقات قلبي تتراقص!!
سكرت الباب..وتسندت بجسمي عليه..مدري ليه..احساس بداخلي يقول..انه بيرسلها لي..او بيجيني بكبره..يبشرني!!
غمضت عيوني..وانا اقول..ااااااه ياكود..زعلك يامشاري...
^
^
^
مرت..الدقائق والساعات..ومشاري مارجع..
ناظرت الساعة ترجيتها توقف..لما يرجع مشاري...ويقرا حروفي..واعذاري..بس شكلها تعاندني..وكلما رجيتها تهدي..اسرعت اكثر!!
سمعت عصافير بطني تغرد..بس غمضت عيوني..مالي خاطر اكل..احس بغثياااان..وصدااااااع فضيع..انسدحت على الكنب..وقلبت القنوات بكل ضيقة...شهقت يوم شفت الساعة ..تعلن 2 الفجر!! معقول مشاري..مهوب راجع الليلة!! يعني بينام برى!! لكن خاطر..عصف بروحي..وخلا جروحي تنزف الامي..

لاتكون عفراء رجعت وبينام عندها...على طووول!!!
حسيت قلبي غاااااااااااص بين ضلوعي..
وتسارعت دقات قلبي..حطيت يديني على راسي..
حسيت بدوخة....حسيت بمرارة تسمم روحي..
والغيرة كالكهرباء تسري بعروقي..

ياربيه..تكفييين لاترجعين لما يرضى عني !!

رفعت عيوني الدامعة..لا..خلاص ياهدى..مكتوب عليك الحزن...
وين الفرح ياميرة الاحساس..اااه..وين باقيه...عطيني تكفين لو لحظة اعيشها بفرح..وعقبها..تعالوا عزوا اخواني بي..

تقلبت بفراشي..والنوم مجااااااااافيني..اذن الفجر..ومشاري مارجع..خلاص ياهدى..الرجال موب راجع!!
ليش ..حظي مايل..ليش كلما قلت زانت..خيب الحزن ظني!!
قمت ادور بغرفتي..وادور..مدري ليش؟؟
بس احس بشئ يفور كالبركان باعماقي..
احس كل شئ فيني مضطرب..وثاير..
ناظرت الدريشة..وقعدت اتامل..الليل..بهدوءه..وحزنه..والامه..
حطيت يدي على قلبي..ياربي موتني وريحني من هالاحساس...

كل شئ هادئ حولي...الا..احزاني والامي..اللي تفجر براكين قلبي..
توضيت وصليت..الفجر..وانسدحت بمصلاي...الله يرحمن والله مدري وش قلت بالصلاة..اتخيل مشاري الحين بيدخل عليّ..ويقول..ضفي عفشك..اخوك تحت ينتظرك..بس فيصل موب موجود..هالمرة من دوره!! علي..والا سعود!!

احس بخمول..وكسل..ناظرت الساعة..لقيتها 10 الصبح..وانا للحين مانمت..ومشاري مارجع!!
وش يرجعه..وهو لاقي حبيبته!!!
طيب ليش تزوجني دامه يحبها لهالدرجة!!!
بس عشان يعلقني بوه..ويهجرني!! بس عشان يثبت لي..اني دايما فاشلة وماصلح لااي شئ بهالدنيا!!!!

فزيت يوم رن جوالي...ناظرت الساعة..شفتها ثلاث ونص العصر..ياربيه معقول الرجال..ناسيني!! طيب يبلغني اروح لبيت اخواني..
اكيد هذا هو..يقول جهزي اغراضك!!!
اترجفت اطرافي..اخذت الجوال..شفت مشاعل..

رديت عليها..وانا الصيحة تخنقني..اصعب شئ انك تموت وانت تنتظر الموت يجيك!!..والموت هو ...هجران خلك لك!!

وطيت على روحي..وجاريتها...وانهم بيروحون للاستراحة..لحد ماسمعت صوت خلود..
رجعت انسدحت بمصلاي..خارت قواااي..حسيت اني انتهيت..
مانمت من امس..وماذقت شئ لي يومين..
وكله يهون...عند قسوة احاسيسي ومشاعري...بمشاري!!!

ااااااه ياخلود!!

انت وينك!! يانا محتاجتك..الحين..اكثر من اي وقت راح,,,
اول كانت عندي امي..كان عندي فيصل..
لكن الحين كلكم رحتوا وخليتوني..اصارع همومي بروحي!! بقاربي المكسور..بوسط هالبحر المتلاطمة امواجه..

حاولت اتماسك..لكن يوم قالت: وش بك صوتك ماجاز لي..
لحد هنا ماقدرت امسك عمري...اطلقت حروفي تسابق دموعي..ومادري وش قلت لها...بس كل اللي اذكره ان السوااااااااد غطى روحي ونااااااااااااااظري...
باقي فرح
باقي فرح •
********************

فيصل

********************

نقزت من فراشي..ويدي على قلبي اللي ينبض بجنون..
قلت : الله يجعله خير...الله يجعله خير..
ناظرت ساعة يدي..شفتها اربع ونص الفجر..

صورتها وهي ممدة بكل هدوء وسكينة قدامي تروح وتجي..

وصوت خالد يقول: الحق عليّ..هدى مااااااااااتت!! فيصل...اللحق عليّ..هدى ماااااااااتت يافيصل..ماااااااااااتت!!

يتردد باذني..بكل وضوح..وكانه قدامي..وهي بين يدينه..ويهزها ويقول مااااااااتت ...مااااااااااتت..

شلت لحافي..ودخلت الحمام ..غسلت وجههي..ناظرت روحي بالمراية..ورحلت بافكاري ...بعيد...بعيد..لحد الرياض..ولحد ماختي هدى هنااااااااك!! طلعت..وشلت الجوال..
دقيت..عليها..ناظرت ساعتي مرة ثانية..عندهم الحين الساعة 11 الضحى!!

بس رن لحد مانقطع...وهدى ماردت!!!
دقيت على مشاري..رد علي..وقال بسرعة: معليش فيصل مشغول ادق عليك بعدين مع السلامة..

قطبت جبيني !!! غريبة هذي اول مرة...يكلمني مشاري بهالشكل!!
وقفت والخوف..يعصر قلبي..لايصير هدى بها شئ..ومشاري مايبي يكلمني!! الله يستر!!
جلست على السرير..ومشاعري المضطربة ..تمزقني!!!
انا منين القاها والا منين...من امي اللي معذبتني مع جرعات الكيماوي..بصياحها..والامها..وكلامها..
والا بختي..اللي زوجتها ورحت وخليتها!!!
فركت وجهي بكل عصبية..ولبست جاكيتي الجلد الاسود..
دسيت جوالي بجيب بنطلوني..وطلعت للشارع..

بهدوء الليل..تجتاحك مشاعر غريبة!! وبهالحلم تحس كل مشاعرك تذبحك!!
غريبة وش جاب خالد!! وليش هو اللي معها مهوب مشاري!!!
نقزني قلبي..لا...اكيد هدى صاير به شئ!!
مشيت بلا وجهه..بس حسيت نفسي ابي اهرب من مخاوفي..
لحد مالقيت كرسي..تحت شجرة كبيرة..
رميت روحي فوقه..والبرد يلسع اطرافي..
رفعت راسي..اسمع حفيف اوراق الشجر..المخيف..بهالظلام..وبهالهدوء..وبهالمشاعر!!!

حدقت بالفرااااااغ!!!
لوهدى صار لها شئ..والله ماراح اسامح نفسي!!!
ياليتني جبتها معي!! والله كان اريح لي واريح لها!!! بس ..!!
غمضت عيوني..والدمعة تحرقها...
ياربي اجعله خير!!

"هدى ماااااااااااااتت"

مااقسى هالكلمة على روحي!!
وقفت..والبخار..يخرج بكثافة من حرارة جوفي على اختي...كملت مسيرتي الى المجهول..ورميت برجلي بكل عصبية علبة كولا..اعترضت طريقي..وكاني ابي اطرد افكااااااااااري!!!

على الساعة 8 الصبح...
كالعادة شلت عدتي ورحت للمستشفى...
دخلت على امي..وحبيت راسها..اللي تغطيه شيلتها..عقب ماطااااااح شعرها..
فيصل: صبحك الله بالخير..
قالت بكل تعب: هلا والله...كح..كح..وينك تاخرت اليوم!!
جلست عقب ماحطيت الكيس على الطاولة..
فيصل: سامحيني بس امس سهرت وتاخرت بالقومة..
امي: صليت الفجر!!
قلت: ايه..
امي: الله يهديك...لاتفوتك الصلاة ياوليدي..
هزيت راسي وقلت: الله يجزاك خير يايمه...
دخلت علينا الممرضة..وقالت لامي: قود مووورنق..هاو اري تودي!!
قالت: وه ...وخري عن تكفييين...يابنت قريح انتي وابرتك!!
قلت للممرضة: شي از فاين..ثانكس
ماتدري وش تقول له امي..سالتني: ايد ليك..تو هاف سوم..بلود..كان يو هيلب مي !!
ناظرت امي وقلت: يمه بتاخذ تحليل دم..
امي: قضى دمي حسبي الله عليهم..مابقى بي شئ..نعنبوبهم كل صبح ياخذون من هالبراويز..شكلهم ياخذونه ويتبرعون بوه !!
ابتسمت وين يتبرعون بدمك المريض يابعدي انتي!!

حضنتها يوم شفت عيونها مليانة دمع...حسيت امي احيانا تتصرف زي البزارين..ماتواطن الابر..وتهاوش..على كل شئ..او يمكن المرض..وقوة العلاج..تدهور نفسية الشخص..ولا شك الغربة والبعد عن عيالها وبناتها..ومرضها..يهد روحها!!!
الله يعينها ويشفيها ياااااااااااااارب..
قلت وانا امسح دمعتها: خلاص يالغالية...لازم ياخذون تحليل..عشان يشوفون استجابتك للعلاج..
قاطعتني: ياوليدي ارحمون...خلاص مابي لكم علاج..خلون اموت والله ارحم من هاللي يسوونه بي..
غصت بي العبرة..قلت: الله يهديك يايمه..وش هالكلام!! وين ايمانك بالله..والله جاعلن لكل شئ سبب!! وهذانا جايين نتتسبب!!

تقدمت الممرضة..تسحب الدم من ذراع امي..اللي مابقى دعوة ولا شتيمة ماطلقتها عليها...وهي تناظرها وتتبسم..ماتدري وش تقول..

طوال مانا مع امي..نسيت كل شئ عن هدى..
خصوصا ان مشاري ماتصل علي..ولا شئ!!..

على الساعة وحدة الظهر...طلعت اتغدى..
طلبت غداي وجلست على الطاولة..وعيوني تتامل هالاشكال والالوان بهالبشر..سبحان اللي خالقهم ..وعالم بماخفي صدورهم وماتبدي..

وانا اتغدى...ذكرت هدى..
وعلى طول طلعت جوالي..ودقيت عليها...
بس للاسف انقطع وهي ماردت..

دقيت على خلود..
رن ثلاث مرات..وبعدها ردت..
قلت: السلام عليكم..
خلود بصرخه: عمي فيصل؟؟؟؟؟؟؟؟ هلا والله...وشلونكم
يابعدي..والله شفت الرقم ومافكرت انه انت..توقعتها نجود...ياحبيلك..وشلونك..وشلون امي ؟؟
فيصل: كلنا طيبين..اخباركم انتم!! ووشلون نجود..
خلود: كلنا بخير..وماناقصنا الا شوفتكم!!!
فيصل: وشلون هدى ياخلود؟؟
صدمتني يوم قالت: ه..هـ...هـــ.....هــــدى!!!
طاحت الملعقة من يدي ووقفت وانا اقول: وش به هدى!!!

بس خلود صكت الخط بوجههي!!!

لا
لا
لا
انا قايل لكم ..هدى به شئ!!!
طلعت بسرعة..وركبت سيارتي!!
مدري وين اروح!! ولا وين اجي!!
وقفت سيارتي..اللي كنت اسوقها بسرعة..
وطلعت جوالي وباصابع مرتجفة دقيت على خلود...بس ماردت!!
رجعت ادق على هدى..ولاترد...دقيت على مشاري..رن وبعدين عطاني مشغول!!!
ياناس ردوا عليّ..حراااااام عليكم!!!
قولوها لي..واالله اريح الف مرة من هاللي تسوونه بي!!
جدعت الجوال من يدي..وحطيت راسي على الدركسون..
واجهشت اصيييييييييييييح !!!


انا منهو حمل همّه على راسـه تقـول عقـال !!
مجاديف الزمن دارت عليه ونَسّـف الغتـره
وانا منهو فقد صوته وبعض الصوت بـه مـازال !!
دعيـت الله يفرّجهـا علـيّ وبحَّـت النبـره
أشيل الحمل عن غيري وحملي صـار ماينشـال !!
مثل الشيخ الهزيل اللي مشيبـه منقـضٍ ظهـره
باقي فرح
باقي فرح •
*****************

خلود

****************

سكرت الجوال بوجه عمي فيصل..ياربي وش اقول له!!!
وقفنا بالحوش عقب مانزل فارس..وسلم على مشاري..ودخله المجلس..
دخلت و هيفاء..الصالة..طلينا بالمطبخ..بالغرف كلها...وحنا ننادي

"هــــــــــــــــدى"

هيفاء: يمكنها بغرفتها فوق ولاتسمعنا..
خلود: معقول ماسمعت الجرس..ولاتسمع التلفونات!!
هيفاء: يمكنها طالعة!!
خلود: وشلون طالعة...كان مشاري قال لنا..موب يخلينا ندخل..الا اكيد انها فوووق..خلينا نرقى..

وصلنا باب غرفتها..وحطت يديني على الباب وقفتني هيفاء
هيفاء: طقي الباب..اول !!
طقيت...وانتظرت..ماردت
حطيت اذني على الباب..وتسمعت..مافيه صوت..اسمع صوت المكيف بس!!

لاشعوريا...اندفعت افتح الباب..وصوت عمي فيصل يتردد باذني"لااوصيك ياخلود...الله الله بهدى ترى ماعندها الا الله ثم انتم.." يوم حضنته قبل لايسافر!!
ويني عن وصيتك ياعمي..سامحني..ضيعت الوصية والموصى عليه!!

..قابلتني ريحة عطرها...كانت غرفتها مظلمة باردة...
حطيت يديني على اللمبات..وانتشر النوووور بارجاء غرفتها...
جالت انظاري على السرير المرتب..
التفت على باب الحمام..لقيته مفتوح..ومظلم..
وين راحت!! معقول تصير طالعة!!!
لفيت بطلع...لولا اني لمحت طرف اصابعها من ورى السرير..

مشيت خطوتين...وانصدمت بها ممدة بكل هدوووء بمصلاها...
وعيونها نصف مفتوحة ..وشفايفها زرقااااااااااء..
كان وجهها شاحب..اصفر..
والجوال طايح جنبها..

جمعت يديني على اثمي..امنع صرختي..لكن يبدو ان صدمتي كانت اقوى...
يوم صرخت...باقوى صووووتي..

"هــــــــــــــــــــــــدى"

مانيب مصدقة عيوني..خارت رجليني..طحت جنبها..واطرافي ترتجف..خوف..صدمة..الم..مانيب مصدقة اللي تشوفه عيني..
مررت اصبعي..على وجهها..لسعتني برودته..مسكت يدها..ماكانت ادفى من وجهها..هالني..صدمني..شكلها!!!
صحيح بحياتي ماشفت ميت قدام عيوني..
بس مدري ليه..حسيت ان الحياة غادرت هالجسد..ومن زمااااااان...

امتلت عيوني دمع..يوم رن جوالها..وطلع اسم "فيصل"..

رفعت الجوال..ومديته لهيفاء..اللي وقفت بذهول تقلب عيونها بيني وبين هدى..
قلت والصدمة لايزال تاثيرها: خوذي..ردي على فيصل..
بس هيفاء تراجعت..ودموعها تمشي على خدها..
لحد ماوصلتني صرختها..وهي تركض برى الغرفة

"فااااااااارس....الحقنا...هدى ...ماااااااااااتت"

شهقت ...ووقفت..واطرافي ترتجف...

ماااااااتت!!

حسيت برجفة بعمودي الفقري..ياويلي..معقول..هدى تموت!! وبهالمكان!! ليش؟؟؟وين مشاري عنها!! معقول يصير طلقها!!
لا..هدى ماماتت..يمكنها تعبانة...يمكن نيمة...يمكن كل شئ..الا المووووووووت..هدى ماماتت!!

مسكت يدها..وضغطت عليها باقصى قوتي..
ياويلي عليك ياعمتي!!!!
ياويلي..على شبابك..ياويلي على حياتك..
ياربييييه....تكفييين لاتروحين قبل لاتشوفين امي لولوة..
هدى..طلبتك.. اصبري..سامحيني ..واعذري قصوووري..
والله انها ظرووف الحياة..

وارتفع صوتي..يوم يئست انها ترد عليّ..
وقلت: ساااااااااااامحين يالغاااااااااااااااااالية...

لكن يد فارس سحبتني..
وهو يقول: خلود وخري..عن مشاري..!!
رفعت عيوني..وشفت مشاري..ينحني يشيل هدى..
من حجري,,,انحبست انفاسي
ووقفت دقات قلبي.. ليه المواقف هي نفسها تنعاد قدامي..بس باختلاف الاشخاص..ذكرت نواف وهو شايل نجود يوم زواجها!!!
وهذا مشاري يشيل هدى!!!
بس نجود رجعت..وتزوجت فهد!!
وهدى بترجع..صح!!

شفت هيفاء..متغطية..وبيدها جوال هدى..وتصييييح
قلبت ناظري بينها وبين هدى اللي تهاوت بين يدين مشاري..
سالتها: وش بها هدى!!
انفجرت هيفاء تصيح..وهي تبعد عن طريق مشاري..
عقب مالفها بجلال الصلاة..

جتني هيفاء..وغطتني بشيلتي!!
توي ادري اني كنت كاشفة قدام مشاري وفارس!!!
ياربي لاتفجعنا..ياربي اربط على قلوبنا..

مسكت هيفاء يدي..وسحبتني اوقف..
قلت: وين بيوديها مشاري!!...
حضنتني..وقالت: اذكري الله ...اذكري الله ياخلود..
ابعدتها عني..وقلت: وش بها هدى؟؟ ليش ماترد علينا..
هيفاء: مدري..مدري..قومي..خلينا نمشي..
سحبت يدي وقلت: انا بروح معها..وينها!! وين اخذها مشاري!! ماقلتي لي وش بها....تكفيين هيفاء قولي لي..وش قال لكم مشاري!!
حطت هيفاء يدها على اثمها وانفجرت تصيييح من جديد
وصلنا صوت فارس: ماندري وش بها ياخلود...يالله خلونا نرجع..واكيد مشاري بيتصل يطمنا عليها..
نسيت عمري..يوم قلت لفارس: بيتصل!! ومتى بيتصل!! لا..انا بروح معها..
"وطلعت من غرفتها..اركض..بلحق مشاري"

فارس:خلود....لحظة...اصبري..

طنشت فارس..انا لازم اروح معها...كلما غمضت جتني صورتها..
وصلت باب الشارع لقيته مفتووووح..طلعت..وتلفت مالقيت اي اثر لمشاري..
التفت وشفت فارس وهيفاء..واقفين بباب الشارع,,
فارس وهو يسكر الباب: يالله نمشي..
قلت: فارس تكفى ودني لها..
سحبتني هيفاء..وركبتني وركبت جنبي..
طول الطريق...كانت هيفاااااااء تصيييييييييح...
اما انا جايتني حالة مدري وش اسميها...
مانيب مستوعبة للحين...ان هدى يمكن تروح من يدينا باي لحظة..
يعني لو ماجينا لها للبيت..وش كان بيصير!!
هاه؟؟ لايكون صدق تطلقت!! وهذا وش قاعد يسوي بالبيت!!!
شكله من زمان وهو بالبيت!! وينه عنها !!
التفت على هيفاء اللي تشاهق..
وقلت: تكفييين اسكتي..هيفاء..والله اللي بي يكفيني!!!
زادت شهقاتها وانفجرت تصييح..
هيفاء: غصبن عن ياخلود..والله اللي شفته موب هين!!!
فارس: ادعوا لها...بدال هالصيااااح..

دق فارس على مشاري..وساله عن المستشفى..
سمعته يقول: اشارة التامينات؟؟ خلاص..هذانا قريبين...دخلوكم والا لا!! يالله مع السلامة..
^
^
^
الغريب..اني من شفت عمتي هدى ..الى الحين..دمعة وحدة ماذرفتها عيني!! احس برجفة..احس بدوخة..احس بشئ بارد يعصر قلبي
بس صياااااح..لا...ياليتني اصيييييح وارتااااح من هالغصة اللي بصدري!!

اسندت راسي على الجدار..وانا اشوف مشاري يروح ويرجع
تدرون وش اتمنى!! اتمنى اقوم واعطيه كف!!!
وينه عنها!! يعني لو حنا ماجينا..وش كان بيصير!!!
غمضت عيوني ...لايكون صدز طلقها!!
لا..ياويلك يامشاري تسويها ...حراااااام عليك..انت ماتعرف هدى وش ذاقت بحياتها من احزان تكفي لاتزيدها حزن!!
تنهدت ..خليها تقوم ...الحين..وبعدين يحلها حلال..
رن جوالي..وطنشته...خفت لايكون فيصل..

التفت وشفت فارس حاضن هيفاااااااء اللي تصييييييييح...ويهديها..
مدري ليه ذكرت عمي فيصل وهدى!!
من عرفته وهو شايل همومها اكثر منها...وهذاه ياعمري حاسن بها وهو تفصله عنها الاف الامياااااااااااال...
اااه يازين الاخواااااان الله لايحرمنا منهم...

وغصت بي عبرتي يوم ذكرت نواف وجدة!!!!
بس تكفييين ياخلود

يكفيني اللي بي...ارحميني..

انفتح الباب...ووطلع الدكتور..وهو يشيل كمامته..عن خشمه..

مشاري ساله بكل لهفة: طمننا يادكتور الله يطمن قلبك...

حطيت يديني على اذني..
خفت من الصاااااااااعقة...خفت من هول اللي بسمعه...
لا..تكفووون..تمنيت اني اذووووب ولااشهد اقسى لحظة بعمري
ياربيه لو سمعتها ..من بيواسيني!!
هيفاء ومعها اخوها!!

انا من لي ياهدى!!!
تكفيييييييين لاتتركينني..

رفعت عيوني بترقب..يعصف بعمري..وانا ارص على روحي..
وانحبست انفاسي يوم فتح الدكتور اثمه وهو يقول


" ابدا...كل خير...هدى حاااااااامل"


***********************

نهاية الحلقة الخامسة والعشرون