زمان عنكم (بعدين اسولف الصفحه هنا تعيي:( )
و ربي الحرب جابت كل اللي في بطني
و قدمت أشياء و أخرت أشياء .. يوم طلع بوش القرد
هكاليوم هو ووجهة اللي كنه خشة ددسن 77 ويهدد صدام .يقول بعويذ الله منك أنت وعيالك
اطلع أنت و اياهم و الا ترى ماعندنا لكم الا ماطرّق الحداد
من يوم سوى تسذا وأنا عارفة انا الدعوى خربانة وبدأ العد التنازلي وأنا عيوني بالتلفزيون أقول
يمكن ان الله يهديهم يوم الخميس الفجر عجزت أنام مع اني ما انام الا مع تباشير
الضحى وعليها الى العشاء لاتفهموني غلط ترى هذا كله علشان الريجيم
المهم ذاك اليوم الفجر دهنت ركبي وأنا خايفة وألبي موش متطمن حاسة ان فيه
حاجة هتحصل . قلت تدرين نوم الظالم عبادة
و حين توكلت على الله و أويت الى الفراش واندعست تحت البطانيات وماش جزت
عيني عن النوم واحاول ولا بوه فايده ماقدرت وأنا اللي أدعي على بوش
والى الحين مازلت ساهرة ا قرأ لامي الخط اللي يجي تحت بقناة غصب واحد
الله يأطعك يابوش قاعدين نتفرج على شريط الاخبار و انا اتفرج على فلم كرتون
وربي ماجبت خبر الوالدة
و فجأة ياكثر الفجئات انا مستمتعة مع بباي ومرته المعصقلة
نقزت أمي
قالت هييييه قلت سمييييي
قالت تغير الشريط
فزيت وقمت اقرا لها
مقتل اربعة في مظاهرات بليما
قالت اطمريه
سمي
تجدد الضربات وبشكل اعنف مع سقوط الف صاروخ و الف طلعة جوية ..
لعنبو ذولا منين يجيبون هالصواريخ ؟
و وشن الطلعات الجوية ؟
الطلعات الجوية ياميمتي يعني عدد الطيارات اللي يطيرن ويضربن ويرجعن ..
شيطان طربهم الف طيارة ؟ منين لهم ؟
و بعدين مايتصادمن ؟
هم قبل العام شارينهن من سوق الزل
شوي والا التلفون بجبهتي
قلت احسنتي يمة هذي طلعة جوية ناجحة !!
و حققت اهدافها ولو صبختين بالرادو كان صارت بي 52
اها انثبري و كملي
سمي
مصرع خمسة جنود روس في الشيشان
الله يجعله
بس وش جاب ذولا هنا
والله ياميمتي انا اقرا المكتوب
يمكن يبون يرفعون روحي المعنوية لا يمة انتي مرتفعة بلاش ..
اجل وش صيدهم والناس تكمخ بعضها هنا بذنك ( جنبك ) وذولا يقولون الشيشان
ياميمتي و الله انا اقرا المكتوب
والله مدري عنتس
الى مرت الشيشان ورين اياها
طيب هذي هي
اقري الشيشااان و الا الشيطاان
شيطان يطير بك ولا يوقع
انقلعي
وانا ماصدقت على الله ابنام لي اربعة ايام مانمت
ولما ان دلفت الى فراشي واحسست بالدفء يسري في عروقي
و رجولي
اذا بطرق عنيف
قلت بس وصلتنا الحرب
وهذا توما هوك صقع دار خالتي مزنة
ولما بلجت عيناي المغمصتان ايقنت ان احدا يرزح الباب بقوة
تحلفون انهم دواسر مستنزرين
وانا اللي افتح
والى امي معها سبعة جراايد
قالت يالله وانا امتس .. امشي اقري علي ..
ـ قلت و الله ياميمتي انك صدق تبين من يقرا عليك
وشوي والا نعلة الحمام (صاروخ كروز) بخشتي
عادي هذا اخوي الصغير
يقول احترمي امك
ومازالت الحرب مستمرة
ومازال هذا السيناريو يتكرر كل يوم
في كل بيت وعند كل بنت ما اعرست
وكان ققدرها ان تفوم الحرب من غير عرس
وارجع واقول بوش صاروخ يفقع جبهتك
كان عذبت المسلمين وحرمت بناتهم من العرس
ملتوش مع تغيير بالحسبة
الضحى وعليها الى العشاء لاتفهموني غلط ترى هذا كله علشان الريجيم
كخخخخخخخخخخكخخخخخخخخخخكخخخخخخخخخخكخخخخخخخخخخكخخخخخخخخخخكخخخخخخخخخخكخخخخخخخخخخكخخخخخخخخخخ
كخخخخخخخخخخ
ياحظي انا الأولي هلا جوجو يسلمووووعلى الموضوع
يجنن الأسلوب
كخخخخخخخخخخ
كخخخخخخخخخخ
كخخخخخخخخخخ:27: