احنا نسميه جباتي حمر
الطريقة هذي راح تكون غير
لأني أضفت الروب ،وشنو فائدة الروب؟
أولاً : الكثير يشتكون أن البوري اللي يسوونه ييبس بسرعة ، مع الروب ما راح ييبس
ثانياً : يمنع امتصاص الزيت ، يعني راح يكون قليل الزيت خفيف على المعدة
ثالثاً : يمنع اسوداد زيت الطبخ ، فيبقى الزيت نظيف .
نبدأ؟
المقادير
2 كوب طحين أسمر
1 كوب طحين أبيض
2/1 كوب روب دافئ
2/ 1 1 ملعقة صغيرة ملح
1 ملعقة صغيرة كمون بودر
2/1 ملعقة صغير كركم
1 ملعقة صغيرة زيت
ماء دافي
تخلط جميع المقادير ( ما عدا الماء ) وتعجن
يضاف الماء تدريجياً حسب الحاجة ( وما راح تحتاجين كثير)
تكور العجينة وتغطى وتترك ترتاح ربع الى نصف ساعة
وبعدين تقطع الى كور مقاس كرة تنس طاولة
أنا هني سويت نص المقدار (بس عشان أصور ) بس نسيت وحطيت كركم كامل فصارت صفرا وايد)
ترق العجينة بس بشوية سماكة (يعني مو مثل الجباتي)
ونكون حطينا زيت تحمير (عميق) على نار هادية ... خليه يسخن على راحته ولما يكون
جاهز نزلق البوري من الطرف عشان لا يطرطش علينا
راح تنتفخ وتطفح ، اضغطي عليها ونزليها
أول ما تتحمر قلبيها وحمريها من الصوب الثاني ( ما تطول )
على فكرة شكلها بالطبيعة أحلى من الصورة - عذروني تصوير موبايل !
أرجو أن أكون قدمت شي جديد بالنسبة لكم ، وشكراً
تخلط جميع المقادير ( ما عدا الماء
وتسلم يديك