بــيـن حانا و مانا ضاااااااااعت لــحانا !!!!!

السلام عليكم ورحمة الله وبركاته


مسيكم بالخير والعافيه


اعتبروي موضوعي فسحه واللي نايم يصحى طلعوا سندوتشاتكم والسن توب وريلاكس



هذا بوة مثل من أول تاسن تسعفني الذاكرة يقووول 000


((((((( بــيـــن حــــا نــــــا و مــــا نـــا ضاعت لــحــا نـــا )))))))


انا الحين متأكده انكم مافهمتووة بس هذا مثلن قديم مالحقتووة اغلبكم وانا متأكده


قبل لا اقول معنى المثل ودي اقول بهالحزة اني مشتاقتن لكم حيييييييل بعد ماغبت عنكم ثلاث اسابيع وانا كاتبتلكم بتوقيعي اسبوعين

ومابووه احد منكم سأل عني وقال ام الكتاكيت وينها وانا اللي كنت اقول في نفسي
اللحين القى المنتدى مقلووب فوق حدر يسألون عني وش اللي اخرني

لكن حساااااااااااافه رجعت مالقيت ولا حتى كلمة الحمد لله على السلااااااااامه
يأم الكتاكيت

لكني عاذرتكم وادري ان الترفيهي مهبل بكم ومنسيكم حتى اساميكم

المهم نرجع لمثلنا


انا بسهلووة عليكم وبغيروه الى ((((( بـيـن مزنه وخزنه ضاعت لحانا ))))))

توضيح المثل //
هذا شايـبـن من شـيابـين من أول تزوجلووة حرمتين وكان لوة لحيه وش كثرة ماشاءلله وكانت اللحيه

جايه على شكل لونين لون ابيض ولون اسوود زين تخيلتووها المهم الحرمه

الاولى من عنيزة وأسمها (( خزنه )) وكانت تسبيرة وطايحتن ضروسه


والثانيه من بريده وأسمها (( مزنه )) وكانت صغيرتن بالحيل وجميلتنويشهدله كل من شافها

واذكرة انها كانت تـنـافسن بالجمال بس انا ما اقبل ياخذن شايب وعلى ذمتوة ثانيه المهم

كان حاطن لكل وحده ليله

وبالليله اللي يكون عند العجيز خزنه تجي خزين وتـنـتـف شعرتن سوداء من شعيرات لحيتووة

وبالليله اللي يكون بذااك عند مزنه تجي مزينه وتـنـتف شعرتن من شعيراتووة البيضاااء من لحيتووة


وكل ما قالهن ليه

قال خزنه انت رجالن تسبير ولك هيبه ومكانه والشعر الابيض وقار واحترام

وتقول مزنه انت توك شباب وش تـبـيـبوة الشعر الابيض خل الاسود توك صغير جرمك زين ومالين عيني


وعلى هالحال كل يوم تـنـتــــف شعرة

شعرة سوداء


شعرة بيضاااء


شعرة سوداء


شعرة بيضاااء


وما مر شهرين ليمن تنتف الشعر وطلع املطن يصقع النور خدودوة وتعقس الخدود نور الشمس على عيني

ويوم ناظر وجهوة بالمرايه الا والله الرجال متغير وموهب الشايب اللي كان يشوووفوة والله مير


تحمر عيونه ويزبد ويرفس وتجيه حاله جنون وحاله عصبيه مامثله


وجاء عند حريمووة وطلق خزنه المسيكينه وطلق مزنه << احسن قاهرتن

وعقب مده والا انا مارتن من عند بيتوة وألاوو جالسن وايدينوة على خدودة موهب قادرن يمسكهن


يزلقن يدينوة ..


قلتلوة حسافه وش انت مزينن في بوهتك وين اللحيه


وقام تنهد وقال ياام الكتاكيت بين خزنه ومزنه ضاعت لحانا


عـــــــــــبــــــــــــر ودروس من هالمثل ---

1- اي رجل يسمع كلام المرة بتضيعووة

2- وان كنت ماتبي تزعلهن خل عندك لحيتين وحده بيضاء والثانيه سوداء او حسب طلبهن لا بغن اي لون

3- بالوقت الراهن وفي ظل الاحداث الاخيرة المؤسفه في بلادنا اقول خلك على وحده وانطم ...

ملطووووووش