بفضل الله ولدت ولكني اعاني ارجو من الجميع الدخول والنصيحه

كيف حالكم يابنات وياحوامل الله يهون عليكم جميعا ويسهل ولاداتكم انا يابنات ولدت بفضل الله بعد معاناة مع الحمل الله لا يحرمني الاجر وجتني بنيه ولكن كانت تعبانه وصغيره جدا يعني وزنها اقل من اثنين كيلو بخمسين غرام وعندها ثقبين في القلب وحزنت عليها كثير لأنها على طول حطوها في العنايه المركزه واستمرت 10 ايام والحمد لله طلعت قبل كم يوم المهم كنت اروح لها كل يوم في العنايه واجلس على الكراسي الي عندهم وما كانت مريحه ابدا والكل يقول لي لا تروحين حرام ترى تعب عليك بس والله ما قدرت لازم اروح واشوفها وابكي عندها الى ان يطيب خاطري وبعدين اطلع المهم رحت عندي موعد مع الدكتوره الي ولدتني قبل يومين وكان عندي التهاب في الخياطه وحكه فلما شافتني روعتني قالت ليش الخيوط طاحت والخياطه متمدده والمكان ملتهب اكيد تجلسين في مويه دافيه قلت لها لا والله ماجلست لأنني اصلا ما كنت منتبهه لنفسي بس مكتئبه وابكي على بنيتي المهم يابنات قالت كملي على المطهر الي عطيتك مع الدهان وان شاء الله يخف الالتهاب وما اقدر اعطيك مضاد ثاني لأنك خلصتي عشر ايام مضاد خلاص كفايه واليوم يابنات وانا احط الكريم تحسست المنطقه الحساسه فيها زي الدمل من الجهتين الي عند فتحة المهبل يعني حالتي حاله ما يعلمها الا الله .
يابنات الله يخليكم وش تشيرون علي اروح لطبيبه ثانيه لأني اخاف ان الخياطه خربت من عدم الراحه وكثرت الجلوس وعدم الاهتمام واكيد الدكتوره الي ولدتني ماراح تقولي ان الخياطه خربت وهل لا سمح الله احتاج اعادة خياطه ؟؟؟
والدمامل ما ادري اخاف بعد تحتاج مضاد وانا ذبحني المضاد الاول والله محتاره ما ادري وش اسوي؟؟
وبالنسبه لبنتي مين مرت عليها نفس الحاله ولد لها مولود عنده ثقبين في القلب مع العلم اني ولدت ولاده تقريبا تعتبر مبكره في منتصف الاسبوع الثامن والثلاثين .
تكفون يا بنات الله يخليكم ردو علي وساعدوني الله يهون عليكم ويسعدكم دنيا واخره.