وحشتووووووونى
مشرفاااااااااااتى ذيكووووو أم سلطاااااااااان رووووووووعه أموووووووله وحشتووووونى
بنااااااااااات الواااااااااااااااااحه بدون أستثناااااااااااااء وحشتووووونى
أكيـــــــــد أنا بعد وحشتكم صـــــــح
يسعدلى مسااااااااااااكم كلكم
موضوعنا اليوم عن التعصب القبلى.......هل هو ظاهره أم طبيعه فينا عايشه في داخلنا وكل يوم تكبر من غير مانحس ....
اللى خلانى اتكلم في هالموضوع موقف صار لى مع بنتى خلانى اراجع احساباتى وافتش في داخلى عن بقايا لتعصب العنصرى (( الأخت عايشه في شيكاغو
))....نبدأ القووووصه في يوم من أيام العطله أه يالعطله تذكرونها ياسرع ماراحت
الموهم كنت أمشي ((والله وكبرتى ياغلووو وصرتى تعرفين تمشين بالحالك الله ياالدنيا)) وانا اللى أدوس على شي بس ماون الحمدلله فعرفت تلقائيا أنه جماد ((أحلفى )) وناظر تحتى إلا هو خاتم بدون فص ومعوج ومليان تراب ((كل هالعذاريب علشان محد يقول حقى أعرفكن ملقف)) وأنا اللى أنتشله من الضياع إلا الهاويــــه مسيكين حظه أشهب قررت أنى البسه الموووووهم ناديت بصوووت غير مسموع الخاتم حق احد ياناس حق أحد هذا محد رد مارد على غير صدى صوتى في صدرى يقول نوتى تلبقينه ياغلووو صح وأنا اللى أبتسم أبتسامه ذات مغزى وعويناتى تقول إلا لبقته وأنتهى الماضووووع .... المووووهم قررت أنى أكشخ فيه بالعيد وخاصه أنه روووعه ((أهبي توتس تقولين معوج وحالته يرثالها )) وأنا اللى أقوم وأحطه في صابون وماى وأبدى أفركه علشان ينطع في أصيبعاتى اللى كنها زنود الست ((تسمع بالمدح وجابت العيد ))....وأنا أفرك بالصابون(( عرفنا طلعلتس المارد والديباجه المعهوده شبيك لبيك )) لأ إلا نظف وصار يهبل ولبسته بس مغير حبيت أعلمكم عن الخاتم......نرجع لموضوعنا((غلوو يأمى تغير قناوات فيذا مانبي ممكن
)) خلاص يالله عاد نرجع لموضوعنا أمسانا الليل بنتى الله يسلمكم صغيره عمرها 6 سنين كل محد قالها شي قالت أنا بنت فلان وأنا أمى فلانه وأنا وأنا الـخ وبدات تلفت نظرى الجمله حقتهاوأناديها وأسولف معاها قلت : ياأمى أنتى ليش دايم تشيحطين بأهلتس بنت فلان وبنت فلان انتى ماتدرين أن دينا يحث على ترك الشي هذا وأن الرسول عليه الصلاة والسلام قال بمعنى حديثه لما حصل خلاف بين مهاجر وأنصارى أنه بكم بقايا من الجاهليه ليش ياأمى ......؟؟
وهى اللى تناظرنى بكل براءه قالت : يمه أنا أسوى مثلج أنتى دايم تشيحطين (( التشيحط هو التفاخر)) بجدى وبخوالى وأبوى أذا كنتى راضيه عنه
..... يعنى عادى مافيها شي ......وراحت تلعبوأنا اللى تكسر فيسي وعجزت لا أجمعه ... معقوله أنا فينى بقايا من الجاهليه ! !
مستحيل مش ممكن واخزياااااااااه الورعه أحرجتنى وجابت قذلتى قدام وباقى شعرى ورى ((للخلا أجل قبل شعرتس شلون هو قايل
)) قلت مقعوله (( يعنى معقوله عشان أبين لكم مدى الصدمه )) أنا فينى تشيحط ؟؟؟؟؟؟؟
وأنا اللى أقرر أنى أراقب نفسي وأراقب اللى حولى وأسجل ملاحظاتى في دفيتر صغينوووون خاشته في المكان اللى تخشن فيه الفلوس إذا مالقيتن البوك ولا الشنطه وأنتن مستعجلات كخخخخخخخخخخخخخخخخخ
وأبدى أسجل وأسجل وأسجل وياراسي راساااااااااااه شوفن وش كتبت........ :
رقم الخياط .... حصه ام شوشه .... حلوة اللبن ... لولى .... للخلا هذا وشهو ؟؟؟؟
أيه أسفه طلعت الدفتر الغلط هذا النوته لحظه أحوس أدور دفترى هذا وشهو ؟؟؟ خاتمى اللى كنت كاشخه فيه أحسبه ضاع أثره أهنيه ياسبحان الله مايضيع حق وراه مطالب ((تكفيــــــــــن )) لحظه خلونى أحوس مفتاح غرفتى أبك أثرك أنت اللى كل مانمت على صدرى عورتنى ((الحين عرفتو مكانى اللى حاطه فيه أعراضي وين
)) لحظه بحوس ياربي أن شاءالله القا فناجيل القهوه حقتى اللى ضاعت في البر حتى الخيمه يقولون أنسرقت مدرى ضيعوها الصبيان تهقون يابنات القاها فيذا ((مهب صدر صندوق العجايب
)).....الحمدلله لقيت الدفيتر ناظرن وش سجلت على نفسي عايلتى من اخطاء ....... :
في يوم كذا قلت أنا بنت فلان في أكثر من سالفه في نفس اليوم
في يوم كذا كنت في عرس ورقصت على بنت فلان تغلى .... مافي خيلتس رديه
في يوم كذا قال أبو الشباب أنا ولد فلان مابقا إلاهى
في يوم كذا قالت لنا أمى ذو فلان يسوينكم ((تقصد أهلها ))
وفى يوم كذا قالت مرة أخوى وفي يوم كذا قالت رفيقتى وفي يوم كذا قالت أختى وقال أخوى وقال عمى وقال خالى وقال وقال وقال الخ......
وأكتشفت ياساده ياكرااااااااام أن بنتى ماجابته التشيحط من برا ..... وأن البلا فينا من زمااااااااااااااان وأننا للأسف فينا بقايا من جاهليه ......
قبل لاأختم عندى سعااااااااال هو التفاخر بنسب والأهل فعلا من الجاهليه ؟؟؟؟؟ ولا هذا طبيعتنا ياالعرب حبب لنا الانساب كما قال المصطفي عليه الصلاة والسلام ويعتبر الماااااااضوووووع عادى ومافيه شي ........
زبــــــــــدة الموضووووووع :
•لافرق بين عربي ولا عجمى إلا بالتقوى هذا اللى يقوله دينا الكريم .... فياليت نطبقها في حياتنا ونربي أنفسنا قبل عيالنا عليها لأنهم في النهايه يتطبعون بطبايعنا .......
•والتفلسف قدام الصغار والتميلح ماله داعى لأنهم عندهم القدره أنهم يخلون قذلتس قدام وشعرتس ورى في لحظه
•صندوق العجايب لا تملينه زياده عن اللزوم هاثم خلق الله يشوفونتس بقره حلوووب على غفله
وحشتوووووونى .......
مسج سريـــــــــــع : أم سلطان سلامة الوالد ياقلبي وقدامه العااااااافيه أن شاء الله .......
منوره الواحه ياقممممر .. وحشتينااااااااااا وحشتنا برابرك
يام صندوق العجايب خخخخخخخخخخخخخ
الله يرج بليسك ياغلوووو ذبحتيني ضحك انتي وصندوقك ياهووو شايل بلاوي ..
اقول غلووو تراني مضيعه مكنسة الفراش اللي انتي خابره :42:
دوريها يمكن تكونين خاشتها فيه :o
يسلم بؤك ياهاااانم على هيك حكي وهيك عقل مدري من وين نزل عليك فجأه ..
ومبروووك مقدمـــاً