بقعد معك واضحك واسولف واحاكيك

<FONT size="6"><FONT COLOR="Red">
يوم نشدوني عن دموعي وانا امك
جاوبتهم وابعدتهم عن طواريك
ما ابغى اجرحك في كلمة تزيد همك
ما ابغى اقول ان السبب من تجافيك

يومي لمست الصدر في يوم ضمك
نسيت انا الي حولي وقمتنا أبكيك
ما دري أنت عايش وارتجي لمس جسمك
أو ميت واقول يرحمك واليك

يا ما سهرت وزاد غمي لغمك
ما ارتاح ليمن تهتني في لياليك
وياما الى طولت نومك أشمك
وأتأكد إنك عايش لي وأرجييك

وياما زعلوا مني خوالك وعمك
وياما هجرت أقرب قريب ضحك فيك
وياما ذرف دمعي الى سال دمك
براءة الأطفال ما هيب تـنهيك

ويا ما انتظرتك عند بابي وأنا أمك
وأقول في يوم تجيني وأحييك
أخاف من يوم يجيني يغمك
ويجيك علمي مع عزيز يعزيك

انا على الله داخله ثم لمك
ارحم قليب تالي الليل يشكيك
فكر بمنهي صابها ضيم ظلمك
واذكر حشا ضمك وعسر المساليك

ودي اشوفك قبل يومي ويومك
لو مرة بالعام يالله يخليك
ما ابيك تقطعني إذا أمري يهمك
بقعد معك واضحك واسولف وأحاكيك

يا وليدي اذكر كلمة قال فمك
ليقلت كلمة يوه قلبي يلبيك
واذكر زمان به فراشي بجنبك
والى شكيت تقول يمه واسليك

والى اشتد ما بك فوق كتفي أزمك
ما ارتاح لحظة لين ربي يعافيك
والختم ليجتك الرسالة وانا امك
يما تجي والا انا ازحف وانااجيك

المرجع : شريط توقيع
تسجيلات أحد

تحيتي
الموهوب
</FONT c></FONT s>


<font face="MS Dialog">تم تعديل الموضوع بواسطة الموهوب (بتاريخ 02-12-2000) </font>

السلام عليكم

الشهر عليك مبارك

موهبه رائعه في الأختيار
جزاك الله خير وبارك فيك

------------------
برودة الرجاء شتاء العطله..وحرالخوف صيف الذوبان ..ومن لطيف به فزمانه كله فصل الربيع...

السلام عليكم -------والله قلبت المواجع ،يكفينا الي فينا والله العالم انا ودنا نرجع لهلنا اليوم قبل بكره بس هذي الدنيا والله الواحد منا يبكي كل ليله عليهم بس سراحه القصيده رائعه جزاك الله خير أتوقع لو اقولها لزميلاتي الي مثلي مغتربين قلبناها محزنه وجزاك الله خير .................الله يرجعنا لهلنا سالمين .

هلا وغلا الموهوب..

ويعطيك الف عافيه..

قصيده مؤثره...وبانتظار المزيد

مجد..آمين يا رب

شكراً الله يعطيك العافية ..
وللمعلومية أن في الشريط كما ذكر موهوب ملحَنة لحن ممتاز جداً ..

------------------
جراح المسلمين بكل أرض
تراق رخيصة وتضيع هدرا
وبالعصبية العمياء تعدو
ذئاب مارعت بالله قــدرا
وأنهار الدماء بغير ذنب
تراق رخيصة وتضيع هدرا
وصيحات الأرامل واليتامى
تقتق أكبدا وتذيب صخرا